من عيوني .. .
لا توصيني عليك !
لانزل دمعك حبيبي ،
ب أمسحه .
حتى ( قلبي ) لو لقيته .. .
ما يبيك ؟
قبل لا يجرح شعورك ،
ب أجرحه !
كيف ما أكتب كلام الحب فيك ؟
عطني عيب ب قلبك ،
وما أمدحه .
ياللي ربي في جمالك مبتليك !
إنت في :
قلبي [ ورود ] مفتحه .
ويل منهو من ورى عيني :
يجيك ،
كل من فكر ( يضرك ) ب أمسحه .. .
دام صرت أغلا البشر لي ؟
ماعليك ،
إللي يلمس لك طرف ؟
راح أذبحه !
دخيلك ما أبي تبدي السنه هذي جروح جداد
قديم الصبر .. يا معنى معاي وغيبتك ضدي !
سنه حلوة .. إذا شفتك قريب وخلق الله أبعاد :
معاك أضيع في عز الكلام أقول : من قدي ؟
خبر عنك يدمرني يشتت كل حروف الضاد !
حسافه كنت بكتب لك لقيت الوقت مايمدي
تبي تسافر ؟ تخليني على شانك أحب بلاد .. .
فمان الله إذا ودك تسافر بس ما ودي :
يموت النوم ف غيابك ويخلق للسهر ميلاد
أنا وشلون أغمضها عيوني ؟ وإنت مو عندي !
حبيبي طفلي الأكبر بكوا من غيبتك أولاد
يبونك تشعل شموع السنه و أتضايق ب ردي .
يسارك جرح لكن في يمينك لي دوا وضماد
غيابك يومي الأسود وشوفك حلمي الوردي !
تخيل كثر ما أحبك شعور الشوق فيني زاد :
شعلت النار من شوقي ولاحسيت في بردي !!
أنا مو قصدي يابختك لأنك زرت كل بلاد ..
يابخت بلاد زارتها عيونك هذا هو قصدي
تطيح دموع ماترجع وأبي ترجع لي يالله عاد ..
حزين اليوم أطالع صورتك وإيدي على خدي !
قصيدة في قمة الروعه
طابت لي
صح السان الشاعر
وربي يعطيك العافيه
ولاتنسى كتابة اسم الشاعر او منقول حسب القوانين
تحياتي لك
نقل طيب الف شكر لقلبك
من روائع احمد الصانع
اورنس
تقبل مروري
غلاهم كلهم
غلاهم أشكرك~~
من كل قلبي
أونس,,,,,,,
الله يعطيك العافيه,,,,,,
