ليش الكل صار يعتبر الشاب السعودي إنسان هدفه بس ترقيم ؟؟
[قريت ها القصه وابي رايكم فيها …؟؟؟
قصه شاب مع امه شفوا وش صار له …..!!!]يتكلم ويقول
أمس بالليل دخلت مع الوالده وبنت عمي للفيصليه دخلوا لأحد المحلات وكان فيه قسمين ( رجالي – نسائي ) ,
هم دخلوا النسائي أنا دخلت الرجالي , طلعوا وأنا لسى جالس في القسم الرجال , شريت كم غرض وطلعت الوالده وبنت عمي صاروا ماشين قدام , مشيت بألحقهم , ويمسكني السيكوريتي وقال بالحرف : ( هي , أنت وين رايح أنت ؟؟ ) رديت عليه قلت رايح أرقم , وإلا أغازل , ياخي رايح لأميمتي أتسوق معها , رد علي برد نرفزني ( أنت جاي ترقم أجل , أمك أنت داخل لحالك ما معك أحد وين أمك ذي خلها تجي تشيلك ) , قلت له أنت ما تستحي على وجهك سيكورتي مثل قلتك أجل أنا أخلي أمي تاخذني متى صارت الأم تاخذ ولدها ؟ المهم إتصلت على الوالده وقلت لها تعالي ذا ال ….. مو مخليني أجيكم , شوي ويمر جنبي لبنانيين أثنين باين عليهم الكشخه والزكرته , ولا كلمهم السيكورتي ولا قال لهم كلمه وحده , أنا شفت المشهد هذا وتقفل معي ,
قلت له : وراك ما كلمت هاللبناني واللي معاه ,,
قال وبكل برود : أنت سعودي وهو لبناني !!!!!!!!
قلت وش إسمك أنت الشرهه ماهيب عليك على اللي يدخل بطريقه محترمه مره ثانيه ,
أخذت أسمه والله يعين ع اللي بيصير ,
الملخص : ليش الفكره لازالت سيئه عن الشباب السعودي , وليش مراكز التسوق ممنوعه إلا بمحرم ؟؟
ليش الكل صار يعتبر الشاب السعودي إنسان هدفه بايخ هدفه بس ترقيم ؟؟
حتى الرجال صار لازم له محرم ,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
من جد شي غريب وعجيب يعني اللبناني حلال والسعودي حررام!
ليش دايم الشباب السعودي مظلوم وليش دايم تشكون فينا بالمعاكسات لما يروح السوق؟
وهل تصرف السيكوريتي كان صحيح؟
ياليت تعطوني رايكم
تحياتي
مشكورعلي المرور
اختلف معك بان موبس السعودي الي يرقم كل الجنسيات عندها نفس الحاله
والله صدقتي العالم اغلبه اخذ فكره غلط عن الشباب السعودي وهم ياحرام قادرين يشتغلون باي مكان
طبعا تصرف السكرتي غير صحيح
بس شنسوي فصيله من الشباب السعودي اللي ماهمه الا الترقيم هو اللي جعل اغلب الناس يفكرون
ان الشاب السعودي ماهمه الا الترقيم
وهذة من وجهه نظري
ومشكور على الموضوع الرائع
مع تحيات الغيرانه
دائما تردد على مسامعنا الخير يخص والشر يعم
واكيد تصرف رجل الامن ليس بصحيح ولكن ماذا نفعل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انامن رائي ان من حق السكيورتي ان يسال اي حد
بس مش بالطريقه دي ودةاللي بيحصل في كل مكان مو بس السعوديه
مشكوره
نادر من يجي من شان غرض. وبالنسبه لسكرتي ما اخطأ لئن مستحيل البناني يضايق أو يتلفظ بالافاظ مثل الشباب السعودي
الله يصلح شأنهم
وجهة نظر…