بسم الله الرحمن الرحيم
رح أبدء بروايتي (عقارب على مسرح من زجاج)
سبق ونزلت بدايتها في مدونة دانة بحر بس المدونة اختفى
والحين ابحاول أتذكر اللي كاتبته مو بس رح اتذكر اللا رح اغير باشياء في القصه ما كانت عاجبتني
من اسماء الابطال الى بداية القصه بس رح اخلي سالفة الامير زورو موجوده لأنها الاساس في الرواية
والله يعيني
لا احل ولا استبيح أي احد ينقل الرواية بدون ذكر اسمي
Broken Angle
………………………………………………………
جت تمشي وهو وراها ماسك خصله من شعرها الطويل من طرفه ورافعها فوق وهي تحاول تبعده بس مو قادره لانه طويل:مااماااااا شوفي عادل يظربني
عادل:يمه شوفيها تكذب تقول اني اضربها وانا بس شديت شعرها البزر هذي
علياء بغضب:انتم الى متى على حركات الطفوله هذي انتي يا جيان بلا حركات الطبقه الوضيعه هذي شوفي غرور اختك بنفس عمرك بس تتصرف تصرفات اكبر منك وانت يا عادل متى بتمل من غبائك هذا واحد بعمر وبمكانتك مايسوي حركاتك الغبيه هذي
عادل باستهزاء:أي غباء تتكلمين عنه واحد يلعب مع اخته واللا واحد يرافق واحد اقل منه طبقه اجتماعيه مثل ما تقولين
علياء:كله غباء تعبت وانا اعلمكم واعدل فيكم خلاص شكل ابجيب مربيه من برا
…………….ستوووووووب………….
لازم اوضح اول قصة علياء وابوهم وامهم
قبل 17سنه……
:يمه ناصر متى تتزوج وتفرحني فيك
ناصر:يمه الله يهداك انتي خيطي وانا البس بس ما كنه بدري على هالموضوع
:لا بدري ولاشي انا لقيتلك وحده كامله والكامل وجهه
:من يا امي(بس هو ينطقها يمي بشد الميم وفتح اول ياء)
:بنت عمك علياء
ناصر:خلاص توكلنا على الله
:ما ودك تفكر شوي يمكن هي ما تليق لك ولاترتاحلها
نصر:يمه انا الى الآن ما فيه وحده ببالي واكتفيت برايك ونظرتك لها
امه بفرحه:خلاص الحين ادق وافاتحهم بالموضوع
….بعد خمس شهور تم الزواج وانصدم بالمدعوه زوجته اللي كان اهتمامها اغلبه منصب على المجتمع المخملي والتعامل معه وكانت مشاعرها بارده ومتحجره وشديده في تعاملها بعد سنه جابت ولدها نايف وكان بنفس غرور امه بعدها تعبت وصارت كلما حملت مات الجنين بعد اربع سنوات سافر ناصر برا عشان شغل عنده وشاف وحده وحبها كانت فرنسيه اسمها جانيت وامها يونانيه شعرها كان اسود وعيونها رماديه تزوجها وجاب عادل مع ان امه تناديه دين وكان مرح بعد ما كملت علياء تسع سنوت من التعب حملت وعالفيتامينات ومثبتات الحمل الين جابت رؤى وكانت عكسهم تماما هاديه وحنونه بس تكتم بداخلها وشخصيتها قويه واذا عصبت ما تتجاوز حدودها على أي احد بس اذا احد تجاوز حدوده عليها ساوته بالأرض وما ترضى ابدا بتصرفات امها
وبعدها بثلاث سنوات وبالصدفه حملت جانيت وعلياء سوا وجابوا بنات جانيت سمتها جيان طيبه وكيوت وعلى نياتها اما علياء سمتها غرور وكانت اسم على مسمى مغروه لابعد درجه ولا دروا عن زوجة ابوهم الثانيه الين توفت وجابهم من فرنسا من عند جدهم وجدتهم ما تقبل وجودهم اللا رؤى اما علياء ماعاملتهم معامله شينه بس عندها مالهم اهميه اهم شي تسوي واجبها اتجاهم وتخلي تصرفاتهم لايقه بالـ(مجتمع المخملي)اما اهتمام امومي او شر وتعذيب ما اهتمت بهالامور حتى عيالها ماعطتهم هالاهتمام
…………………………….
وانتهت البدايه يله عطوني آرائكم وان كنتم تبوني اكمل او لا
وترا هذي مجرد بدايه
يعطيك العافيه وربي يسعدك..
بدايةة جمييلةة وبالتووفيق ننتظر البارت الجااي
تقبلي مرووري ♥️
تم الإرسال بواسطة iPad بإستخدام مدونة عبير
وصراحه حفزتوني عشان اكملها:)
والبارتات رح انزلها ايام الخميس والجمعه والسبت بإذن الله
Sent from my iPad using مدونة عبير
Sent from my iPad using مدونة عبير
المشاركة الأصلية كتبت بواسطة princess maro
أنا كمان عم ألف قصة بس ما رح نزلا لأنو بعد ما خلصت دعيلي تخلص
Sent from my iPad using مدونة عبير
موفقه ان شاء الله بس لاتنسين اول ما تنزليها عطيني خبر
اوكي
بما اني شفت تفاعل بس مو اللي كنت ابي رح ابكمل وابدخل في القصة من هالبارت لاني توي ما دخلت ولا بديت فيها كلها كانت مجرد مقدمه
بس هالمره اريد الكثير والكثير من المتابعين………
لا تحرجوني.هههههههه
………………………………………………………………………….
عادل باستهزاء:أي غباء تتكلمين عنه واحد يلعب مع اخته واللا واحد يرافق واحد اقل منه طبقه اجتماعيه مثل ما تقولين
علياء:كله غباء تعبت وانا اعلمكم واعدل فيكم خلاص شكلي ابجيب مربيه من برا
(للمعلوميه بالفتره هذي عمر نايف16سنه..
عادل12سنه..
رؤى8سنوات..
جيان وغرور5سنوات)
جت غرور تمشي بهدوء وبرود نظرتلهم نظرة ازدراء :امي اليوم بتجي عمتي هند
علياء:ايه بيجون والبسي انتي وجيان اللبسه اللي شريتها لكم طقم تذكرينها الفستان اللي لونه وردي مع كمالياته كلها
غرور:بس ماما ما احب اطقم معها اصلا انا ما احبها
علياء بغضب:غرور عيب عليك هذي اختك
قاطعتها جيان:لا ماما حتى انا ما ابي البس هذاك الفستان يظايقني
ناظرتلها علياء وهي مظيقه عيونها:بالله ليه
جيان:ظيق وكمالياته كبيره وتظايقني وكلها كرستالات والجزمات توجعني برجلي اذا مشيت
علياء:مو مظايقك اذا مشيتي زين مو تراكظين والاكسسوارات البسيها زين مو تقروشينها على بعض
قاطعتها غرور:يمه شفتي حتى الجان(تناديها جان نكايه بها يعني جني اعوذ بالله)ما تبي تلبس مثلي
علياء هالمره عصبت صدق وبصراخ:غرور ان عاد سمعتكي تقولين كذا ما تلومين اللا نفسكي ويله انتي و اياها فوق والبسوا اللي قلتلكم عليه بسرعه واللا بيصير حسابكم عسير
ركضوا لفوق وبهاللحضه جا ناصر زوجها:وش فيك تصارخين
علياء:طفشوني هالبنتين ما يتأقمون مع بعض ابد
ناصر(الحمد لله الشي اللي كنت خايف منه انك انتي يا علياء ما تتأقلمين معهم بس الله يعين):عادي مصيرهم بيتأقلمون مع بعض
بهاللحضه تدخل عادل:يبه اليوم ابعزم سيف يجي عندنا عشان نلعب بلايشتيشن
ناصر:عادي بس انتبهوا لا تسهرون
تدخلت علياء:وش عادي تستهبل يا عادل انا اقولك من زمان هذا لاعاد تعزمه
ناصر تدخل:وليه ما يعزمه
جت علياء بترد اللا وعادل سبقها:لانه مو من مستوانا وان واحد مثله قذر وبيدنس البيت معه
ناصر عصب:وش هالكلام يا علياء توقعت منك تعلمينهم التواضع مو الكبر وشوفة النفس
علياء بهدوء:التعواضع مع اللي بمستواهم مو يحتكون بمجتمع انزل منهم
ناصر عصب:علياء جوزي عن الفاظك تراها بتوديك بداهيه وان عاد سممتي افكارهم كذا موب حاصلكي طيب
علياء سكتت ولا اهتمت عايشه حياة رسميه مع زوجها وعيالها اهم شي انها مأيده الفكره بداخلها
جت هند عمتهم متزوجه واحد برا العائله زواج مدبر زوجها حالته الاقتصادية والاجتماعية عاليه ومن عائله معروفه اسمه خالد وتعيش بهدوء في حياتها تحب عيالها وما ترضالهم الشينه وتحترم وتقدر زوجها
عيالها::..
عبد الاله19سنه
منصور15سنه
سديم10سنوات
هاجر4سنوات
(طبعا رح ابدى اوصف باشكالهم بعدين اذا كبروا ههههه)
…………………………………………….
دخل سيف(سيف صديق عادل من عائله متوسطه ابوه توفى وهو حاليا بعمر14صداقته بعادل بدت بموقف في احد المنتزهات
في منتزه(…………)في الشرقيه::
ناصر:يله نرجع للبيت
عادل:ما ادري اشوف جين
ناصر بتحذير:عادل لازم تناديها جيان عشان تتاقلم مع هالاسم
عادل:يبه هذا الاسم الوحيد اللي اتاقلم انا معه واحس اني الى الآن مع امي وحتى جين تحس كذا ورح تتاقلم مع اخواني لانهم بينادونها جيان اما انا فمستحيل
نظرله ابوه نظرة حزن:اللي تبيه
عادل نظر لجيان:جين(يناديها جين لان امه اصلا تبيها جين بس ابوه خلا الاسم مقبول عند العرب واضاف الالف اما عادل ظل يناديها جين وتذكروا الاسم لأنه مهم في الاحداث القادمه على المدى البعيد ههههه)شرايك نرجع للبيت
جيان وسعت عيونها ومدت شفتها السفليه:لازم
عادل:ايه لاتنسين ابوي تعبان ولازم يرجع
جيان بتفكير:خلاص بس بشرط ابي غزل البنات
عادل:موافق يله روحي اطلبي وانا جاي ادفع
راحت جيان للكشك حق غزل البنات ونظرت للبائع:ابي اممممممممـ
ايه (ورفعت اصبعها السبابه)ابي ازرق
البائع:جيب فلوس
نظرتله:طيب فلوسي مع اخوي الحين بيجي
البائع:مافيه شغل لازم جيب فلوس اول بعدين سوي
دمعت عيونها:طيب انا ابي
وقعدت تصيح(ما ادري شلون اكتب الصياح هههههههههههـ بس اعرفوا انها تصيح وبس هههههههههههههـ)
:ليش تصيحين
نظرت فوق للي يكلمها:ابي وهو قال لازم تجيبين فلوس
نظرلها نظرة شفقه(يحسبها فقيره):خلاص انا ادفع
وبدون ما يشاورها دفع للبائع وعطاها طلبها وهي تنظرله باستغراب
:بابا وين؟؟
:ببرائه:راح
(هالقوسين <>تعني حديث النفس)
<ياربي وين اهلها واظح انها يتيمه وفقيره بس ملابسها باين غاليه ابوديها لاهلي عسى نلقالها دبره>
:شرايك نروح للالعاب
هنا نست ابوها واخوها:ايه
راح ووداها لكم لعبه بعدين راح فيها للاهله(قبل ابوه يتوفى)
………عند عادل…….
:يبه ما لقيت جين ما ادري وين راحت
ناصر عصب وبصراخ:وانت ليــــ/بعدين تمالك نفسه/انتبه لا تتحرك اللا معي
وراح ناصر بلغ الجهات الامنيه
اما عادل فما عطى كلام ابوه ادنى اهتمام قعد يركض ويتلفت عسى يلمح طيفها وتفاجئ وهو يشوف ولد يمشي وهو ماسك يدها لحرمه ورجال وقعدوا يتكلمون
راحلهم بسرعه وبصراخ:جين ليش رحتي
التفت لهم الولد:هذي اختك<اهبل انت باين اخوها عيونهم تتشابه(فقط لانها رماديه مادقق بالشكل او اي شي ﻷنه لسه بزر)>
عادل نظرله بكره وقهر:ايه ليش تاخذها
:لقيتها لحالها وما معها احد وتصيح
تدخل الرجال الكبير:سيف يا وليدي المفروض ما تاخذها بدون ما تسئل
سيف نظر لابوه بقر:يبه هي ماتكلمت وساكته ويوم قلتلها نلعب قالت ايه وما قالت أي شي
عادل تاظر لجيان بتانيب:الحين ابوي زعلان منا بسببكي
جيان بدت تخنقها العبره:انا وش سويت
عادل:رحتي معه
جيان:طيب عادي
عادل بصراخ:لا مو عادي
طلع ابو سيف(احمد)جواله:طيب يا ولدي انت حافظ رقم ابوك
عادل:ايه(دق الرقم وكلم احمد ناصر وقعد يدله مكانهم(
جا ناصر وهو معصب لانه فقد عادل بعد:عادل ليه تروح وانا قلت خلك معي
ارتبك عادل وتدخل سيف:انا رحت ادور عن أي احد يقرب للبنت ولقيته
واخذته معي ولا انتبهتلك
ناصر توه ينتبهلهم وهدى شوي بعد كلام سيف:طيب انت وين لقيتها
(طبعا حكوا السالفه كلها لناصر وانحل سوء الفهم بس ظل معصب على عادل)
وهنا بدت صداقة سيف وعادل))
…………يله نرجع للرواية………….
في الحديقة قابل عادل سيف
عادل:هلا سيف تعال ندخل داخل شبكت السوني
بهاللحظه طلعت جيان من الباب وعيونها تدمع:عااااااااادل
عادل انتبهلها:جين وش صار
جيان:ما ابي اقعد بهالملابس(وقعدت تصيح)
كان عباره عن فستان وردي ماسك الى نص الساق بدون اكمام بس عليه زي الشيفون منتفخ وماسك عند الكتف عليه اكسسوار باللون الاصفر سلسال خرز سبحه كبار وحلق اصفر صغير واساور بنفس موديل السلسال بالاوان الاصفر والفوشي والتفاحي مع فلات ماسك عالرجل ومزعج لان خامته بلاسيك ثقيل اتوقع تعرفون هالخامه شعرها مسويتبه دونات كبير
عادل:بالعكس حلوه طالعه كانكي اميره
جيان:لا مو اميره كاني وحشه
عادل:لا مره حلو صح سيف(وظربه بكوعه مع بطنه)
سيف تألم:ايه بس لحظه
راح وسوى زي الفكه من الفستان من ورى عشان تمشي بحريه وشال الاساور والسلسال وفك شعرها:كذا حلوه
جيان بدموع:بس النعال توجع
عادل بتفكير:لحظه/وراح يرض داخل/
جا عادل ومعه مقص وقص النعول من ورا وعلى جنب صارت كانها شبشب
جيان التفتت لسيف:سيف متى جيت
سيف:الحين
جيان:ما ابي ارجع داخل
سيف بتساؤل:ليه
جيان:عمه هند جت
سيف:طيب؟؟؟
جيان:ما احبهم سديم حلوه بس تقعد مع رؤى اما هاجر وعه
سيف ظحك:ليه وعه
جيان لانها زي غرور يلعبون كانهم اميرات ويخلوني الوصيفه
سيف:طيب بنلعب كانكي اميره وحنا الامراء
جيان باعتراض:لا انتم الفرسان
سيف:طيب انا ابي اصير امير
جيان:لا اميري زورو
(هنا انتهى الماضي كله وان شاء الله المره الجايه بالمستقبل يله عطوني آرائكم وصح يمكن اعتذر عن اني اكتب بكره لانا يمكن نطلع للبر^-^بس اوعدكم متى ما فضيت حتى لو اليوم ابنزل لو جزئ يسير علما ان البارتات الاساسية يوم الخميس لانهoffههه والجمعه والسبت)
Sent from my iPad using مدونة عبير
