شخباركم فراشات
اتمنى ينال على اعجابكم
غداي انا وزوجي ربي يحفظه
والحين كل طبق وشرح طريقة طبخته
ارز ابيض مع فيليه سمك
المقادير :
ارز يغسل وينقع في ماء دافي لمده نص ساعه
خضار مشكله المثلجه اللي تجي جاهزه ( جزر – بازيلا – فاصوليا )
فيليه سمك ينقع لساعه ( بعصير نص ليمونه + فص ثوم + بهارات مشكله + ملح )
بصل شرايح
كوسه شرايح
فلفل رومي اخضر شرايح
1 طماط مقطعه قطع صغيره
بقدونس مفروم
بهارات مشكله
ملح
فلفل اسود بودره
الطريقه :
خذي قدر حطيه فيه زبده على نار هاديه ثم حطي الخضار المشكله المثلجه مع من ( مسمار + دارسين + هيل -كلهم حب غير مطحون )
وتقلب ثم احط عليه نار حاره وملح ثم احط الرز لاتكثرين المويه يكون قد مستوى الرز وخليه على نار وسط
واذا خفت المويه خليه على نار هاديه
اما طريقة الفيليه كالتالي :
اخذ طاوه ( مقلاة ) احط قطعه صغيره زبده ( اذا تبين زيت زيتون او زيت براحتك )
ثم احمس البصل مع الفلفل الرومي وبهارات مشكله ورشه فلفل اسود واقلبهم لين يصير ذهبي
ثم احط الكوسه وملح واقلب لمده خمس دقايق ثم احط الطماط واقلب دقيقتين ثم احط الفيليه ( اشخليه قبل من مويه الليمون )
واقلب ثم احط البقدونس المفروم وقلبيه وخليه خمس دقايق على نار هاديه
وبالعافيه
صينية البطاطس بطريقتي الخاصه
المقادير:
بطاطس شرايح
الصوص عبارة عن ) جبن مثلث او كيري + ملعقه كبيره جبن سايل + قشطه + فص ثوم + بقدونس + ملح + فلفل اسود )
الطريقه :
يقلى البطاطس ثم يحط بصينيه
ثم الصوص اخلطه بالخلاط كله اذا صارت ثقيله حطي شويه مويه لين تصير وسط لاخفيفه ولا ثقيله واذا خلصتي خلط خذي ذره وبليله حطيه معهم وقلبيه معهم بملعقه ثم حطيهم على البطاطس وحمريه من فوق
وتؤكل مع الخبز
وبالعافيه
السلطه
الطريقه :
يقطع خيار شرايح ثم احط فوقه جزر مفروم نوعا ما ( بالخلاط فرمته ) ثم حطيت فوقه ملعقه صغيره من الذره ثم حطيت فوقه خبز محموس
وحطيت عليهم الصوص وعبارة عن ( زبادي + عصير نص ليمونه + ملح + فلفل اسود + شويه مويه )
تخلطينها بملعقه وتحطينها على السلطه
وبالعافيه
عصير ريلاكس
الطريقه :
بالخلاط الكاس حطي فيه – عصير 3 ليمونه + 10 ورقات نعناع ( او اكثر او اقل على حسب الرغبه ) + ملعقه كبيره سكر + مكعبات ثلج + ربع كاس مويه بارد
واخلطيهم
وبالعافيه
اتمنى عجبكم غداي
ربي يسعدكم
تسلمين والله يعطيك العاآفيه
نترقب جديدك
