على الموعد بلهفه جيت لامانع ولاتأخير
لفيت من العصر هايم مع ان الموعد المغرب
لفيت من العصر هايم مع ان الموعد المغرب
وجتني بس انا مدري شعرت الجيه هذي غير
وهي تقرب من عيوني شعرت ان الممات اقرب
وهي تقرب من عيوني شعرت ان الممات اقرب
وقلت : الله يهونها عسى في جيتك لي خير
انا من شفــتك اقبلتي وانا خايف ومستغرب
انا من شفــتك اقبلتي وانا خايف ومستغرب
على كثر الحكي مدري كأنه خانها التعبير
قالت لي جمل واشيـاء لا تكتب ولا تعـرب
قالت لي جمل واشيـاء لا تكتب ولا تعـرب
هدت فجأه تطالعني وانا في حاجة التفسير
لجل نحكي بهدوء اكثر .. سألت الحلوة وش تشرب؟
لجل نحكي بهدوء اكثر .. سألت الحلوة وش تشرب؟
وصاحت بي .. انا أحبك ولك في هالحشى تقدير
وتدري ان المثل فينا وفي احساسنا يضـــرب !!
وتدري ان المثل فينا وفي احساسنا يضـــرب !!
صحيح انك (وفي) وانك (بري) من تهمة التقصير
ولكن ذي عوايدهم من ايام وزمن يثـــرب
ولكن ذي عوايدهم من ايام وزمن يثـــرب
تكون البنت لابن العم ورغبات الكبار تصير
وتدري الاقربون اولى مع انك للخفوق أقــرب
وتدري الاقربون اولى مع انك للخفوق أقــرب
وتدري للقدر كلمة و لعادات الأهل تأثير
لذا ارجوك تتركني وانا من دنيتك باهـــرب
شعرت بحكيها كنه قصاص وأمر بالتعزير
شعرت الدنيا ضاقت بي من المشرق ليا المغرب
لذا ارجوك تتركني وانا من دنيتك باهـــرب
شعرت بحكيها كنه قصاص وأمر بالتعزير
شعرت الدنيا ضاقت بي من المشرق ليا المغرب
مشت خلت وراها طفل مايدرك وش التدبير
يحسب ان الغرام اشعار شاعر واغنية مطرب
يحسب ان الغرام اشعار شاعر واغنية مطرب
ضحكت وماقدرت اني الاقي لضحكتي تبرير
من اللي بوقتنا مره ضحك من لدغة العقرب؟!
من اللي بوقتنا مره ضحك من لدغة العقرب؟!
رفضت استوعب اللي صار ولا استسلمت للتغيير
ثمان سنين .. أجي نفس المكان بحزة المغرب
ثمان سنين .. أجي نفس المكان بحزة المغرب
برغم ان الثمان سنين جرح وكلفتني كثير
انا لليوم أجي وادعي .. تجي يارب .. تجي يارب
انا لليوم أجي وادعي .. تجي يارب .. تجي يارب
منقوله
صح لسانك ولسان الشاعر
جميله كثير
يسلم ذوقك
خالص ودي
طير القوافي
م ننحرم من هالطله…!
ودي لك
