تسهر توالي الليل يوم ان الخلايق تهجعه
ميقافها حدب الليالي بعد ظل العز مال
تقرا من سطور الكتاب اللي تعاين مصرعه
ويامل قلب من خفوقه صار صدري له هيال
امست لواعيجه فبحر الهم ترمي الاشرعه
قلب هواجيسه تلاعب به على مر الليال
تسقيه بالمر الذحاح اللي من اول تنقعه
تارد به حياض المنايا بعد ليل الهم طال
وتسوق في كفه تعاوين الزمان وتجمعه
أسير واحث الخطا لكن يا بعد المنال
يا بعدها لا كان به روس تحط الأقنعة
روس تمايل فالهوى مابين جد وبين خال
وروس على وضح النقا بحر الكرامه تشرعه
لكن ما بين القسا واللين ممرسة الحبال
اللي على مر الليالي من هواها مترعة
أمد واقصر فالخطا واقول لله الكمال
وليا تحاقرني زماني قلت لله ما اشجعه
وانا ادري انك يابحر موجك يصافق كل جال
لكن نهر النيل موجه دوم يصفق منبعه
أتعبت رجلي يابحر اتقول لي روح وتعال
وانا معك بالسمع والطاعه وموجك بتبعه
وان هبت الغربي وشلع ريحها منشى الخيال
اما تسوقه للديار البور والا تقشعه
ياصاحبي والعلم واضح ما بقى شي محال
ما عاد باقي فالبحر ياصاح لاحد منفعه
ترفع رواق الصدر والا يرتخي مابه مجال
الصدر مثل السجن ترخي الستر والا ترفعه
اكتب على باب السجن صرح المودة والجمال
وانظر ترى به حي فالدنيا يجيك ويدفعه
وارسم على صفحة جبين الارض من نسج الخيال
هم وحزن وافكار مبثوثة وناس مروعة
واترك عيونك تنتظر ساعة وصول الإحتلال
ساعة وقوف الارض تحت اقدام روس مشرعه
ياصاح انا فالارض واعرف كل ريع وكل جال
واعرف مواقيع الحرار وعارف ارض المسبعه
واخيل براق الخيال اللي تلوى فالجبال
واصد عيني عن وميض البرق والرعد اسمعه
اصد عن رايح من المنشا كما صفر الدلال
يصد عن قفر الديار ويهل بارض ممرعه
منشى مخاييله جنوب ورايحه يمطر شمال
والبدو لا شافو ثعوله تبتعد ما تتبعه
ياصاحبي هذا الجواب وش بعد باقي يقال
وش عاد باقي للسجين اللي بحر همه معه
تم الإرسال بواسطة iPhone بإستخدام مدونة عبير
واخيل براق الخيال اللي تلوى فالجبال
واصد عيني عن وميض البرق والرعد اسمعه
اصد عن رايح من المنشا كما صفر الدلال
يصد عن قفر الديار ويهل بارض ممرعه
منشى مخاييله جنوب ورايحه يمطر شمال
والبدو لا شافو ثعوله تبتعد ما تتبعه
ياصاحبي هذا الجواب وش بعد باقي يقال
وش عاد باقي للسجين اللي بحر همه معه
قصيده راائعه ونالت اعجابي جميع ابيااتها
داائما مبدع وما شااء الله عليك
وتسلم يمينك ويسلم منطوقك
وداام مدااد قلمك وداام نبض قلبك واحسااسك
تسلم الاياادي ويعطك العاافيه
أرق التحااايا
صح السانك و يسلم منطوقك
تقديري لك ..
