المكان . الديرة , طريق الرياض السريع , الرياض حي المصيف
بطل القصة أنا والممثلين أخواني اللي تحت بالتوقيع زايد خالي حمد زايد أمي والمخرج أخوي طخيمان خخخخخخخخخخخخخخ >> قلب ليلى الهلالي
المهم أول ما أنتهت الاختبارات وكل واحد جاب شهادته ومكتوب فيها( ينقل للصف التالي ) غير أنا راسب في تسع مواد ومن ضمنها التربية الفنية جاء خالي للديرة وطلب من أمي تروح معه للرياض
وأمي رفضت قالت الخبل ذا راسب ولازم أقعد أذاكر له وأنا واقف جنب أمي قلت تكفين يالجامعية كل اللي معك شهادة ثالث إبتدائي محو أمية ناظرت في خالي وكلي براءة صكني خالي مخمس
وقال صب القهوة يا ورع قلت أبشر >> الدنيا مصالح يبي ياخذنا للرياض
.المهم بعد التحايل على أمي والتميلح عشاني أنا الدلوع في البيت >> أمحق . وافقت أمي بشرط إني آخذ كتبي معي للرياض عشان اذاكر وأي غلط يصير مني رايح يرجعوني للديرة قلت أبشروا أصلا إذا وصلنا الرياض تبون تشوفون شخص ثاني >> باين عليك خخخخخخخخخخخخخخ
طبعا أول مره أسافر للرياض وكنت أسمع عن الرياض أنها عاصمة الثقافة قلت فرصة إني أنمي مهاراتي >> بالحيل يا ميسره . ركبنا السيارة كل واحد معه شنطه غير أنا معي شنطتين شنطة فيها ملابسي
وشنطه فيها بطانيتي اللي ما أنام إلا فيها . بعد ما ركبنا السيارة اللي يسوق خالي حمد واللي جنبه طخيمان وأنا بالمرتبة الثانية ورى خالي حمد وأخواني وأمي جنبي أخواني كلهم ناموا غير أنا من زود الفرحة ما جاني
نوم خذينا ساعه وحنا نمشي مع الطريق وخالي ساكت ولا أحد يسولف قلت يا ولد لازم أكسر الحاجز اللي بيني وبين خالي عشان يصير بينا ميانه >>
يبي يشبك خاله . ضربت خالي على راسه قلت وش أخبارك يا دب ألتفت لي قال عيب يا ولد تراك رايح للرياض ولا ودي أزعلك
قلت عادي ترى بينا ميانه يا خالي حسيت إن ضغطه أرتفع وألتفت لي ألتفاته مغايره عن الأولى 
وصكني مخمس لدرجة إني طحت بين المراتب وأغمي علي 
بعد تقريبا ثلاث ساعات صحيت وكان الوضع هادي أخواني وأمي راقدين وخالي يسوق وهو يدخن وحنا نمشي مع شوارع كلها إنارة وأشجار وزحمة سيارات قلت أحم أحم قال خالي أنت صحيت يا مخفه قلت أيه عادي
يا خالي أضرب حلالك قال أنطم بس أرتفع ضغطي وأنا ما أقدر أسوي شي قلت يا خالي حنا وين ؟ قال خالي وهو يستخف دمه حنا بالسيارة
. قلت تنكت أنت وخشمك اللي كنه بترينه معلق عليها قميص نوم شفت قارورة الموية صحةفي يد خالي وفيها ربعها موية وفصفص و ثلاث طعش زقارة وأرتفعت للسماء وخالي وجهه يذكرني في صدام حسين المجيد يوم يقرون مذكرة الإعدام عليه وعينك ما تشوف إلا النور
وصكني على جبهتي وما صحيتإلا وطخيمان يجرني برجلي يقول أنزل حنا بالرياض نزلت من الموتر وأنا حاقد على خالي قلت لازم أنكبه بس خلها اذا جينا نمشي من الديرة . قابلوني عيال خالي حمد يرحبون فيني عشاني المثقف في اخواني وأقدر أتأقلم بسرعه مع المكان اللي أنا فيه >> بالحيل يالحرباء خخخخخخخ
على طول نزلت ثوبي وأنا بالشارع ولبست تكميلة المنتخب أم كم طويل قلت لعيال خالي يمدينا نلعب كرة قدم قالوا يمدينا رحنا للملعب وأنا أمشي على روس أصابع رجولي من زود اللياقه تعرفت على اللي
بالملعب على طول وصر ت أمون عليهم كلهم
وأنا مسوي فيلسوف عليهم وإني فاهم في كل شي ومن ألقابي (فهيم ) فجأة طلع لي واحد نشب لي قال الحين أنت وش تشجع تبسمت بذع ثواني وأنا أتذكر أي فريق موب عربي قال ليه ساكت قلت أصلا سؤالك غبي قال عجيب ليه ؟ بينما هو يرد تذكرت فريق أسمه ريال مدريد سمعت عنه بالقناة الرياضية قلت يا أخي أنا اشجع ريال مدريد قال أحلى يا ولد ناظرت في ولد خالي والابتسامه تملأ وجهي
قال طيب ليه لابس تكميلة المنتخب قلت مهما كان الواحد لازم يصير عنده وطنية . وحسيت إن ذا يبي يوهقني .
مسكته بيده وخذيته على جنب قلت شف إذا ما تسكت ترى أبي أصكك مخمس أخليك تلف الرياض في ساعهوتبسمت قلت فهمت يا شاطر >> أحلى يا جاكي شان . شفت الخوف في عيون الولد قلت في نفسي الحمد لله أول مرة يخاف مني أحد . رجعنا للملعب ولعبنا وأنا كلي فخر وكبر مسوي كنج >> أجل كنج خخخخخخخخخ
فجأة جات سيارة نزل منها واحد طوله 2 متر وعرضه 1 متر >> صار لوحة محل خخخخخخخخخخ
. المهم شفت الولد اللي قبل شوي خايف مني يستقبله قلت شكل الليله لونها كحلي شفت الولد يأشر علي قال ولد خالي ليه يأشر عليك قلت كل عظيم محارب >> أجل عظيم خخخخخخخخخ . أتجه الولد والبودي قار لي قلت الله يستر . وقف البودي قار عندي قال أنا سلطان ألعب حديد قلت وأنا سعود ألعب خشب ها ها ها ها
قال تنكت أنت قلت لا بس من باب الميانه على بعض حنا كلنا شعب واحد ولازم نوقف في وجه الغرب لحست مخ المخفه شوي وصدقني قال أنت شكلك سياسي قلت أيه من حزب الضمه قال وشو الحزب ذا أول مره أسمع فيه
قلت ذا حزب تحت الإنشاء بس لا تعلم أحد صدقني المخفه وعزمني في الكوفي شوب . أنا ما صدقت لأني أسمع بالكوفي شوب ولا قد جيته قلت تم تم تم >> قلب ناصر القصبي خخخخخخخخخخخ
قلت متى نتقابل قال بكرا بعد العشاء قلت أوكي >> أحلى يالانجليزي خخخخخخ .رجعنا للبيت وقعدوا عيال خالي يمدحوني عند خالي وعند أمي يقولون سعود تعرف على اللي بالملعب كلهم قال خالي بلاه أن اللي بالملعب كلهم مخفات زيه
أنا هاج من حي النسيم لحي المصيف عشان الأشكال ذي بس الظاهر كل حي فيه خير . قلت كل عظيم محارب كل عظيم محارب >>> وأنا أهز راسي بتواضع
جاني الفنجال يمشي ميتين بس الحمد لله ما ضرب جبهتي تعداني تعشينا وطلعت لغرفة ولد الخالي الكبير قال انت تبي تنام عندي عشانك فاهم موب مثل أخوانك الطعوس ناظرت في طخيمان قلت تستاهل أنا قايل لك لا تاكل ورق العنب تراه يسبب صعوبات تعلم >> وش عنده خخخخخخخخخ
طلعت الدور الثاني لغرفة ولد خالي وحصلت الغرفة فيها كل شي قلت في نفسي ذولا عيال النعمه موب حنا أجل أنا وأخواني المخفات ما عندنا حتى ولو غرفة وحده كلنا ننام بالمقلط . قال ولد خالي ليه ساكت قلت ذي حالة تصيبني كل 47 سنه >> منتب عاقل يا مذنب هالي خخخخخخ
وراني هدايا قال ذي من خويتي سارا وذي من خويتي شذى وذي من خويتي شهد قلت لو داري جبت هدايا خوياتي قال كم خوياتك قلت عشر >> ما يعرف يكذب خخخخخخخخخخخخخخ
قال عشر ؟ قلت ايه بس نصهن ساحب عليهن قال ليه قلت يا اخي البنات إزعاج قال وأنت صادق قلت في نفسي يا ليت عندي وحده لو تزعجني . قال السرير ذا لك قمت أنا وفتحت شنطتي وطلعت بطانيتي المرسوم عليها صورة عنز
قال وش ذا قلت ذي بطانيتي وأنا ما يجيني النوم غير اذا نمت عليها قال يا خي أنت عجيب !! قلت والخافي أعظم وضحكت بتواضع حتى بانت رباعيتي المكسورة قال تبي تنام الحين قلت أول شي طف المكيف وأفتح الدريشه ( الشباك )
قال ليه قلت عشان أمد حبل أفكاري بلاحدود قال ويطلع حب أفكارك مع الدريشة قلت تبي تشوف الحين صدقني الخبل وطفى المكيف وفتح الدريشه وقمت أنا وناظرت مع الدريشة إلا وأشوف بنت جيرانهم في حوش بيتهم
قلت ذي من ؟ قال ذي حصة بنت جارنا قلت ياليل البعارين .قال خير وش فيك قلت أول مرة أشوف بنت على الحقيقة
لابسة جنز قال بكره نروح للمملكة وتشوف بعينك . فقيت خشتي أناظر بالبنت وأتمتم بكلمات غير مفهومه قال ولد خالي سعود انت فيك شي ؟ قلت أبي أمد حمل أفكاري ومشاعري .قال كيف ؟ قلت في نفسي ليه ما أكذب عليه وأقول أنا شاعر وأبي أكتب قصيده عشان يخليني أكلم خوياته .قال وين رحت ؟
قلت معك بس سجل اللي أقوله . طمر المخفه وجاب القلم قال يالله أبدأ
قلت
مع الدريشه أناظر في بعد عمري && هو لابس جنز لونه يا ولد أزرق
شبيت في قلبي الحساس من جمري && وحسيت إني في بحر عيونها أغرق
كدت شعرها الحرير وبديها زهري && من شفافها يمكن إنه يشرق ويشرق
الاماكن كلها مشتاقه لك && هالعيون اشلون املها هالعيون ذبحني سحرها
وسلامتك
قال صح لسانك أثاريك شاعر قلت ذي بس من بوح أحاسيسي >> أجل بوح أحاسيس خخخخخخخخخ قال بس عندي سؤال الاماكن ذي موب أغنية محمد عبده والعيون موب أغنية راشد الماجد قلت ياخي ذا يسمى توارد خواطر >> أجل توارد خخخخخخخخخ
قال طيب أنت من متى تكتب الشعر قلت من يومي في الأبتدائي قال ليه ما تطلع بالمجلات والقنوات قلت الشهرة ترى سلاح ذو حدين >> منتب عاقل يا فيصل القاسم خخخخخخخخخخ
قلت تصدق أني كتبت قصيدة وسرقها مني حامد زيد >> ما يعرف يكذب هههههههههههههههههاي قال وش رايك تنام موب أحسن >> كفشه خخخخخخخخخخخخخخخخخخ
قلت إلا ونمت ولا صحيت غير اليوم الثاني المغرب ما حصلت أحد عندي بالغرفة لبست ثوبي اللي معلق بالدريشه وطلعت من الغرفة وأنا نازل مع الدرج حصلت قطوه صغيرة عند آخر الدرج قلت ذولا اللي مسوين
اتكيت عندهم قطاوه بالبيت أمحق أتكيت >> وأنت وش عرفك يا خبل . المهم وقفت وأخذت زبيريتي بالطريقة الحونشيه ( يعني أرفع رجلي بشكل سريع وتطلع زبيريتي وترتفع 2 متر فوق بعدين أخطفها وهي نازله )
وحذفت الزبيرية على القطوه وصكتها على راسها وطاحت القطوه وخذيتها بذيلها وقعدت ألعب فيها مثل السبحة ودخلت عليهم بالمجلس والقطوه في يدي قلت صباح الخير قالوا أي صباح الساعه سته المغرب قلت أهم شي الأخلاق >> خير وش عنده خخخخخ
قال خالي وش اللي بيدك ذا قلت ذي قطوة حصلتها على الدرج بس طاحت من أول ضربة وفجأة وأنا أتكلم صاحت بنت خالي الصغيرة ريم وأغمي عليها قالوا عيال خالي أنت ذبحت ( تاكي ) قطوة ريم ورشوا على ريم موية والحمد لله صحت أنا من الخوف حطيت القطوة تحت الكنب
قالت أمي لخالي ذا الشي اللي كنت خايفة منه بس الحين ردنا للديرة قال خالي أنا أحل المشكلة قلت لأمي خالي يبي يحلها وش بلاك عصبية يا يمه قال خالي أنطم بس لا أفقع وجهك قلت سم طال عمرك >> لازم أصير كذا خخخخخخخخ
قال خالي سعود تعال معي أبيك قلت سم يا خالي ركبنا السيارة قلت ترى معزوم بعد العشاء يا خالي لا تطول >> ولك وجه بعد . قال خالي ( كلوز يور ماوث ) قلت لا يكون المطعم ذا بعيد >> يحسبه أسم مطعم خخخخخخخخخ
وصلنا لمكان مكتوب عليه مدينة النقل الجماعي نزلنا قال خالي للحجز أبي أقرب سيارة طالعه للديرة قال موظف الحجز ربع ساعه وتمشي سيارة حجز خالي وقلت يا خالي من اللي يبي يروح للديره قال انت يا خبل قلت مستحيل تهي تهي تهي تهي
أنا معزوم في كوفي شوب تكفى يا خالي أجلها بعد العزومه قال أنت أصلا كفو أحد يعزمك وركبني النقل الجماعي ورجعت للديرة وكلي حزن وخيبة أمل بعد ما وصلت الديرة سألوني الشله قالوا يا سعيدان وش ردك للديرة
قلت يا ناس مافيه مثل الديرة أجل الرياض ذي اللي يقولون عاصمة الثقافة ما حصلت فيه ناس على مستواي >> لا صرفتها خخخخخخخخخخخخ وقلت أنا حالف ما عاد أطلع من الديرة
إنتهى هرجه >>> خخخخخخخخخخخخخخخخخخخ
يعني ننتظر دائما طلتك الطيبه بقصص جميله تنور القسم
واسلوب رائع في الكتابه الطريفه
بس اقول مو جنها حلقه من طاش ما طاش
وسرد جميل ومتناسق مع احداث القصه
جزاك الله كل خير
وضحك الله سنك قصه رسمت الابتسامه على وجوهنا
أحلى فقره اعجبتي حين صحكيت القطوه يعني تذكر الديره وقطاوتها وعامل نفسك صياد
من أول صاروخ طاحت القطوه
مشكور أخوي الغالي
من جد صيف حار بس انشاءالله مابيتكرر……؟؟
.
الا صحيح هو وش يقرب لك
هههههههههههههههههههههههههههههههههههههههههههههههههههههههههههاااااااااااااي
ههههههههههههههههههههههههههههههههههههههههههههههههههههههههههههاااااااااااي
الله يرجك انت واخوانك المحششين
من حشش مات ومن مات فات وكل ماهو آت آت
يطلموووووووووووووووو على المرور
ودام أحسن فقرة القطوة أبي أقولها مره ثانية خخخخخخخخخخخخ
وي وي وي وي
يطلمووووووووووووووو على المرور
ومن ناحية التكرار ما راح يتكرر الشي ذا لأنهم قرروا ما ياخذوني لأي مكان خخخخخخخخخخخخخخخخ
واحد فااازي
ميسو أنا أعطيه وجه حسب المصالح الشخصية >> لا يا شيخ خخخخخخخخخ
وهو خالي يعني أخو أمي >>مخفه صدق خخخخخخ
ون نفرات فازي
لا تدعين عليهم بالرجه ترى هم مرجوجين خلقه خخخخخخخخخخخخخخخخخخخخخ
يطلموووووووووووو على المرور
واااااااااااااااااااااااااااي
