قررت انا اتزوج عليك صبيه
غثتني العيشه معك مبسمك شين
ومع الكسل والشين انتي غبيه
ماتفهمين العلم لو قلته اثنين
ينبح صوتي مافهمتي القضيه
والشرع والاسلام حلل لي اثنين
وان زدتها في بنت ماهي خطيه
وان مارضيتي في حكم ربي الحين
الباب قدامك ودوبك شويه
لاتخثعين في دربك والعمى شين
خذي عصاك مابقى لك بقيه
يامرحبا واهلين وان زادت اهلين
جاني العوض في بنت عذراء نديه
يابنت وينك ياضوء القلب والعين
وين الغداء وش فيك دوبك صبيه
ماقمتي من النوم ومتى تقومين
يبدا معك موال ذيك وذيه
شرى لها رجالها ثوب واثنين
ومع الذهب سفرها دوله غنيه
ويلاه ياحظي معك صاير شين
ومع الكسل ماانتي حريصه عليه
وين العجوز اللي لها الخاطر يزين
قلب الفجر ودلالها محميه
والقهوه الزينه وذاك العشاء الزين
والنوم لاصرنا معاي العشيه
ماترقب نجوم السماء لين مايحين
نور الفجر ثم تيرة لضحويه
يملي نظرها في السنه ثوب عطرين
وتحسها بين الحريم الغنيه
من خوف لاتكلف علي بميتين
ومن خوف لاتعكر حياتي السويه
فقدتها روحي وكل المزايين
هذي الحلى ماهي بذيك البنيه
يابنت قومي واذلفي عني الحين
انت الثرا وعجوزي هي الثريه
والله ما ابدلها ولو بالملايين
دنياي من راحت وروحي شقيه
ومايستوي يابنت لو كان تدرين
حب الثرى وانوار ذيك الثريه
انت الثرا وعجوزي هي الثريه
والله ما ابدلها ولو بالملايين
دنياي من راحت وروحي شقيه
🙂 🙂 🙂 ….
صح لسانكــ
ابداعـ ــ
يعطيكــ العافيهـ..
