**********************
هناك فى عام 2050 وبعدان تمكن الاستاذ هيثم من الوصول لمنصه الحكم الحكم
بعد الانقلاب الذى قاده ضد الرئيس السابق تامر الخامس عشر أخذ على عاتقه مهمه التخلص من هموم الشعب او التخلص من الشعب نفسه لكى يرتاح وينام قرير العين(مش هتفرق)
———————–
الرئيس يتحدث مع نائبه مهند ابو نور فى بهو القصر الجمهورى
النائب:الوزاره بره ياريس جايين علشان يحلفو اليمين
الرئيس:مش هيحصل قبل مايحيو العلم يامهند
النائب:مش كفايه الطابور اللى واقفين فيه من الصبح ياريس؟؟؟
الريس:خليهم يجربوا واقفه الطوابير اشمعنى الشعب يعنى
النائب:قرار عظيم وحكيم ياريس…العين صابتك ورب العرش نجاك
الريس
ايه يامهند هو انا سايق مكروباص..بطل حبوب النفاق اللى انت بتاخدها دى وخدلك حبيتين صراحه..دخل الوزراء
المشهد الاول….
يجلس الرئيس مع الوزراء على المائده المستطيله.
الريس:انا جمعتكم النهارده علشان اعرف خطه كل واحد منكم للنهوض بالبلد.
وزير الاعلام"بحماس" البلد بخير ياريس طول ما انت بخير وطول ما انت قائد عظيم وحكيم
الرئيس بضيق:ياريت كل واحد قبل مايتكلم يرفع ايده متنسوش انى مدرس اساسا
يهمس احد الوزراء لوزير مجاورا له ساخرااحنا فى اجتماع وزارى ولا فى فصل؟
الوزير المجاور:وطى صوتك ليبقى مصيرك ومصير وزارتك الفصل من الوزاره وتاخد استماره سته مروااااح!!
الرئيس: كل واحد يقولى منهجه ايه فى تطوير البلد فيما لايقل عن سطرين.
وزير الزراعه: احنا ياريس هنصلح الصحراء الشرقيه بتكلفه 50مليار جنيه وهنجنى الثماربعد150سنه يعطيك طوله العمر
الريس:بس ده كتير قوى مينفعش اقل من كده
الوزير نخليهم 140 علشان خاطرك
وزير التعليم:ياريس احنابفضل الله ثم بتوجيهات سيادتك قضينا على ظاهره تسرب امتحانات المرحله الابتدائيه
الريس :عملتو ايه يعنى ..لغيتو المرحله…
الوزير ضاحكا دمك سكر ياريس احنا عملنا امتحان وهنسربه وهنفاجىء الطلبه بامتحان تانى خالص يوم الامتحان.
الريس :ده مش اسلوب وزاره خالص ده اسلوب عصابه.
وزير النقل: احنا ياريس هنطبع على كل التذكره قطر جمله الاعمار بيد الله علشان لو حصل حادث يبقى احنا نبهنا على الناس قبل ماتركب
الريس بغضب وبالمره زودو رسوم التذكره ولو حد سال قلولو ده بدل كفن…ده تهريج مينفعش اصلا
وزير النقل هدى نفسك ياريس صحتك هنشوف حل تانى
وزير الصحه:احنا ياريس حلينا مشكله الدم فى البلد..عملنا حافز للمواطن اللى هيتبرع بدمه هنديله ب2جنيه عيش
الريس وايه النتيجه؟
الوزير الان ياريس نستطيع اننا نصدر الدم بوفره
الريس انا حاسس ان المشكله مش فقر دم..دى مشكله فقر شعب.
وزير التموين: احنا حلينا مشكله نقص الشاى ياريس..استوردنا نوع من الشاى الباكو منه يكفى المواطن 6شهور لان الشديد والعنتيل ميقدرش يشؤب اكتر من كوبايه فى الشهر من النوع ده
الريس:يعنى انت بتشرب من نفس الشاى ده؟
الوزير انا بقول العنتيل ياريس انما انا صحتى على قدى وعيان ولسه الدكتور كاتبلى فى الروشته على ليبتون من ابو فتله
الريس بغضب انت عايز تفهمنى ان انجازاتك هى توفير الشاى
وزير التموين هنوزع ساندوتشات مدعمه على بطاقه التموين
الريس ساخرا ده على اساس انك وزير الكانتين مش التموين
المشهد الاخير
الرئيس يجلس وحده مهموما محدثا نفسه..البلد دى مليانه هموم ومشاكل..انا كان مالى ومال الشغلانه دى مش لو كنت سافرت إعاره كان احسن…
عروس النيل
رائعه
تسلمى اختى
روعه يسلموووووووووووووووووووووووووووووووووووو
المشاركة الأصلية كتبت بواسطة ضحى مصطفى
هههههههههههههههههههههههههه
رائعه
تسلمى اختى
ميرسى يادودو على مرورك الرائع
