شباب القرية في المدينة"
بطولة " محماس عبدالرضا" و " علوش الفرج"
تأليف وإخراج " عاشق الاحزان "
اصبحنا واصبح الملك لله يافتاح ياكريم يامزوج الحريم لاإلة الاالله
ياولد يامحماس قم ياوليدي لصلاة قم الله يعافيك
آة….آوووة يالله اليوم تقديم في الجامعة يالله خل نلحق أروح اصحي علوش
امدية لها الحين ناااايم
يمة انا رايح الصلاة وبمر على علوش جهزي شنطتي بنروح للمدينة
انشاء الله ياوليدي الله يوفقكم انشاء الله يارب
علوش .. علوش يلة ياشيخ ترأ تفوتنا الحافلة " الباص" العم مرزوق يمشي
بسرعة ما ينطر احد
علوش : يلة ..جاي…..جاي..
محماس : يالله فمان الله يمة فمان الله يوبة وسلم على راس ابوة وامة وودع
خواتة
علوش : سلم على راس ابوة وامة فمان الله ادعوا لنا بالتوفيق وودع اخوانة
وخواتة
ابو محماس وابو علوش : لنتبهوا لأنفسكم نبغاء الشهادة الكبيرة يعييلي
محماس وعلوش : انشاء الله بس ادعوا لنا
وراح محماس وعلوش للمدينة اول ما دخلوا المدينة وهم يتلفتون يمين شمال
محماس : علوش …علوش ناظر وش ذا هاذي البيوت كلها هنيا فسعودية ناظر
ناظر هاذي العمارة قد ايش الله يعينهم كيف يطلعونها والله تتعب
علوش : الله الله وش ذا الزين يا محماس ناظر السيارات وش كثرها بس ما عندهم دساتن !!
محماس : دساتن ايش انت ووجهك ذولي مايركبون دساتن دساتن خلها لك انت واهلك
علوش : بدينا بالمعاير وانتوا ما عندكم ددسن بيبانة وكراسية مقلعة
محماس : ناظر ..ناظر ياعلوش وين صويلح يشوف الي حنا فية وينة؟؟
وراح محماس وعلوش يستأجرون لهم شقة قريبة من الجامعة وبعد جهد وجدوا شقة في احد العمائر
صاحب العمارة اسمة ابو مريم : شوفوا ياعيال انا والله ما سكن عزابية فالعمارة لكن انتوا شكلكم عيال
طيبين وعلى نياتكم
علوش : أي والله ياعم على نياتنا
ابو مريم : بس ما ابغاء لا ازعاج ولا مشاكل مع الجيران
محماس : ابشر ابشر ما تسمع لنا حس كنة محد فية كن البيت خاااااااااالي
يلة ياعلوش والله اني جعان خل نروح ندور لنا مطعم ناكل فية لقمة
علوش : يلة والله حتى انا بموت من الجوع
وراح محماس وعلوش يدورون لهم مطعم يتعشون فية
علوش : ناظر .. ناظر وش ذي الزحمة الي هينا خل نروح نشوف
محماس : الله اكبر هاذي الزحمة كلها عشان مطعم كنهم ما عمرهم شافوا نعمة كنهم فمجاعة
وش اسمة ذا المطعم
علوش :" البيك " والله شكلة طيب ذا المطعم عشان كذيا فية زحمة
محماس : يلة خل نطلب نجرب ونشوف
علوش : هية صديق عطنا نفر رز ودجاجة ولبن مراعي كبير
العامل : اش فية كلام هينا مافية رز هينا بيك دجاج
علوش : دجاج بس الله يالبخل .. محماس يقول مافية غير دجاج
محماس : دجاج ..دجاج خل نجرب ممكن تطلع حلووووووة
علوش : رايك وهداية الله
محماس : والله ذا الدجاج انة زين احسن من الدجاج الي فبيتنا
علوش : أي والله وانا اشهد بس .. وش ذا الابيض ريحتة مهي زينة كنة ثووووم؟!
محماس : هههههه الله يقطع بليسك ذا مو ثوووم والله انك ما تعرف للحضارة ذا كريم للبشرة بنكهة الثوم
علوش : لا والله اجل خل نخشة في جيوبنا نأخذة معنا للبيت
وفي صباح اليوم التالي وفي اول يوم لهم في الجامعة تعرفوا على شاب من المدينة اسمة خااااالد
خالد : اجل تقوولون انتوا من القرية
محماس : أي والله من القرية جايين نأخذ الشهادة الكبيرة
خالد : اية .. اية .. الشهادة الكبيرة .. اليوم خاووني غداكم عندي فالبيت
محماس : والله ماتقصر كثر الله خيرك بس ما نقدر بنروح ننام الحين
علوش : اش الي مانقدر لا نقدر خلاص غدانا عندك
محماس : يدق علوش بيدة … اسكت .. اسكت
علوش : ياخي ما فيها شيء هو الي عزمنا
خالد : اية صح كلام علوش عازمكم ولاتردوني
وفي بيت خاااااااااااااااااد …
علوش : مشاء الله وش ذا شف بيتهم كبر بيتنا مرتين شف شف التلفزيون قد ايش
محماس : اسكت لا تفضحنا اسكت
خالد : احم .. احم تفضلوا استريحوا الله يحييكم
خالد : علوش استريح تبغاء اشغل لك التلفزيون ذحين اشغلة لك
قناة الجزيرة الرأي والرأي الآخر …. ماذا ستفعل سوريا تجاة الضغوط الامريكية…….
علوش : لاغير القناة غيرها
بيعدي رونالدو وقووووووووووووووول
علوش :لا لاغيرهااااااااااااااااااااااااااااااااااااااا
خالد : بس عرفت وش تبي … تبي نانسي عجرم
علوش : من ذي نانسي عجرم…
خالد : ذحين تشووووف
حبيبي قرب بص …. بص …. بص
محماس : ايوة ايوة بس خلها هنيا وش ذا الزين وش ذا مهو بنت خالتي الي بتزوجنيها امي ..وع مالت عليها
علوش : ياالله وش ذا ناظر بيضاء تلق من البياض
خالد : يلة ياشباب الغداء جاهز تفضلوا لاحقين على نانسي لاحقين…
محماس : الحمد لله جاد الله عليهم
علوش : اللهم لك الحمد جاد الله عليهم وكثر الله خيرهم
خالد : عفوا ..لاشكر على واجب
وبعد ما تغدوا رجع محماس وعلوش رجعوا للبيت …
محماس : علوش تفكر في ايش
علوش : افكر فالبنت الي في بيت خالد
محماس : أي بنت..؟؟
علوش : هذيك الي تقول قرب.. قرب .. كل شيء بريال ونص…
محماس : ههههههههه والله انك مضحكة هذيك بعيدة عنا هذيك في " تركيا" عند دمشق
علوش : اش رايك نركب لنا دش هنيا؟
محماس : أي والله انك صادق لية ما نركب لنا دش زي خالد
وراح محماس وعلوش وجابوا الدش والعامل الي يركبة …
علوش : هية صديق نبغاء كلة قنوات حق نانسي عجرم
العامل : يبغاء اوروبي وعرب سات ؟
محماس : اية .. اية عروبي .. وهذا مادري اش اسمة سات مدري وشهو
وفي احد الايام ومحماس وعلوش طالعين مع الدرج لشقتهم صادفوا بنات صاحب العمارة
العم ابو مريم
محماس يوم شافهم صنم ووقف مكانة ما تحرك
علوش ماشي وراة مايدري وش السالفة صقع محماس من الخلف محماس ما توازن فصقع
بنات العم ابو مريم طاحوا البنات ومع طيحتهم صرخواا…. واء …. واة
ابو مريم : يابنات وش فية وش فيكم تصرخون
محماس وعلوش سمعوا صوت ابومريم فرفعوا ثيابهم وبااانت السراويل المصفرة ونحاشوااا
ما تشوف غير رجولهم
وإلا مريم وأختها عبير ماتوا من الضحك من الموقف الي صار خاصة لما انحاش محماس وعلوش
فقالت مريم : لأبوها لا ولا شيء بس شفنا صرصور على الدرج وخفنااا
قال ابو مريم : صرصور الله يهديكم يابناتي تخافون من صرصور أدعسية بحذاتك
عبير : لايوبة نخاف تتهمنا امريكا بنتهاك حقوق الحشرات
ابو مريم : أي والله انك صادقة امريكا ذي ماتصدق تلقاء لها حجة تدخلبها
يلة يا بنات روحوا لبيت ام سارة بس لاتبطون
مريم : انشاء الله يوبة ما راح نتأخر
يوم هدت الاوضاع رجع محماس وعلوش لشقتهم
علوش : محماس وش فيك سرحان تفكر في ايش ؟؟
محماس : هااااة … ايش تقول…
علوش : لاوالله منت معي اقولك وش شاغل فكرك الي اخذ عقلك يتهناء بة
محماس : أي والله يا علوش صورتها ماراحت عن بااالي ابد
علوش : من هي الي صورتها ماراحت عن بالك
محماس : بنت العم ابو مريم
علوش : وانت شفتها ؟؟
محماس : لا ..بس لمحتها لمحة
محماس : علوش وش رايك نخطب بنات العم ابو مريم ؟؟
علوش : تهقاء يزوجنا
محماس : لية لا الحمد لله نعرف ربنا ونصلي وطلاب جامعة باقي لنا سنة ونتخرج انشاء الله
علوش : يلة على يدك .. نزورة يوم الجمعة في بيتة ونخطب
محماس : خلاص تم
وسمعوا صوت ابو مريم على الدرج فخرج محماس وعلوش حتى يسلمون علية ويكلمونة انهم يزورونة
محماس : ياهلا بالعم ابو مريم كيف حالك عساك بخير وكيف حاال الاهل عساهم طيبين
ابو مريم : الحمد لله كلنا بخير
محماس : تفضل عندنا ياعم تقهواء
ابو مريم : تسلم والله كثر الله خيرك خلها مرة ثانية انشاء الله
محماس : والله يا عم بغيناك انا واخوي علوش بموضوع خاص شوي
ابو مريم : امروا تفضلوا وش بغيتوا
علوش : لا مايصلح نتكلم في الموضوع هينا نشرب القهوة عندك يوم الجمعة ان كان ما عندك مانع
ابو مريم : لا ماعندي مانع الله يحييكم البيت بيتكم
محماس : خلاص نجيك يوم الجمعة هيا فمان الله
وراح ابو مريم لبيتة
مريم : مين كنت تكلم يوبة تحت ؟؟
ابو مريم : والله كنت اتكلم مع محماس وعلوش يقولون انهم جايين يوم الجمعة
بيشربون عندنا القهوة يبغوني في موضوع خااااااااااص
وفي يووووم الجمعة المنتظرررر…….
محماس : علوش يلة اخلص تأخرنا على الرجااال
علوش : طيب طيب ..جاي .. بس بتعطر .. لسع بدري لية مستعجل
محماس : اسمع انا الي بتكلم انت خلك ساكت لأني انا الكبير
علوش : خلااااص لا تغثناء انت الي تكلم الله من زين كلامك الحين
وراحوا لبيت ابو مريم …
ابو مريم : الله يحييكم زارتنا البركة
محماس : الله يبارك فيك البيت مبارك بصحابة
ابو مريم : اية وش هو الموضوع الي بغيتوني فية ؟؟
محماس : والله الحقيقة يا عم مني عارف كيف ابدأ صراحة مستحي شوي
ابو مريم : لاتستحي ولاشيء انا مثل ابوك
محماس : الله يسلمك أي والله انك في مقام الوااالد
مريم وعبير : وراء الباب يسمعون الكلام الي يدور
محماس : والله ياعم اني مستحي مني عارف كيف ابدأ
ابو مريم : يا وليدي تحكى وش فيك .. ما عندكم فلوس تدفعون الإيجار
محماس : لالا مو هذا الموضوع
علوش : يتكلم بصوت واطي " هيا شوف فيش يفكر ما همة غير الإيجار"
علوش : والله ياعم جايين نطلب رجول بناتك
ابو مريم : رجول … ايش تقول انت !!
محماس : لا ياعم مايقصد … اسكت انت مو قلت لك لا تكلم
علوش : ياخي سمعتهم كيذا يقولون في مسلسل مصري
محماس : صراحة حنا جايين وطالبين القرب منك
ابو مريم : ياهلا والله الله يحييكم … طيب صبر عن اذنكم اخذ راي البنات
محماس : اية .. حق وواجب خذ رايهم
ابو مريم : هاة يا بنات سمعتوا الكلام الي دار بينا وش رايكم
البنات : حطوا روسهم في الارض وقالوا الشور شورك يوبة
ابو مريم : اجل على بركة الله
ابو مريم : الف مبروووك يا عيالي الف مبروك
محماس : طيب خل نتفق على المهر والاشياء الثانية وذا عندكم طلبات خاصة
ابو مريم : اهم شيء تحطون بناتي في عيونكم مالي غير الله ثم هم بعد ما توفت امهم
محماس : ابشر ابشر يا عم في عيونا نحطهم
ابو مريم : والله يا عيالي مني مكلف عليكم فالمهر خمسين الف مقدم وخمسين الف مؤخر
علوش : لا وش ذا الكلام خفض لنا شوي
ابو مريم : اش الي خفض لنا جاي تشتري سروال ولا تخطب
علوش : طيب آخر كلام كم .. جارك ابو سارة قايل لنا بعشرين الف ما وافقنا
ابو مريم : اطلعوا اطلعوا برا انتوا منتوا حقين زواج اطلعوا..
محماس : اسكت علوش انا قلت لك ما تكلم .. معليش يا عم والله ما يقصد علوش بس هو يحب يمزح
علوش : لا ما امزح ولا شيء هو بيزوج بناتة ولا يبيعهم
محماس : قلت لك صك فمك
محماس : ياعم ابو مريم طيب مايجي تقصدهم علينا ايجار ينتهي بتمليك
ابو مريم : اقول اطلعوا .. انتم منتم حقين زواج الشرهة علي الي اسمع كلامكم
محماس : خلاص .. خلاص موافقين على المهر وعلى كل شيء تطلبة
ابو مريم : خلاص جيبوا اهلكم حتى نتمم الزواج على خير
محماس خلاص تم راح نكلمهم ويجون انشاء الله
وراح محماس وعلوش للقرية حتى يكلمون اهلهم بشأن الزواج
محماس : يمة والله نويت اتزوج
امة : كلوووووو لووووولي هاذي الساعة المباركة الي اشوفك عريس قبل ما اموت
محماس : لا بسم الله عليك انشاء تزوجين عيالي وعيال عيالي بعد
امة : والبنت جاهزة بنت خالتك راشدة بنت وش زينها متعلمة معها شهادة الابتدائية
محماس : لالا بنت خالتي ما افكر فيها وراشدة زي اختي انا فية وحدة في المدينة حاط عيني عليها
امة : بس ياوليدي وش يقولون عنا الناس…
محماس : يا يمة وش علينا من كلام الناس زواج على سنة الله ورسولة وش علينا من كلام الناس
امة : خلاص يا وليدي الي يرييحك وانا بكلم ابوك ورراح ارضية انشاء الله
محماس : سلم على راس امة الله يخليك لي يمة الله يخليك لي
وعلوش اهلة على طول وافقواا ما صدقوا انة فية وحدة قبلت فية
وراح ابو محماس وامة وابو علوش وامة للمدينة حتى يخطبون لعيالهم
وخطبوا لهم وحددوا موعد الزواج بعد التخرج وتخرج محماس وعلوش وتزوجوا وتعينوا في المدينة وسكنوا في
نفس العمارة
ويوم الزواج في شقة محماس …
محماس : هيا ادخلي يا حياتي غرفة النوم برجلك اليمين وسمي بالله
مريم : لا انت الرجال انت ادخل اول
محماس : حاضر انا راح ادخل …
محماس : مريم طفي النور …
مريم : لا اخاف من الظلام..
محماس : طفي النور ….. وتعالي شوفي سريع ؟ !!
مريم : لا استحي …
محماس : تعالي شوفي سريع …. شوفي امي جابت لي سااااعة تولع في الظلاااااااااام.
هههههههههههههههههههههههههههههههههههههههههههههههههه هههههههههههههه
مع تحيات : المؤلف والمخرج وكل شيء
عاشق الاحزان
وتقبلوووووووووووووا اسماء تحياتي ونشاء الله كانت القصة خفيفة على قلوبكم والبسمة على محياااكم.
انت قاعد تسوي دعاية لمدونة ثاني او من ضمن القصة اسم المدونة
عموما شكر للقصة ومن قوانين المدونة عدم تنزيل اي دعاية لاي مدونة ثاني
تسلم تحياااااتي
