وصف الوداع اصعب من احساس الانسان
موقف ولاكن مايمر …. بسهوله
فيه الحنايا تشتكي ثقل الاحزان
والخافي اعظم من كلا م نقوله
كن الوطن من عقبها دون سكان
غا بت ولادري ارضها بأي دوله
كني غريب وعبرتي فوق الاوجان
وقلبي يتيم مالقى من يعوله
اصارع الحسره وتصرخ لي اشجان
وليل الوهم عتم وخيم سدوله
شاعرك ياقلبي تلعثم به لسان
واذا حظر كل العرب صفقوله
وصلت حد الشوق والقلب مليان
مدري غلا….او هي مشاعر عجوله
قلب بدوي ميلاف لاحب ماخان
رغم المجاعه مايخلي ذلوله
اتبع مسار القلب من دون عنوان
واثر الغلا ماحشم ابن الحموله
احيان …اهوجس وارتجف بعض الاحيان
ياشين حب هز عرق الرجوله
واحيان…. اعيش الحزن بااحساس شيبان
شايب ويبكي من سنين الطفوله
وحيان ….احس ان الفضا صار بركان
واحيان ….اقول الغيم قرب هطوله
واحيان….. اقول القلب والظيقه اخوان
واحيان… اقول ان الحنايا مغيوله
وحياااان …..مدري ….بس ……هو باقي احيان
يكفي شموخي هز عرضه وطوله
المسأله ماهي سواليف شجعان
ذاب الصمود وضاع درع البطوله
هي معركه لاكنها دون ميدان
وكل المعارك باالعناد محلوله
الا….الوداع أصعب من احساس الانسان
موقف ولاكن مايمر ….بسهوله
تحياتي
منقوووووووووووول
كلماتك رااااااااائعه
قسم الديوان لدواوين وبس
تنقل لقسم الشعر
ولاتنسين كتابة منقول حتى مانحذف مشاركاتك
