كل ما جيت ابتدي فيك انتهيت
وكل ما جيت انتهي شفتك بدايه
ولو نظمتك بيت وفي قافي سريت
شاب قافي وانت ماجيت النهايه
ولو كتبتك حرف وبكتابك قريت
راح عمري بينك وبين الروايه
ولو شربتك شوق ما ضني رويت
ولو رويتك زاد شوقي مع ضمايه
ولو نسيتك لحظة كلي بكيت
ولو بكيتك صاحت اشواقي معايه
ولو ذكرتك ونسيت اني نسيت
هلت دموعي وهذا من وفايه
كيف ابانسى من بروحي له فديت
وكيف ما اذكر غاية آمالي ومنايه
فالوفاء طبع ورثت وبه عليت
طول عمري نجمه يشع بسمايه
ولو اذوق المر ما قلت اكتفيت
وانهله كله حلا لا واهنايه
ولو جروحي تشتكي لك ما شكيت
دامها منك انت انا ما ابغا دوايه
وفوق جمر النزف لو منك استويت
ما اقول ارجوك يكفي لا حشايه
لاني بسوق الغلا كلك شريت
فرحك بحزني وراحتك بعنايه
فخلني ازعل الى منك رضيت
وانت بس ارضى وعده من خطايه
سقت حظي في دروبك ومشيت
ومشى حظي وانا اتبعه بخطايه
يوم لبى القلب لأمرك ما هقيت
انه بيوم يجيك ومن ورايه
انت ميقاته ورامك ثم نويت
آصلك مهما ابتعدت وعن مدايه
محرم بالود وباحساسي سعيت
وطفت في كعبة غلاك وذي حكايه
ادري اني غايتك لو ما دريت
وتدري انك غايتي وانتا رجايه
وبحياتي غير ذنبك ما جنيت
وبمماتي ما يبي ذنبك وصايه
ابتديتك بالغلا وفيك انتهيت
وانتهى فيك الغلا وقلنا كفايه
وكل ما جيت انتهي فيك ابتديت
وكل ما جيت ابتدي شفتك نهايه
منقوول
يعطيك العافيه
يعطيك العافيه
مشكووووووووووه
مشكوووووره
وانا اسعد حبيبتي
يعطيك الف عاافيه
