القصيدة للشاعر الكبير عريان السيد خلف
اتمنى ان تعجبكم
ليس عندي غير روحي
وكانت .. وتبقى نذرا
…….
ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
– خجل .. والمايخاف اللوم.. يرضه
ابذلته وعاره
يالمبشر .. مته المكصوص جنحه
ايطولن اكصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره … ؟
يالمبشر .. ممحله الروح ..
غيمك .. عزت امطاره
اوجثيره المايهزها الضيم ..
جن اكلوبها حجارة
ولو لذة عشيج الموت .. كلبه ..
ايموت بسراره
لجن ، شانت على المذبوح .. دمه ..
ايضيع فجاره
دفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيفاره .. ؟)
اوهلبت .. (هوشي منه )
انكطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حداره
يهلتشبر ، خيال الليل .. وترد
كاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
يناري .. المالجم عاره
اعله هونك .. من يهاب
السيل .. لو ينخاض
تياره
اعله هونك .. من تربه اهلال
.. غطت غيمته انواره
دذر ، جرح الصبر بارود ..
خل يتباهن اكتاره
يبارغ .. من تضيف الموت ..
يخشى الموت .. خطاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكضت روحي انذور ..
لاود لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
هظم والشال هظم الناس لوجه
الموت ما يندم
لون .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكم …. ؟!
ونت طيف المحبه .. اوشوك
الولايه
انت .. زخات غيمه .. ابكاع
صبخايه
يشاتل بالكلب دايات .. دايه
اتلوب .. من دايه
يبو الشط التعيش اوياك ..
قصته .. طينته .. اومايه
اشتكل لمشذبات الروس ..
لوجن ليك .. شجايه ..
اشتكل للطاح .. بين ارماح .. كلها
اوياه كصايه .. ؟
اشتكلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره
__________________
تحياتي
يعطيك العافيه عاالنقل الجميل
كون بخير
وانار جدران متصفحي
اختي الغاليه
دمتي بالف خير
تحيتي
واختيار رائع
يعطيك العافية
أو دزيته لك مخصوص يامايه صافي
رش الدرب تيزاب حافي أعتني لك
جا شلي بالرجلين الما تجي لك
لو ترش مو تيزاب لو تزرع ألغام
اللحم خله إيروح أوصلك إعظام
كل ما يجي الليل أذكر وفاكم
واذكر محاشي الطيب وابجي أبرهاكم
ويا النجم سهران وايدي أعلى خدي
الليل أوظلام الليل شو كلها ضدي
وحدي ابنص الليل بس حيرتي أوياي
أبجي أعلى وقت الراح واتنطر الجاي
إشما تقول الناس عندي أنته لول
سو كلشي بالدلال يالحلو مخول
يالتون تالي الليل سمعني حسك
لولا القلت والقال لعبر وونسك
شحجي وتريد الناس من عندي أحجي
دمعتي إبطرف العين بس أحجي أبجي
للخوه ماقضيت شي ماقضيته
حتى الصخر ياناس وتوسديته
انت العطش والماي وانت المشوفه
ورسمش وحق عيناش بالكاس اشوفه
أرد انشدك وارجوك صارحني ياهواي
تذكرني لوغصيت من تشرب الماي
نارك يخايب ماي مومثل ناري
اومن يطري بيا الشوق يحترق جاري
هم حلو .. وهم إزغير .. هم أزرك عيون
بس بيه طبع مو زين من يوعد إيخون
بالك تقول الاه ياخويا بالك
كل التقوله ايصير روحي ابدالك
مبخوت أضل للشيب يافلان أذكرك
أوينكرني نور العين من كون أنكرك
سبحانه من سواك نص وجهك إعيون
إزغير سبيت الناس من تكبر شلون
بيدي أوقرضها الفار فجت عباتي
كل هذا ماطخيت وامشي ابرهاتي
أتمنى كون أيصير لحدي أويا لحدك
أو من يطلع الدفان أقعد وقعدك
بيدك ضيعت ديك الليالي
وبلحظه ما أجى أبعينك دلالي
شقيت ثوبي أعليك وصلته للنص
جاوين قلبك أوياي صاير مثل جص
