وش أخباركم ؟.؟
وأخبار الوالد والوالده والأخوان والأخوات ..
والعمان والخالات والجيران << لاياشيخه تقلعي انتي وتنكيتك اللي ماله داعي
ما أطول عليكم ..
بقولكم قصة صارت لي أنا وأعضاء عصابتي ..
أبطال القصه :
زعيمة عصابة عبور الرعب .. (( شوق ))
نائبة زعيمة عصابة عبوره الرعب (( سندريلاا ))
بؤرة الرعب (( عالي ))
الشبح الأسود (( ولد الحفرر ))
الجني الوسيم (( البرنس ))
أحداث قصتي تدور حول البيت المسكون << تدور ماداخت
المكان : بيت ولد الحفرر
الوقت: 12 مساء
ددددن ددددددم دم دم دم دم دم <<… موسيقى تصويريه
الهدووووووء يلف المكاااااان جميع الغرف فااااضيه ماعدا غرفه يلفها الضبااااب …. ماسر هذا الضباب الكثيف ؟؟
لندخل حتى نعرف
يااااااااااللهول ماذا أرى يااااااللكااارثه ياااال
<<أقوووول انطمي وعلمينا وش شفتي
شفت ولد الحفرر والبرنس يلعبون بلاي ستيشن رزدنت ايفل ..
تدرون من وين جاي الضباب !! .. علااوي جايبه عجينتها وتعجن في الغرفه
تتابع لعب ولد الحفرر والبرنس ..
أما سندريلاا جالسه تقرا الجريده ..
سندريلاا : أقول قريتوا ذا الخبر ؟.؟
عالي : أي خبر ؟ أنا توني قاريه الجريده ماشدني فيها شي
سندريلاا : الخبر ذا عن بيت مسكوون يمه يخرع كله جن !
وقعدوا يضحكون على سندريلا هي وخبرها ..
سندريلااا : أنتم تضحكون والله لو قريتوا الخبر كان خفتوا
وبعدين أنا غلطانه أقولكم عنه أصلا محد فاهمني
إلا شواقي ..
شواقي : طحت عليكم من اللي تحش فيني أعترفوا ؟.؟
ولد الحفرر : هذي سندريلاا نقولها من اليوم عيب نحش في البنت وهي تعاندنا
سندريلاا : آآآآآآآه .. منك ياولد والله ماقلت كذا
أنا أقووول محد يفهمني إلا صرقوووعه
ولد الحفرر : خخخخخخخخخخخخخخخخخخخخخخخخخ
شواقي : ياقلبي والله مصدقتك بس قولي لي على إيش افهمك ؟.؟.؟
سندريلاا : كاتبين خبر بالجريده عن بيت مسكووون و……..
شواقي : بيت مسكوووون؟ وين ؟ ومتى ؟ وليش ؟
لابارك الله في عدوك وساكته من اليوم !!
سندريلاا : بسم الله الظاهر أنتي المسكووووونه مو البيت ……. !
شواقي وهي تقرا الجريده : يالله البيت قريب ….
البرنس : وإذا كان البيت قريب وش يعني ؟؟!!
عالي : شواقي تعوذي من ابليس لا يكون اللي في بالي
ص دق
سندريلاا : لاشواقي ماتفكر هالتفكير الشين <<ياعمري ماتصدقين فينى شي …
البرنس :شواقي ابلعي العافيه واعقلي ..
كلهم بصوت واحد : شوووووووواقي بتروحين البيت ؟.؟.؟
شوواقي : وش فيكم من قال اني برووووووح البيت ؟؟؟؟
كلهم بصوت واحد : الحمد لله ..
شواقي : بنرووووووووووح كلنا
ولد الحفرر : شووق أنا ماني رايح وش قالوا لك بايع عمري ..
البرنس : لا مانبي نروح معك نضيع شبابنا
علاوي وسندس : ورانا دراسه مانبي نضيع مستقبلنا ..
شوواقي : تكفووون يالمستقبل اللي بيضيع حتى أنا وراي مدرسه ..
كلها ساعه وراجعين ان شاء الله
……………. وبعد لحظات ……………..
شووواقي : هااااااااه وش فيكم ساكتين .. السكوت علامة الرضا
كلهم بصوت واحد : من قال
(( من قال لك اني في البعد مرتاح mbc .. FM …
ياجمااعه مين اللي غير المحطه .. يالله رجعوها …..أعزائي عذراا نرجع للقصه ))
شووواقي : وش فيكم ياكرهكم عااد أول مره أطلبكم … وبعدين الدنيا فرص
وهذي فرصه ماتعوض
وما احنا خسرانين شي ……..!!
البرنس : بنخسر عقولنا ….
شوواقي : طيب تكفووون أشوووفه من بعيد …
اهيء اهيء اهيء
وبعد محاولات وافقوا بس على شرط يشوفونه من برااا….
طارت شوواقي وجابت سيارتها الددسن علشان المكان وعر
وسيارتها الكشخه تخااااف عليها لاتتوسخ من التراب ….
طاط طااااااط عنننننن << ددسن شوواقي ..
عالي اتصلت على أمها : يمه اهئ اهئ سامحوني اذا غلطت عليكم ..
شوواقي : وش دعوه عاد .. اللي يسمعنا يقول مسافرين برا ..
سندريلاا : شوواقي رجعيني البيت ما ابي أروح معكم
شوواقي : سندريلاا يازينك ساكته .. خليك مثلي قويه << انقلعي بس
ولد وبرنس بصوت واحد : خلاااااااااص هونا بنرجع ..
شوواقي : هخهخهخهخهخهخهخه ..
برنس : إلا عالي مالها صووووت لا تكوووون ماتت !
عالي : ما فيني شي بس أفكر ..
شوواقي : ماعليك ياقلبي قوي قلبك وتحلي بالصبر وياما بالسجن مظاليم
((( ليتك ساكته أبرك )))….
المهم وصلنا البيت وقفت السياره ..
ونزلت من السياره ..
البرنس : شوق وين رايحه ؟!!!!!؟
شوق : بشوووف البيت من قريب ….
ولد الحفرر : انتي صاحيه !!
شوق : أشوووووفه وأرجع ……..
وراحت شووق ورجعت ثمن قالت: اقوول ليش ماندخل …..؟؟
سندريلااا : نعم ! حنا مو اتفقنا على اننا نشوفه ونرجع ….
شوووواقي : جد حنا وصلنا وماندخل والله فشله ..
ولد الحفرر : فشله من مين ؟؟؟؟؟؟؟؟
شوووق : من الجن وش تبونهم يقولون عنا .. نخاااف من خيالنا ..
علااوي : هم عارفين اننا نخاف من خيالنا وين الجديد أقووول اعقلي وخلينا
نرجع لبيوتنا …
شوووووق : كيفكم شوفوا أحد يرجعكم أنا ماني مرجعه أحد
(( أشتغلت النذاااااله ))….
ولد الحفرر : اقول اعقلي لايجيك كف على وجهك ..
شووق : أحلى يالعربجي ..
البرنس : والله انك فاضيه يا شووق ..
شوووق : أنا كلمتي وحده (( ايه هين )) ..
ويالله أنزلوا من السياره بقفلها …
شوووق قفلت السياره وسوت نفسها داخله البيت وهي داخله ورا السووور ..
وتناظر اشكالهم و تضحك وقامت تذب عليهم حصى وهم مايشوفنها ..
ثواني إلا هم ورا ظهرها واقفين بيدخلون معها << أبوك يالتصرف الخطير
ودخلوا البيت
المسك ون ..
البرنس : حسبي الله على ابليسك يا شووووق
علااوي : يصير خير إذا رجعنا للبيت ..
ولد : أشووووف فيك يووووم…..
شوووق : خليكم اقوياء .. وقت الشدايد احطكم على يمناي ..
البرنس: أي شدايد أي خرابيط حنا مجنن يوم طاوعناك ..
وولد : اي والله … إلا سندريلاا مالها حس لايكووون ماتت !!
شوووق : بسم الله على عمرها .. سندس وش فيك ….؟؟؟
سندس : تشوفون اللي أشووووفه …؟؟
علااوي : بسم الله وش تشوفين .. ؟؟
سندس : هذا اللى واااقف …!
شووق : وش تشوفين تكلمي خبصتي قلبي …
شوووق حطت رجلها قبلهم ووجهها صاير مية لوون ..
سندس : ههههههههههههااااي ضحكت عليكم ..
البرنس : خفت دم مال أمها داعي
ولد : خخخخخخخخخخ الحين راجتنا فيهم طلعتي خوااااافه خخخخخخخخخخخخ
شوووق : أنا قايلة لكم إني مزووح هخهخهخهخهخهخهخه
صوت مبحووح: مزوووووح والا نزووووح ؟؟؟
شوووق : اقوووول مو وقت لعب ..
برنس : ليش مو انتي اللي تكلمتي …؟؟؟
شوووق : لا أجل انتي يا علااوي …..؟؟؟
علااوي : لاااااااااااااا …. !
البرنس : ياجماعه ذا صووووت ثاني ..
الصوت المبحووووح : لا ثالث هاهاي…
كلنا بصوووت واااحد : يماااااا
الصوت المبحووح : لا يباااااااا .. << ينكت هو ووجهه خخخخخخخخ ..
وحنا اللى نحط رجلينا ومن الخووف ضيعنا الباب وينه …
قمنا دخلنا غرفه وقفلنا الباب علينا ..
سندس : ليتني ماجيت معكم كان الحين في بيتنا ..
علااوي : ايه والله ..
شوووق : مو كل شي تحطونه علي انا ماغصبتكم تروحوون …
انتم اللي وريتوني البيت وانتم اللى لحقتوني لداخله …..
(( ياكثر الكذب والنذاله..)).
ولد : لا والله انتي اللي ترجيتينا وخليتينا نطاوعك
يوم قفلتي السياره وقلتي دبروا اعماركم
وانتي عارفه إن المكان مهجووور …ومحد يمره إلا وين وين…
البرنس : مكان مهجور ومحد يمره يعنى بنموووت محد درى عنا.:
شووووق : أكيد أحد بيدورنا ..
علااوي : متى ذا بعد كم سنه ..
سندس : هين يا شووق إذا لنا عمر يصير خير ..
الصوت المبحووح: مساء الخير ..
ليه الضيقه ياناعس الطرف.. << يغازل الجني
شووق : هذا اللي نكد علي الله ينكد …… ! ! اللى يكلمني مين ؟؟؟
الصوت المبحوح : أنا ……
كلنا بصووووت واحد يمااااااااااااااااااه ..
وفتحوا الباااااب وطربق طربق طربق……. ومالقوا الباب ولقوا غرفه ثانيه
وهم يزينونها ويقفلون الباب … ويقعدون في زااااويه من الخوف .
شووق : بسم الله سمعتوووه قالي مساءالخير .. !!
البرنس : الله لايمسيه بالخير…..
شووق : يمه صوته صوت ميت ….
سندس : ليتك تسكتين أجل الميت يتكلم ..
علااويه : طالعوا تحت الباب انا أشوووف رجلين تروح وتجي يمه…
سندس : أنا بحط طرحتي وأسد بها الباب ….
وقامت وحطتها وجلسوا ومن التعب ناااااموا …
طاخ طاخ طاخ….
وقاموا وبصوت واحد : بسم الله …
سندس : طرحتي وين اللي حطيتها عند فتحة الباب ..؟؟؟
كلهم : شوفيها يمكن هنا والا هناك ..
شوووق : الصوت اللي تو وشوو؟؟
الصوت المبحووح: ياجماعه اعذرونا اختي جازت لها الطرحه
واخذتها علشان تحضر بها العرس..
علااوي : أقوووول اللي تكلم يروقنا عاد مو ناقصنا مزح فيذا …
الصوت المبحووووح : اللي تكلم أنا أسمى زعرووووور….
وحنا : يماااه
ونفتح البااب وطربق طربق طربق إلا حنا في الصاله الا هي مليانه جن !
وحنا تيبس ارياقنا وعظامنا عيت تشيلنا ..
وكلنا نقول لبعض : حنا واحد ماقدرنا عليه وش نسوي بذووووووولا ..
ولد : تكفى الصاله ملياااااانه ..
شووواقي : بنات شوفوا عالي وش موديها جنب اللي ماله عيون
عالي : بلا تنكيت هذاني جنبك ..
شووواقي : بسم الله مين فيكم علاوي الحقيقيه انتي والا هي ؟؟
علاوي : أنا الحقيقه .. وهذي شكلها جنيه مسويه نفس شكلي ..
سندس : بنات طرحتي << هذا اللي هامها ..
حنا : وينها….؟؟؟
البرنس : لابستها ذيك اللي تسحب رجلينها وجايه لمنا …
زعروووور : ذي اللي لابسه طرحتك اختي زعروووره وجايه بتسلم عليكم ..
حنا : الله لايسلمها ..
زعروووره: خير وش قلتوا ؟.؟
حنا : الله لايسلم عدوها…
(( احلى يالتصريفه..خخخخخخخخخ )))…
زعروووره: أحسب غير ذا الكلام…. هيه انتي تراني اخذت طرحتس علشان
احضربها العرس .. وإذا عندتس اعتراض قولي لي علشان ادوس في بطونكم ..
سندس : لا عادي على هواك اصلا انا ما عادا ابيها ..
زعروووره: انا بحضربها العرس وبرجعها
لاتحسبين اني اشحذ منتس (( وراعية طلايب ))…زعرووور تعال معي تاخرنا
على اهل العرس فشيله …..
زعرووور: طيب…. أقول وش رايكم تحضرون معانا للعرس انا اموون
عليهم واقدر ادخلكم من غير بطاقه << تكفى يالشخصيه ..
حنا : لا معليه حنا بنروووح لبيوتنا تأخرنا…
زعرووور : وشلون تروحون حنا خذينا سيارتكم علشان نوصل المعاريس
ونزفهم لفندق الخرااابه تراه مهب بعيد مسافة نص يوووم …
وبعدين فشله توصلون عندنا وماتحضرووون عرسنا…
حنا : أمرنا لله…
وحضرنا العرس وأخس يالعرس .. اللي لابسه فستان ضيق وهي هيكل
واللي فارده كشتها وراسها مفضوخ واللي تسحب رجلينها
واللي اصابعها مدري وينها مالها وجووود
اشكاااااال تخوف .. بس بصرااااحه كاشخااااااات ..
والله وتطق مطربتهم أم صوت مخنووووق عشتار أخت الفار
وهاااااات يالسامري واشتغل يالطار والعب يالزاااااااار
وغني يا أم صوووت مخنووووق :
العب العب ياهووو على قلبي طقق طق طمبق طمبق….
وسعن يالهياكل….
جاكم الزين كله….
ماتهاااااااب السياكل….
هرجها محدن يمله….
عجيييييييييييييب عجيييييييييييب ورا ورا ياااهووو ياهووو
<< هخهخهخهخه
يوم قام المهابد….
والطرب حامي …
بنت ابوووها اتهااااابد…
ولعت سامي …..
سرى سرى سرى سرى… يا ام رجل مسلوووخه ايوه ايوه عجييييييييييييييب….
وأنوااااع الزيراان والمهااااابد شي يخوووف ..
شواقي : نفر يجي نفر يروووح….
ولد : وش قلتي ؟.؟
شووواقي : تشفير لجملة سكنهم مسااااكنهم….. هخهخهخهخهخهخه
وجو المعاريس … مكياج العروس عند (( شبروووحه فغالي ))
وفستانها عند (( عنفوووش صعب )))…. وذلفوا المعاريس ..
واغصبونا على الميز ..(( البوفيه ))
يوم دخلنا ….إلا الاكل مثل اهله يخوف
(( مصارين بالكريمه وعظام بالمايونيز والخردل وقلوب نابضه وو..الخ)))
زعرووووره: وراكن ماتاكلن……….؟؟؟
برنس : شبعانين …
زعروووره : طيب بالعااافيه اجل حلن .. ذي رجلين عنكبوووت بصلصة التووووفي..
علااوي : ووووووووووع بس شبعنا ..
فجأه صوووووت سياراااااات الشرطه وبمكبر الصووووت
وقف ياراعي الاند كروز: << توها السياره ددسن …
يعني الواحد مايتميلح قبل نهاية القصه…
طق الا مافيه غير حنا يمه وين الجن وين…. اختفوووا …
الضابط: اللي تسوق فيكم مين ؟؟
حنا : هذولا الجن ….
الضابط: لا ياشيخه انتي وياها … أقووول اخلصن لا أثور فيكن
تراني ماني فااضي…
وحنا نبكي انا وسندس ولد ونربس ونقص عليه اللى صار… علاوي ساكته…
الضابط: صاحبتكم ذي وراها ماتتكلم….؟؟
والله علااوي تناظر له بنظره كلها عزة نفس وكبرياء..
وعجبه ثباااات موقفها هخهخهخهخهخهخهخهخه
المهم صدقنا وسامحنا ..
عاد حنا مسكناعلاوي : ماشاءالله وش هالعقل والثقل من متى
علاويه : ليش انتم ماشفتوها ..؟؟
حنا: مين ؟.؟.؟.؟
علااوي : زعروره كانت واقفه ورا الضابط وتأشر لي
وتهدد ان تكلمتي بنشنقك..
وانتهت القصه بمنع الجرايد من دخووول بيوتنا ..
وعلى فكره هذي بدايتنا في الرعب وبعدين صرنا دايم نجيهم ..
وتعلمنا من رعبهم .. يعني انتم لازم تصيرون اقوياء مثلنا
<< ايه واضح ماعندكم ماعند جدتي خخخخخخخ
,’, طحيااطي ,’,
قصه ولا اروع ،،
ننتظر المزيد،،
قصه ولا اروع
يسلموووو
اروي الله لا يهينج على المرور يالغلااا
احتراااف
تسلمين يالغالية
أخووك عزوز
يالغلاا
الشبح الأسود (( ولد الحفرر ))
هههههههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههه
الله يرجك انا من الخوف اقراء حرف حرف 
بس بجد قصه رووووووووووووووعه
خلااص معاد اسمع كلامك يادووبه
الله يعطيك العافيه عل القصه الحلووه
وسلمت يمينك ولا اعدمناك يالغلاااااا
وبنتظار جديد ومغامرات احلى
تقبلي تحياتي
أخوك…………………………………….الشبح الأسود (( ولد الحفرر ))
ولد الحفر
شاكر لك لخوي ويعطيك الف عافيه
هههههههههههههههههههههههههههههههههههههههههه عبد
يوووووووووووووووووووووووووه
راح تسمع الكلام مو على كيفك تسمع يالدب
بس لحظه لحظه لحظه لحظه …
هونت
مشكوووووور يالغالي .. لايحرمنا من طلتك
