——————————————————————————–
فمان الجرح يا فرحي
أنا كلي وجع وآلام .. وضيقة صدر وتنهيدة
أنا لا جيت تجمعني تفرقني مسافاتي
تعبت الحزن يا جرحي .. تعبت الآه وترديده
أبسأل لي متى بنزف على بابك عذاباتي
تراني لي متى بصبر على حزني وتعقيده
خفوقي ما قوى صبري عجز ترديد آهاتي
أنا لا قلت يكفيني .. يزيد الهم وأزيده
بدمعة ضمها جفني بقت لي في مناماتي
أنا حس الشقا فيني يمشي بي وانا اعيده
ترى يا فرح علمني ما عدت اليوم في ذاتي ؟!
أببكي مابقى واشكي هذا الهم أنا سيده
ما مثلي بالبشر والله نسيت اليوم ضحكاتي
طلبتك لمني يا فرح أحس بخطوتي بعيده
تحجر دمعي في كفي وتاهت كل خطواتي
صفر كل الهنا فيني صفر فرحي وتجديده
صفر حلو المعاني اليوم تسطرها كتاباتي
تعبت أصيح من جورك متى حزني انا ابيده
متى بحرك يضم موجي واحقق كل غاياتي
متى فصلك بقلبي يحل يرخي لي عناقيده
أبحيا بالهنا برسم ورودك في خيالاتي
تحن اليوم وتصفالي واقول القلب يا عيده
وبكرة من يجي ترحل وتظلم كل ساعاتي
فمان الجرح يا فرحي وش اللي باقي نعيده
أنا أخطيت في ظني وضاعت كل هقواتي
لعبت بآخر أوراقي وديني حان تسديده
خلاص ارحل وانا بنهي فصول أقسى حكاياتي
أبسأل لي متى بنزف على بابك عذاباتي
تسلم يمناك على ابداعك الرئع
صح الله لسانك والله يعطيك العافيه
دمت اناملك
ومرورك الكريم
وصح بدنك يالغاليه
دمتي بصحه وعافيه
وصح لسان شاعرهاا ودمتى لنا بكل الود والاحتارم وننتظر المزيد والمزيد منك غاليتى
أبحيا بالهنا برسم ورودك في خيالاتي
تحن اليوم وتصفالي واقول القلب يا عيده
وبكرة من يجي ترحل وتظلم كل ساعاتي
شاكر لك اميرة هذا الابداع و النشاط و الذوق الرفيع تسلم يمينك و ربي يحفظك
وتقبلي فائق تقديري و احترامي
نتطلع لجديدك…
