كذبت .. وسموني أمير الحبايب
واجهتهم .. لكنها ثارت أعصاب
جاملتهم .. وأصبحت عاقل وصايب
عاندتهم .. وأنفتحت بوجهي أسباب
سايرتهم .. وأقفت هذيك السبايب
فضحتهم .. وأصبحت مذنب ونصاب
سترتهم .. شنوا علي الحرايب
طلبتهم .. وأنصك في وجهي الباب
عطيتهم .. قالو لي يا ابو الوهايب
رفعتهم .. وأرتفعت أرقاب وأشناب
نزلتهم .. صار أسود الراس شايب
بنيتهم .. حطو لي أسوار وحجاب
هدمتهم .. قالو حرام الخرايب
شديت .. وصار كلهم ربع وأصحاب
وأرخيت .. وخلو حبل الأيام سايب
أقبلت .. وصارو كلهم دوني أحزاب
وأقفيت .. وصارو كلبوهم قرايب
داويتهم .. قالو لي الجرح ما طاب
جرحتهم .. قالو لي الجرح طايب
حبيتهم .. قالو لي الحب غلاب
كرهتهم .. هلت دموع وسحايب
واصلتهم .. لقيتهم مثل الأجناب
هجرتهم .. قالو لك ايام غايب !!
رفعت صوتي .. كلهم صارو أذناب
قصرت صوتي .. وابتدوا بالطلايب
غيرت شكلي .. قالو رائع وجذاب
رديت شكلي .. قالو إنسان خايب
ياقلب لاتشره ولاتبدي عتاب
خل العتب عنك وخل النشايب
مافيهم اللي يستحقون الإعجاب
لو شفتهم كتلة غموض وعجايب
من لا أفتهم درس الليالي ولا تاب
يموت ما يفهم ولاهو بتايب
ومادمت ساري والقمر عنك ما غاب
لاعاد توقف لو تثور الهبايب
ما انت الوحيد اللي مشى الدرب مرتاب
غريب وتمشي في زمان الغرايب
حياك الله معنا
طبت و طاب منقولك
بس ياليت تتقيد بالقوانين و تكتب منقول عند النقل
ولك كل الشكر
وهذي هيه الحقيقه في هذا الزمن
وتقبل تحياتي
صح لسانك
وهذي هيه الحقيقه في هذا الزمن
وتقبل تحياتي
روووعه وذوووق
لك الود
الشمري
ياقلب لاتشره ولاتبدي عتاب
خل العتب عنك وخل النشايب
مافيهم اللي يستحقون الإعجاب
لو شفتهم كتلة غموض وعجايب
صح لسانك ولسان الشاعر
فالح الغشام
دمت بالابداع المميز
تقبل مروري
