طبع الصبايا
والله اني مابديت الهجر ودروب الخطيه
لين هي اللي بدت بالهجر ودروب الخطايا
جادل تخطي علي وتقول لا تخطي عليه
اشهد انها بالخطا المقصود سوت بي سوايا
صابر من شان طيبتها وضحكتها شويه
والله اني صابر والرب عالم بالخفايا
والله ان كنها توردني على حوض المنيه
لغمزت لي بالعيون ولضحكت لي بالشفايا
كن بشفاها كلام يقول شوف النار حيه
وان بغيت الثلج شوف الثلج في ذيك الثنايا
عيدها لاقلت بعلى الصوت( وينش يابنيه)
كن حرف الشين مكتوب على كل الزوايا
يوم قلت الها الحذيه قالت ابشر بالعطيه
قلت جوزي من عنادك قالت كلي لك عطايا
قلت يعني صادقه قامت تبسم قالت ايه
قلت وش يثبت كلامك قالت ورب البرايا
انك اغلى من مشى في الارض من بد البريه
وان حبك مسكنه موجود من بين الحنايا
قلت طيب ويش حدك فالعلوم الاوليه
يوم قلتي لي علوم كلها سهوم ومنايا
يوم قلتي لي نويت الهجر والنيه مطيه
يوم بدلتي النوايا يوم بدلتي النوايا
قالت انك تعرف اني بالعمر توي صبيه
والدلع دايم تعرفه طبع من (طبع الصبايا)
بس انا بطلبك طلبه انك اتحل القضيه
وانت من ناس تعتق ارقاب وتحل القضايا
قلت تدرين انتهى الموضوع( وينش يابنيه)
كن خليها كتبت الشين في كل الزوايا
انت الغلا
