شوفي يا ست الكل هاشرحلك علي حمامة واحدة الاول
تجيبيها كدة وتتأكدي انها نضيفة كويس
تشوحى بصله مفريه في ملعقتين سمنة وتكوني غاسلة الفريك كويس وحطيه عليها وشوحيه معاها لغاية ما يتفلفل شوية
حطي عليه ميه سخنة وسبيه يتشربها بحيث يكون نص سوي
الحمامة بقي هاتعملي معاها بشوية حرص وبصباعك وفرغى تحت الجلد لحد الرقبة وبعدين تحشيها وتحشي تحت الجلد وحطي في اخر الحشو الكبد بتاع كل واحدة بحيث يكون كل حمامة بمشتملاتها
رصي الحمام في حلة واشعلي النار وبعد ما تنزل شوية مرق اذا كان قليل ممكن تضيفي شوية مية لحد مايستوى
بعد كدة حمري كل واحدى في سمنة احسن
ملحوظة دي الاكلة المفضلة للازواج
وصفة جميلة شكلها حلو واكيد طعمهاحلو على فكر ة الرجال كلهم بيحبوا الاكل بانواعة مش هيفرق معاهم اى صنف
والف شكر لك
شكلها يشهي للاكل
يعطيك الف عافيه
في انتظارك بالجديد.
