يابيض الاوراق نادي نزف الاقلامي
وشبي لها من شموعي واختراعاتـي
وانا هذا جيتلـك بالرجـل درهامـي
درهام درهـام وانهيـت المسافاتـي
درهام درهام لين اتعبـت الاقدامـي
وحملتهـا فـوق كـل الاحتمالاتـي
اجتاح شوقي حنين لجرحي الدامـي
بينـي وبينـه مواثيـق وعلاقاتـي
صديق عمري واسولفله عن ايامـي
وانا احتكرتـه وبطلـت الصداقاتـي
لانه من الذكريات وملهـم احلامـي
وملهم قصيدي وما تحوي عباراتـي
حتيش لو كان مثل الميسـم الحامـي
في يد فقيـر التـروي والمهاراتـي
مايرفعه لين ادمـي راس الابهامـي
لو صحت بالصوت ماعنده مراعاتي
اصبر وياعام وش تخفي ورى العامي
وعزاي في المقبلة زيف ابتساماتـي
اعلـل النفـس بـالامـال قـدامـي
واصنع من المستحيلات السهالاتـي
كذا بلا ذنب محكومـن بالاعدامـي
وانا برئ مـن جميـع الاتهاماتـي
يارب عرشن تساما للسمـا السامـي
ياعالـم الغيـب ياسامـع مناجاتـي
رحماك لاودعن الصحف الاقلامـي
والملك لك من ورى سبع السماواتـي
:
الشاعر: راشد الشطيطي
يسلمووو ع النقل…
ودي واحترامي(…………..)
تحياتي
يسلمــــــــــــــوا**..
دائم متميز بطرحك
