قصيده ذم في البدو وكيف الرد جامد عليهم
عندما قرأت هذه القصيده وإلي كان فيها حضري على قولته يسب البدو.. في كل مره أجد ردا قويا عليها فأحببت أن أجمع الردود وأعرضها عليكم
واعلى الرتب والحكم والعلم والدين **تصعب عليكم حوزته واستلامه
خالقكم الله للغنم والبعاريـــــــــن** ترعونها حتى تقوم القيامــــــــــه
اطيبكم الي يخدم المعز والضيـن **والنوق ويزود لها في الخدامــــه
اعز عنده من هله والوراعيـــــن **يشوف فيها المرجله والكرامــــه
ان ربعت والا اخذ الطعم با الدين** ابدى عليه طعامها من طعامــــه
يشيل حمل الدين من غير تقـنيـن **مايشتكي لو جاير الحمل ضامــه
يبرك لها بلهان والا بلا هيــــــن **ما همته لو كان جبت سنامــــــــه
ناس على حفظ الحلال متواصين**فيكم على الرعيه عزوم وقرامـه
وصية الاجــــــداد للمستجديـــــن** وش قال بركات الشريف بكلامه
رعيان لو ان ارصدتكم ملاييــــن **عيا الزمن يرضى لكم با حترامه
والناس في عصرالفضاء يامساكين**وانتم رعاة يا حياة الندامـــــــه
غير الشقا والفقر والزفر والشـــين **يا بدو مامنها كسبتو سلامــــــه
ومن لامكم فيها خزرتوه با العيــن **حمرا وكثرتو عليه الملامــــــه
والسرق من عاداتكم يا بداويــــــن **فيكم جهل مطبق وفيكم غشامه
عاداتكم والحضر عنهـــــــا غنيين**ويشهد لنا با الخير والاستقامـه
حنا لحكام الــوطن مستشاريـــــــن **والامر فينا نفذته وانبرامـــــــه
صحيح حنا هل البقـر والبساتيــــن **والبدو يتهموننا بالرخامــــــــه
لاكننا عشانـــا كرام وعزيزيــــــن **ولاشحذنا الشيخ فضلة ايدامـــه
وانتم على بيبان قصــــره معاطين** في كل يوم عند بابه ردامـــــــه
طبع لكم من حين ماهوب هالحيــن **حب الفخر والفخفخه والفخامــه
جدانكم با الفشر عنـــد السلاطيـــن**دايم مناويخ قبالة خيامــــــــــــه
على الركايب مثل روس الشياطين**الي هلك والي درك في المهامه
ترضيكم الشرهه ولو هي ريالــين** والا نمونه بشت والا عمامــــــه
ومن لا رضا معطاه يرضيـه كفين**ويتبعه من بعدهن با الفخامـــــه
في المملكه عشتو من سنين ودنين** ولاحد بها منكم رفيع مقامـــــــه
خاذلكم الله بعـد مانتـــم بطـــاغين**والامس من منكم يجهل نظامـــه
اما علف للسيــف والا مساجـــين** الحكم واجهكم بحزم وصرامـــه
عشتو بعد هاك المعــــزه ذليليــن** كل من الذلــــه تراقـــل عضامه
بــعــد التجبــر والــتكبر مطيعين** ومسالمين وقدركم في القمامــــه
كلب نبح يوم ان الاجواد غافين *** ماهي فراسه بس طيش وغشامه
يبي الرفاع وضاع مايدري منين *** وحول على جرف سريع هدامه
ومن لا يقدم في كلامه براهين *** سكوته اشوى من مزابخ كلامه
ومن عال يصبر لا وطوه المعيلين *** وما يتبع الزلات كود الندامه
واللي خذته عن الصحيح الشياطين *** حنا ابخص بشيطاننا وشعلامه
ومادام في الدنيا نظام وقوانين *** والموج ما تنبت عليه الثمامه
ياحمود قله وين حنا وهو وين *** وشجاب خفين البعير لسنامه
وقل للسكارى يتركون المصلين *** مايجتمع حل الحلال وحرامه
وفرخ ظهر من بين حر وشاهين *** وشجابه لفرخ ظهرمن حمامه
وبيت بني ساسه من التبن والطين *** ومقفل مثل السجن في نظامه
رادم عليه الرمل من قطعة سنين * ** ما ينفتح بابه ليا دور عامه
وشجابه لبيت الرجال العزيزين * ** امنومس مبني براس العدامه
مفتوح للضيفان من غير تقنين *** يلقا به اللافي صنوف الكرامه
تشوف ظول الناس مثل الملبين * ** هذا يشد وذاك يرخي حزامه
ويا حمود للولا الحلم والعلم والدين *** واخشى من المنقود هو والملامه
ان كان فكيت السجن للمساجين * ** وبينت وش بعد الحسا عن تهامه
لاشك تدري واكثر الناس دارين *** ان النمر ما هو قبيل النعامه
حــنا بــــــدو مهــما خذلـتـك المضامــــين… حنا البـــدو اهل الوفـا والشهامــــه
اســاسنــا الاســلام وبالحــــيــل وافـــــين… تشهد لنا كل العــرب مع اروامــــه
عـــاداتنــا دائــم مع الوقــت قاســـــــــين… لامن خثع شرواك بأول كلامــــــــه
وعـادتنـــا نـــنـطح وجــيـه المعــــاديـــن… يومن جــدك ملتحــف فى منامـــــه
وبالسيـــف الاملـــح ننطح اللى مغويـــن… والحمــد لله مالحــقنــا مـــــلامـــــه
بــأول قـــديــم الوقـــت حنــا مخلــــيــــن… اطــبوعــنا طبع الشرف والكرامــه
والــيـوم صــار الـبـــوم يضرب برمحيـن… غــره زمانــه مادرى انه نعــامــــه
وعـــايش مع النسـوان ويدور الزيــــــن… ومخلف من المله نسأ لك السلامــه
ويالله دخــيــلك من عـمى القلب والعيــن… الرجــل قام يهــد وأفــلت لــجامـــه
والمشكـله لاتصــيرضمــن الوراعـــــين… لاتفهم المنظــوم وسـاسك رخامـــه
أنشهـــد انــك ماعرفـت الســنع زيــــــن… والله يجـيرك من جـحــيم الظلامـــه
وشكل القهر فى وسط جوفك من اسنـين… ولا الحلال أنعــام وأنـتـه هلامـــــه
والله يــديــم الامــن ويــزين الـشــــــيـن… اللى تســاوى الذئــب مع الحمامــه
والله يطـــول عـمر أهـــل القــوانـــيــــن… اللى رتعــت بظـــلهم فـى ســلامــه
وخــلــوك تهــرج دون فعــل وعـناويــن… تـنـبح نــبـيـح الكلـب وتشـتـم شتامه
رد من الشاعر : ح/ح/المقاطي
قريب شعر صيــــغ مابين قوسيــــــن *بسم الحضر للبدو وجه سهامـــه
والحضر من شعر قريته برييـــــــــن *الحضر تعرف حلها من حرامـه
مغتاب حضر وبدو وناس مقفيــــــن *ماواه في نار ثمانين قامـــــــــــــه
مغتاب خلق الله نـــــاس مغريـــــــن* مغتابهم بالزور يا كبر اثامــــــــه
من شاعرمجهول يجري على الشين* مدفون راسه مثل راس النعامــــه
مستاجر عقله عقول الخبيثــــــــين* في سوق الانتر نت ماشخص سامه
يذم جمع البدو خايب وصاحيــــــــن* يذمهم با الجمع كل الجهامـــــــــه
والبــدو ما تتبع غـــــوات المـــغوين* اهل الكرم والجود واهل الشهامه
منهم رسل للناس وقت من طيـــــــن *والعز والناموس حازو وسامـــــه
ترعا الحلال وللحكومه مواليــــــــن* ان صار ما بين الصفوف انقسامه
حكامنا بدو ومــــــنا قريبيــــــــــــن *ومفتن سواتك مايحقق مرامـــــــه
وحكامنا معنا على العسر والليــــــن*وحديدنا فولاذ صافي لحامــــــــه
وخلف الامام الي يصلي مصليــــــن* خلف الامام الي برع با الامامـــه
وبالبدو قادة معــارك شجيعيــــــــــن* عدوهم ما يهتني في منامــــــــــه
ومنهم صقور الجو با الحرب صلفين *ان غطرفت والملح يسمك قثامــه
وقــــواد سفن بالمــــواني مرسيـــــن*عدوهم ينهار قبل انهزامــــــــــه
وحراس امن بالأمانـه امينيــــــــــــن *وياكم خشم الامن يفرك عرامـــه
ومنهم قضاة الحق بالحــق عدليـــــن *حق عن المضلوم يجلي الضلامه
ودكاتـــــرة علم بعلــــم الدواويــــــن *اتـفهرسة واتوثـقـه بالرقامــــــــه
ودكـــــاترة طب للأمـه طبيبيــــــــن* سماعته با الصدر تحت العمامــه
واعلام منهم با الاذاعــه مذيعيـــــــن * يهجيك منطوقه وطيب كلامـــــه
ويا هيه يالـــي بالنفـــاق متعنيـــــن *بلى حصل با العقل صدق انفصامه
امننت ياهذا الغبــــــي المسيكيـــــــن* حتى تذم البدو ياذا الهلامــــــــــه
قدر البدو مرفوع عند الفهيمــــــــــين*ماهوب عندك ياشبيه الحمامـــه
ماتستحق الرد لو كان سطريـــــــــن* مثلك يساوي بالرجوله مدامــــــه
خدك نعال يداس تحت الكراعيــــــن *انعال ماطيه من اخس خامـــــــه
الشاعر بداح محمد شاهر السهلي
ياشاعرن ضيعت كل القوانين=وتخش راسك مثل راس النعامه
ولامثل طيرن ردي الجناحين=مثل الغراب اللي يقلد حمامه
ضيعت درب المرجله هي والدين=وظلمت حظك ياقليل الفهامه
وصلط على اللي بالمواقف رديين=والشاعر اللي مايثمن كلامه
اللي كذب ويسب ناسن شريفين=وعرض بنفسه للشقا والملامه
ويسب له ناسن كرامن عزيزين=ومن اعترض للبدو يلقى كعامه
سبيت بدون تنعرف يامسيكين=معروفتن بالحرب يوم القوامه
لاثارت الهيجا وجوك المسمين=بدون لهم في عالي العز قامه
تعرف مواقفنا على الزين والشين=يوم الردي معروف واهل الرخامه
حنا بدو نعرف على العسر واللين= مثل البحر لازاد باعلا اللتطامه
حنا بدو يوم المواجه صعيبين=وحريبنا مايهتني في منامه
حنا بدو تاريخنا ينعرف زين= تاريخنا ابيض ياردي الشهامه
حنا بدو نعرف من اول وهالحين=وعرفت مواقفنا نهار الرغامه
وحنا هل البل محتمين المخلين=وحنا هل البل محتمين الجهامه
وبيوتنا مبنيتن للجويعين=تلقى بها الضيفان قدر وكرامه
ولاهيب عيبن الغنم ياصفر العين=حتى النبي فيها سرح يالفدامه
حتى الولي له ناقتن جعلك الشين=له ناقتن تذكر ليوم القيامه
والله نزل أيته للمصلين=وذكر لنا البل كيف خلقت علامه
وان كان قلت انك من المستشارين=غصبن يشاور قبل تنسف اعظامه
والحكم طوع صاحين والمجانين=حكمن لخو نوره تعلا الزعامه
حتى العدا له جو غصبن مطيعين=من العلا جوله يبون السلامه
الشاعر/ عبد الله بن نجر العتيبي
أبـدا بذكـر منزل آيـات ياسـين ** والواقعـة والزلـزلـة والقيامـه
ومـن بعـدها يا معنونين العنـاوين ** عنواننـا النـازي ترانـا كعامـه
حنا سهـم وبعير وحصـان والضـين ** نرعاك معهـا والرعيـة لزامـه
وأقصدك يا اللـي تكره البـدو ياشـين ** وكل مواخذ عـن جريرة كلامـه
يا ناقـص التفكـير مثـلك كريهـين ** مثلك ما يعـرف من حلالـه حرامه
وياللـي تسبـون الرعـاء والرعايين ** موسى رعى في مدين أغلب أعوامه
عشـر الحجج أو قـل ثمان من إسنين** تشهـد علـى أصلك ما تغير نظامه
ثـم الغنم كـم قـد رعوهـا النبيين ** افضل بشر هـم قـدوة أفضل زعامه
ويا حضر أصـل جـدانكم الأولـين ** بدوان واللي ينكـر أصـله إهلامـه
واللي ما يعـرق في البداوين من وين ** يسلسل أصله في العرب يا ندامـه
حكامنا أصـل البـداوه وذا الحيـن ** أصـل الحضارة والتقـدم علامـه
زاروك ياسطـح القمـر ومتعلويـن ** وضمـوك يا أرض الحجاز وتهامه
وإن شيتهـم بـدوان هـم متبدوين ** وإن شيتهم فـي الحاضره هـم تمامه
ثم المسلسل لو هو إخراج سـرجين ** لاصار يحكـى عـن زمان القدامه
جابه على أشباه الرجال السـلاطين ** أهل الكرم بـدوان وأهـل الكرامـه
وسيـوف وخيـول تـدك الميادين ** حتـى هبيل القلـب يهجـر منامه
والعـز والله فـي خطـام البعارين ** عـز الفتى ريمـان قضبة إخطامه
سفن الصحاري عزوتأي يا مضانين ** نـوار قلبي عـن غشـاوة ضلامه
موايـد الله لليتـامـى المساكـين ** عـز الرجال أهل الفخر والزعامه
وإن كان تجهـل فـي البعارين تمرين ** فالزير في حرب البسوس إهتمامه
عشـرين عام وعقب عشرين عشرين **والحرب مـن شان البسوس إحتدامه
هـاذي عوايدنـا مـن اسنين وإدنين ** جـود وشجاعه والطنا وابتسامـه
وإن كان ما أمـلك في البنوك الملايين ** قلبي كبير والصخى هـو مرامـه
والطيب من البـدو والحضـر جزلين ** كل يسوقـه للجميلـه إعـرامـه
وألا أنت نقص مطفف فـي الموازين ** ولا يستحق إلا أنت سطل القمامـه
ويا مقيض الفتنه وراقـد قـل آميـن ** عسـاك ولنيـران فتنتك خامـه
عساك فـي قبضة يديـن النشيطيـن ** مثلي ما تخطي الراس حذفة إسهامه
حنا الكـرم والعلم والحلـم والديـن ** حنا العرب والأصل فينا الشهامـه
حنا العقـل إن جـاء المزاحم مجانين ** نحرس وطن والعز نبني خيامـه
ننفث علـى العـدوان سـم الثعابين ** ولاعـاد ينفع كـي ولا حجامـه
حنا كعامـك يالـردي والرديـيـن ** مثلك نوردهـم لبحـر الندامـه
والبـدو يالخـايب سـواة الشياهـين ** لا طيروبـك مـا عليهـم ملامـه
اللـي على مداوى السقيمين ضاريـن ** بالنار نرسـم لك على الوجه شامه
عسى اللي أعمى القلب يعمي لك العين ** ويخرس لسانك عن اهل الاستقامه
حنا حضـر حنا بـدو ومتحضريـن ** ولا ينكسر للحضر والبـدو هامه
وألا أنت نستبعـدك ومـن البعيديـن ** عن حضر وألا بدو ومالك علامه
أصلك حقود ومـن عـداة بغيضين ** مالك دروب ألا أدروب الرخامـه
تبـي تشـب النـار بين الفـريقين ** تبي السلامة ما حصـلك سلامـه
والحضر هـم والبدو لاشـك فرعين ** لأهل العروبه والكـرم والقرامـه
والناس لآدام ما اختلـف فيهـم اثنين ** يجمعهم الإسـلام حب وكرامـه
واللي بقـوا بـرا إخـوان الشياطين ** من بدو وألا حضر وألا فخامـه
وحسابهم عنـد الولي مالك الديـن ** في يوم عرض أهـوال يوم القيامه
ياللي تسب البدو حنا السلاطين 00 حنا هل التاريخ واهل الشهامه
وحنا عناوين الكرم ياالمساكين 00 وحنا هل الافعال واهل الكرامه
وحنا اهل البل مسسين العناوين 00 وحنا هل الطولات واهل الجهامه
وحنا هل الشيمات حاضر وذا الحين 00 وحنا البدو اصل العرب يانعامه
وحنا القبايل محتمين المخلين 00 ستر العذارى لابسات اللثامه
رجالنا الواحد يساوي ثمانين 00 يارد حياض الموت لاقام قامه
تلقى منازلنا من يسار ليمين 00 بيت الشعر مبني وجنبه خيامه
ندور طول العام دايم محيلين 00 شرق وجنوب وغرب لاطراف شامه
نتبع هوى سود البكار المزايين 00 الغاليات المكرمات بعلامه
ولانت ياراع البقر والبساتين 00 مكسوره عيونك عليها غمامه
يوم انها سلب ونهب مالك يدين 00 نربطك برباط البقر في ثمامه
وندوس وجهك صدر الاقدام بالطين 00 ونتفل بوجهك ونتوطاك خامه
واللي بيفتن منكم صوط صوطين 00 يطيح ويحب التراب انهزامه
حنا خلقنا الله عقوبه وشرين 00 على الحضر قمنا نصب القمامه
نشرب من الماء ماحسبنا حسابين 00 نارد على الماء ماحسبنا غلامه
ونحوشكم ياالحضر حوش الخرافين 00 مامنكم اللي فوق راسه عمامه
ونجركم مع كل سكه مساجين 00 كل على وجهه مواري ندامه
البدو سيف ورمح خنجر وسكين 00 رشاش بندق نار دايم حزامه
والحضر ماء صحه ورمانه وتين 00 جحه وخوخ وبرتقال وحمامه
والله لتبطي وانت حبحب وسكين 00 اخذ على كيفي واقصك طمامه
أبنيك في طنجه وصنعاء وبكين 00 وأهدمك في بغداد بعد المنامه
واعلنك في مأرب وحمص ودارين 00 وأطلع على الشاشه ليوم القيامهღ
.
يا راكبـن مـن فـوق الفيـن واثنيـن
للـي يسـب البـدو وصـل لجـامـه
راعي البقر وايـش فهمـك بالقوانيـن
مثـل الـذي يمشـي بعتمـة وعسامـة
البـدو ارفـع مـن كـلام السفيهـيـن
يكفيهـم انـهـم منبـعـن للشهـامـة
بدو الجزيرة ع الفضا هـم السلاطيـن
وسلطـان ع المريـخ واضـع أقدامـه
يا اللي تسب البدو وحلت فـي الطيـن
لو تختفـي مـا ذقـت منهـم سلامـة
رايتـك سـودا معلـقـة بالميـاديـن
تمشي وتصبـح فـي جبينـك علامـة
لاعطيك هرج اوسخ من غسيل الجرابين
لمـا تظهـر يــا شبـيـه النعـامـة
شبعـان كبـس ومغوياتـك شياطيـن:
راعي الغنم يا وبش ويش هـو علامـة
نسيت فعل البدو فـي ماضـي سنيـن
يوم الدخن يـا شيـن عاقـد عسامـه
البـدو لنهـم فيـك ســن القوانـيـن
دمـك الفاسـد يظـهـروه بحجـامـة
أكيد جـدك مـن صانعيـن السكاكيـن
عمرالفشـك مـا طـب مقـدم حزامـه
ع الأنترنـت بتكتـب الزيـن والشيـن
عيبن علـى اللـي مـا يقـدر كلامـه
لو تجلبك ع السوق ما جبـت قرشيـن
مـا هيـب نفـخ ومنتفـخ بالعمـامـة
دمـك ثقيـل ومـا تشيلـه الشراييـن
ولـو مـت بتنحـرق فـي القمـامـة
يـوم المعـارك مشعلـة بيـن صفيـن
اللـي بمثلـك عنـدهـن بالبيجـامـه
البـدو بسيـوف قـصـوا شرايـيـن
ولا أنت خاسـي مـا بتذبـح حمامـة
من سمع نفخك قـال حـرر فلسطيـن
مشكـور يـا البرشـال زاد الزعامـة
وعسى الله لايحرمني من مرورك مرى تانيه
