بداخل قلبي وذاتي
وش أقسى من ضياع انسان
وسط أهله وخلانه!
أشوف وجوه مألوفه
أحسها مني وفيني
أثاريها م تعرفني
ويعيد القلب غلطاته
على كرسي خشب أجلس
وأتأمل غروب الشوق
بعدها أسدل ستارة
جروحي والألم والآه..
ملامح وجه هالغربه
تخوفني
تبكيني
تحسسني بإن حبي
حكايه مالها عنوان
وأجلس بعدها وحدي
بصومعتي وألاقيني
أرددها أناشيدي
يا نشوة حبي اللي كان
عشقتك يا بعد عمري
زرعتك في بساتيني
وظللتك بدقاتي
وغنيتك على يا دان
وقهويتك باحاسيسي
بمجلس قلبي الولهان
وبخرتك دفى حبي
وبديتك على ذاتي
بعدها غاب اشعاعك
وماتت زهرة اللوتس
بدون أعذار مقبوله
طفت يدك قناديلي
وأجهض قلبك القاسي
بقايا ثورتي وياك
فمان الجرح يا كلي
فمان الصمت بأجراسي
فمان اللي ذبح قلبي
وسار بموكب الدمعات
منق ول
صح السان الشاعر
ومشكوره عالنقل الجميل
كوني بخير
والله يعطيك العافيه
وسار بموكب الدمعات
الله عليك .. تصوير جميييييييييييل
" بنت مطير " تمتلكين ذائقه جميله .. على القوه ولاهنتي
على النقل الراعه
صح لسانك
قصيده رائعه واكثر من رائعه مواقف تمر عليناا ومااصعبها من مواقف ولاكن لا
تتكرر هالمواقف تحياتي وتقديري تقبلوا مروري اختكم.. $$ لحظه شموخ $$
