وآللي يشوفي يقول هذآ شكله كآن يدق طيرآن مع رآبطة آلآهلي
آلمهم آني آدور آلفرآش بشمعه وبمآ آن آلبيت جميع كآن نآئم , فبيحلآلك آلجو في آلتفكير
آلمهم دور آلمخده وآلبطآنيه ولآتدور .. كل قربعه بجهه .. لدرجة آن فيه مخده لقيتهآ تحت التلفزيون اللي فيه ارتي اللي بالمقلط اللي بااخر آلبيت
آلمهم وآجي بحط رآسي , وتجي ببآلي يآسمين عبدآلعزيز , وآقوووول يوه لو بس آنآ مثلآ بدل آحمد زكي وآمثل معهآ وآلمخرج يقول لآزم تحبون بعض
وآجلس آتخيل وش آقولهآ ووش تقولي , وش بيصيرلي ووش بيصير لهآآ آلغرض كله من آلتفكير آني آذآ رقدت يجيني هذآك آلحلم آللي شسمونه .. آيه حق حديث آلنفس
آلمهم وآنآ آدخل جو مع يآسمين وآلنوم جآء بعيوني .. يعني خلآص على وشك آلنوم , يعني متحلم فيهآ متحلم فيهآ , آلله لآيعوق بشر
وآلآ آسمع صوت آلبآب ينفتح , وآللمبه تشتغل , وآنه آخوي آلصغير توه صآحي من آلنوم ويدور ملآبس , شكله ( عآملهآ )
آلمهم مآعلينآ يوم غلق قلتله بكل هدوء وآستكنآن وبصوت وآطي لو تسمعه عربجيه تخق قلت له " طف آللمبه وصك آلبآب "
طفى آللمبه وصك آلبآب .. وجيت برجع آلتفكير حقي حق يآسمين عبدآلعزيز , وآنه عي يرجع .. طلع وآحد منعون زي حآلتي .. يوم جآء بيرقد فكر فيهآ ورآحت معه وآنآ قعدت بهآآ
قلت ومآله ندور غيرهآ , وتجي ببآلي حليمه بولند يوم تقول : آبي آبوي آبي آمي << يآويل حآلي بس
لحظتهآ بس ودك تصير آبوهآ وآمهآ وجدهآ وجدتهآ بعد .. آلمهم وآتخيل آني شبكتهآ من ورى زوجهآ وصآرت تطلع وتروح وتجي معي .. وحبيتهآ وحبتني << آبك مآآبيهآ تحبني هي بس تطلع معي بس ؟!
آلمهم دخلت جو آلنوم وهي معي آللحين خلآص شبكتهآ , ويوم غفيت خلآص في آلنوم .. آلآ آسمع ردجة آلبآب بقووووه وآللمبه تشتغل من جديد .. وآخوي آلصغير يقول : هيه هيه شريط آلسوني ضآع لا
طيب آنآ وش دخلني بآلله آللحين ؟ آنآ وش ذنبي ؟ آنآ وش سويت بحيآتي ؟ آنآ وش مشكلتي بآلضبط ؟!
وبآعلى صوتي .. آقول " طف آلبآب وصك آللمبه " لآآوريك شغلك .. وهو يضحك بصوت عآلي من آلكلجه حقت طف آلبآب .. ويشرد
آلمهم بعد مآآجيت بخلد للنوم من جديد , تخيلت آني مصري وآحب جآرتنآ منى بس آمهآ آلحقه نبويه قآعدتلي
وآتخيل آني آروح معهآ لعربية آلكشري ونآخذ 2 كشري بآآرد وعليه ثلج وآحلى قرقعه يآصآحبي
وبعدهآ نروح لعربية آلكبده حقت آللمبي ونفطر فيهآ .. وتجي آمهآ وتقول : مآتمشيش مع آلوآد دآ تآني مره .؟ فآهمه ولآ لآ ؟!
وتشيلهآ مني وآنآ آبتسي وآبتسي وآبتسي وآروح آلبحر وآجي برمي نفسي ويجون آلنآس وينقذوني << دخل جو
آلوكآد آني صرت حر بهآلبلد .. وآبص على آلبنآت , وآروح ديسكو وآفل آمهآآ .. وتجيني وحده وتقول : تيقي نرئص ؟!
وآنآ مسوي آني آلولد آللذي وفي لمنى .. وطلع من آلديسكو وآروح عند بآب بيتهم وآقول بصوت عآلي : بحبك يآمنى
وتطلع لي مع آلبلكونه .. وتآشر بيدهآ وكآني بهآ تقول : وآنآ كمآن بحبك
وآشير آليهآ بآلتحوت .. يعني آنزلي تحت .. وتجي متحته ( نآزله ) وتقول مآمآ نآمت
وآنآ فآتح كشرتي بشيلهآ وبنروح مطعم رومنسي .. ونتعشى فول وطعميه .. << يتعشون فطور
آلمهم وآنآ بعز آلتخيلآت هذي .. آلآ آلبآب من جديد ينفتح وآللمبه تشتغل من جديد ( وقسم آحسكم حتى آنتم حقدتم على آلبآب )
عآد آنآ آتشت ؟ .. هآآه وش تبي يآآورع ؟! , قآل : آبي مرسآم بحل آلوآآجب << تحل آلوآجب هآه يآكذآب
هو عآرف آنه لو قآل كذآ مآني قآيل شيء .. بحكم آني دآيم آقوله سنوشتآتك بقيبك وئلمك ومصطرتك بمخبآتك وبرآشيمك بيدك .. آقصد آني دآيم آتفلسف عليه وآقوله درآستك مهمه وآرجل من هآلدشره وآلمطآمر مع هآلورعآن ومن هآلخرطي آللي مآآعرف له , بس هو بحكم آنه بآقي ورع يحسبني مثقف .. حتى لآشآفني من بعيد يقول كونآن جآآء وخروآ عنه
آلمهم قلت له يآلله دور مرسآمك وبرى آلغرفه , .. آلمهم شوي ويقول خلآص لقيته لقيته , ضحكت عليك شريط آلسوني آللي كنت آدوره .. ويطلع ويخلي كل شيء زي مآهو .. وآنآ آللي آزيد آقوم وآطفي آللمبه وآصك آلبآب , كآن ودي آروح آفقع وجهه , بس مآفيني له
وآرجع للنوم من جديد .. وحطيت رآسي قلت بنآم من دون تفكير بس آلشيطآن ملعون , يقولي وشرآيك بكرستيآنو رونآلدو ؟!
بغيت آطسه بآللي جنبي .. بس حظ مآجبني شيء وآلآ كآن مآتدري وش صآر آللحين
آلمهم وآنآ آقآوم آلشيطآن .. حسيت آن آلبآب آنفتح وآللمبه آشتغلت , وآفك آلبطآآنيه وآطآلع بنص عين .. وآثآري مآعآد فتح آلبآب .. بس آنآ يتهيآلي ( عقدتني يآوخيي )
وآرجع آرقد .. وآسمع وآحد يقولي .. تدري آلشرهه على آللي يجيبلك هآلمزز آنت عبله كآمل وتخب عليك بعد
ويوم فكرت آني آصير حبيب عبله كآمل .. رقدت وتحلمت آني آصير حسن حسني
مآيستفآد من آلموضوع :
1 / لآترقد آلآ وآنت مقفل آلبآب عشآن مآتنجبر تقول " طفي آلبآب .. وصك آللمبه "
2 / لآجيت تفكر وتتخيل قبل لآترقد .. فكر على قدك , لآتشطح بعيد يعني عندك موضي < آن كنت نسونجي .. عندك بيت شعبي < اذا انك حق بيوت .. عندك ددسن 89 < آذآ آنك حق سيآرآت , آهم شيء لآتشطح بعيد
3 / آذآ شفت في آلبيت مآفيه غير آخوك آلصغير صآحي , فآآعلم آنه طفشآن ويبي وآحد يونسه .. فروح آشتري له آيس كريم آبو هديه وخله يتسلى عليهآ وآنت آنثبر وآرقد
4 / آقرآ آلمعوذآت وآذكآر آلنوم قبل مآتنآم , حتى تريح نفسك من هآلتفكير وتنآم وآنت مرتآح وبسرعه
5 / مخدتك وبطآنيتك .. قبل مآتطلع من آلبيت دسهآ ( خبئهآ ) حتى مآآيجي وآحد من آلبزرت ويلعب فيهآ
6 /
7 /
آكتشفوآ عآد آنتم مآبين آلسطور
آلسؤآل آلمطروح هنآ !!
س / هل ترآودك حآلآت مثل حآلتي .. يعني تقول جملة " طف آللمبه وصك آلبآب " كثير ؟! وتتخيل ويجي آحد يخبص عليك آلتفكير ؟!
ولآبس آنآ .. ترى آذآ بس آنآ آللحين بروح آدور ولآعه وبشب فنفسي
طحياتي<< لكل من قرآ آلموضوع !!
الله يرجك ذكرتني بأيام زمان لما كنت أنسدح بالفراش ولاتطري علي غير أنجلينا جولي ياملا الذهاب<<أدري بتقول قويه أنجلينا مره وحده
لا والله حالات الكلجه هذي عمرها مامرتني
تقبل مروري لاعدمناك
بس مو مثلكم ياشباب طموحكم بعيييييييييييييييييييد
لا انا قرييييييبه
لاكن الافكاااااار الي عن القرييب بعيييييييده<<بشروني لو استوعبتوووها
ويسلموووووووووووووووووووووووا عالموضوووووع
موضووووع راووووووعه
انا لاجيت ارقد اهوجس اني العب كوره
يسلموووووووووووو
يسلموووو خيووو ع المووضووع الحيلو
تقبلي مروري المتواضع
ودي
حلوه وربي
