ومعـزب الاروآح قبر ونصايـب
سبحان من يخفي عن العالم الغيـب
وخلى الوعد من نازع الروح غايـب
كلن يسوق الرجل ويروح ويجيـب
احدن يجيك بـ سلم واحدن نهايـب
واحدن يجيب الفود والعز والطيـب
واحدن يذله كل ما كان جايـب
من لا ستر وجهـه عن الذل والعيـب
ما عاد يلقى لـ / ذل وجهـه طبايـب
ومن لاحمى وجهه قبل طلعت الشيـب
محدن ايعوضه وجـه لا صار شايـب
ولا صار ذكرك فوق روس المراقيـب
خلك على دربك ترى الدرب صايـب
تصير بعيون النشـاما كما الذيـب
وفي عيون عدوانك عطيب الضرايـب
موت الفتى بالمرهفات المحاديب
اخير من حي مع الناس خايـب
ولي نفوس ما تـروم المواهيـب
ولي يدين(ن) ما تسـد النوايـب
عذر الردي ما كل من يجهد يصيـب
عود الحماطه كاسرته الهبايـب
مايخلف الهقوه طوال الاشانيـب
صحيح من قال المراجل وهايـب
يربى على الشاهوق عكف المخاليـب
والا الوطى يرباه بوم الخرايـب
من راقب العالم يشوف التعاجيـب
ومن طاول الدنيا يشوف الغرايـب
غير النبي محد بليا عذاريـب
وكل على الثاني سيوله جذايـب
ماكامل الا وجه جـزل التواهيـب
ولا رابح الا اللي من الذنب تائـب
كل ذنوبه تغرق الكم والجيـب
وكل عليه من الليالي مصايـب
ليه الحسد والغل والشك والريـب
وليه القطيعه واندلاع الحرايـب
يولد الاحقاد شذب العـراقيـب
والحقد سـم فالمعاليق ذايـب
شرارة من ملحقين المشاهيـب
من ناشته خلت ظلوعه حطايـب
يومون بالامواس مثل القصاصيـب
ذنب(ن) يوقف منه قطر السحايـب
لعل من يفرح بشيل المشاعيـب
ويصير في فرقا الرفاقه سبايـب
تقطع عراويه من الرزق والصيـب
ويموت ماتنظر عيونه حبايـب
وتصفى النفوس وتركد المشاريـب
لابه ذنب عقرب ولابه نشايـب
هذا بعض ماعلمتنا التجاريـب
واللي من الايام جتني جلايـب
لاكامل الاوجه من يعلم الغيـب
ولارابح الا اللي من الذنب تائـب
رآقت لي
ولا صار ذكرك فوق روس المراقيـب
خلك على دربك ترى الدرب صايـب
تصير بعيون النشـاما كما الذيـب
وبعيون عدوانك عطيب الضرايـب
موت الفتى بالمرهفات المحاديب
اخير من حي مع الناس خايـب
وفيه بيت قديم يقول
من لاأدرك الطولات بأول شبابة
صعبن عليه ينولها لابدا الشيب
يعطيك العافية اختيار موفق
صح السان الشاعر
ويعطيك العافيه عالطرح ..
من لا ستر وجهـه عن الذل والعيـب
ما عاد يلقى لـ / ذل وجهـه طبايـب
الله عليك ابدعتي ف الاختيااااار
طرح رااائع
ودي واحترااامي..
