وإذا للحزن وجه ويسكب الدمعه فأنا موقه
وإذا صوت الحنين اللي سكبني في القصايد بان
أنا ماردني غير الحنين وكذبة بروقه
تجرعت الصبر بس الصبر ماينقذ الولهان
وأنا عاشق وكل اللي جنيته روح محروقه
خطاي إني سكبت العمر كله في غرام انسان
وذليت الخفوق اللي رفض لعيون معشوقه
كفانا نختنق والوقت كأنه دايرة دخان
وكن الحب بيته والقلوب تموت مخنوقه
كفانا من عنانا لو كتبنا باسمنا الأحزان
وذيلنا ترانيم السهر بألقاب مسبوقه
تعبنا مالقينا من يوفي والغدر سلطان
يبان بوجهه الدم وتلابيب الوهم طوقه
شبعنا من رغيف البعد والتنهيد والحرمان
وجينا نقطف الورد ولقينا الورد بحقوقه
تولعنا وضعنا والأمل واقف على البيبان
بصيص النور يغري والأمل ماجبر فتوقه
عزاي انك لو انك بعتني يالصاحب الخوان :
أنا اللي من وفاي الموت جاني وأنته تسوقه
عطيتك ماحرمتك من وفاي الدافي التحنان
وتخليت وتركت الدمع لي قالط على عذوقه
معاك الله وأنا مؤمن بصدق حكاية النسيان
وقبلك مات غالي وانتهى في ليلي شروقه
وعشت الليل بعده عمر لاراضي ولا زعلان
حكمني وقتي بعمر الليالي والدجى ذوقه
وخاويت الشعر قبل أعرفك والورد في البستان
قطفتي وردة من عرض طوله وانتهى سوقه
ودست الورد لأن الورد مايسوى وهو ذبلان
واذا كل الأيادي لامست ملحه ومنطوقه
أنا آسف مابغيت أقول لكن ماأصعب الكتمان
لأن الشعر يغري الصمت في التنهيد ويبوقه
لذلك معجبيني ماهم الأطفال والنسوان
أنا اعجاب الهواويه غمرني بأجمل صدوقه
لأني كنت هاوي والهواوي نكهة الوجدان
رهيف وقلبه أبيض والمشاعر تملي عروقه
ولا جيت أطلبك عطفك ولا لينك ولا الاحسان
ومتني ماعجز يشتال هم فوق مافوقه
معاك الله ولاني جابرك غيرك كثير وكان
سواة الضحكه اللي من جبين الشعر مسروقه
معاك الله تلاقيني على صدر الزمن انسان
معاليقه قصايد في سجل الحب مرفوقه
منقول،،،أتمنى أنى وفقت في نقل مايرضيكم
تحيآتي00
تسلم ايدج
يسلموو على مرورك العطر 000
