كنت احسب اللي عايش بليا خوي مسكين
أثر البلا باللي له اخوان تقول ذياب
في حضرتك يضحك و يطعن بالقفا سكين
ويرخص بنا عقب الغلا فجأه بليا اسباب
عزاه يا قلب حضن حب الخوات سنين
ماشك في لحظه بأن الظن فيهم خاب
مسكين يا قلبي تجيك منين ولا منين
من وين ما لديت ترجع منجرح منصاب
كل ما أقول ابشر ترى الوقت الردي بيزين
أنزف هموم ودم من جرحي الذي ماطاب
كل طعنة تاخذ لها وقت وتمر بحين
مير البلا في طعنة اللي خلتهم أحباب
ودي أعرف الزين من بين البشر والشين
ودي أشيل الشك من قلبي الذي قد هاب
ودي أغمض في تلا ليلي قريرة عين
واشعر بكل من حبني بكل صدق ولا ارتاب
وياليت كل واحد يقابل طيبتي بالزين
وآشوف خفاقي سلا من بعد ماهو ذاب
كل ما سلا رد يتذكر بلوته مسكين
يومن نزف دمه من اخوان غدوا أغراب
واذا منقوله ياريت تكتبين منقوله مره ثانيه
قصيدة جميلة
يسلمووو على الطرح
الله يعطيج الف عافيه
تحيتي لكم
