كان ياماكان في قديم الزمان وسالف العصر والأوان…
كان في وحده اسمها مزيونه مررره
عمرها 14 سنه
كانت شاريه أمس بيبسي ,,,طبعا هذا قبل المقاطعه وقبل ماتعرف عن أضراره ,,, وحاطته بالفريز عشان يبرد ونسته هناك إلى أن صار ثلج..
المهم في اليوم الثاني جت من المدرسه وهي جيعانه موووت لدرجة انها راح تاكل أي شي قدامها >>> مفكره نفسها جازورا..
وطلعت البيبسي من الفريز لقته مثلج مرررره ومافيها تنتظر ومافي حد بيتكرم يشتري لها غيرو بهالوقت… شوي إلا وتطلع لها فكره من أفكارها المتهوره لأبعد درجه
حالة الخادمه: بعد دقيقتين ستتوجه إلى غرفتها لتأخذ قيلولتها
حالتي أنا: ميته من الجوع وماقدر آكل إلا بعصير وماحب آكل مع المويه لأنه يوخر طعم الأكل>>>>من طقوس أكلي ,,,,,,,,,,,
حالة بقية أفراد المنزل: شبعانين الحمد لله ونايمين كلهم ,,,,
حالة المنزل بشكل عام: هادئ لأبعد درجه وإذا رميت الابره راح تسمع صوتها
أبواب الطوارئ: المطبخ متصل بالمخزن وفيه باب مفتوح ,,,,,,
الفكره المتهوره
ليه استنى ساعه عشان اقدر اشرب البيبيسي ؟؟!!
رحت واخذت قدر وعبيته مويه حاره وحطيته على النار وحطيت البيبسي فيه ,,,,
تفسير الفكره:
اذا حطيت مويه حاره لوحدها بيذوب شوي من الثلج بس وبعدها راح تبرد المويه ,,,,,, هو انا فاضيه كل شويه اغير المويه بكذا بيطول الموضوع .
لكن إذا حطيت المويه الحاره على النار بيذوب الثلج وماراح تبرد المويه ,,,وهذي الطريقه اسرع
شفتوا ماشاءالله علي ,,, ذكيه وافكر بالطريقه العلميه بعد.. مين قدي ,,
المهم.. انا مدري وش التحذير اللي مكتوب على علبة البيبسي
يمكن العلبه قابله للانفجار في حالة تعرضها للناراو الحراره الزائدة عن الحد المسموح.. المهم اني مدري
واقفه احط غداي ومعطيه الفرن ظهري إلا واسمع صوت انفجاااااار قوي,,وااااااااااااااااااااااااااااااااااااااااااا: a22222222 << ملاحظه هذا دويتو سويته أنا مع الخادمه عشان نثبت مين فينا صوتها أحلى >>,,, والله انه صوت قوي أنا هربت على طول للصاله والخادمه هربت من باب المخزن ,,,,
أنا فكرت قنبله طاحت على بيتنا …. احد بالشارع صدم البيت…. السقف طاح …
لما صار المكان هادي رجعت اطل وأشوف وش صار .!!! هذا مو من زود اللقافه حب استطلاع حب استطلاع ….إلا المطبخ صار كارثه كونيه
وش صار ؟؟؟
انفجرت علبة البيبسي وانفجر معها القدر ومدري وش ماركة هالقدر اللي ينفجر طبعا المويه والبيبسي طاروا وسوو احتفال في المطبخ الجدران والارضيه والسقف كلها مويه
والأحلى من كذا إن السقف كان ينقط على أكلي
واكلي صار خليط من البيبسي والمويه النظيفه والمونظيفه…اهئ اهئ ومافيه أكل غيره..
وتطل الخادمه
شوي إلا البيت كله نازل
الصوت كان قوي صحاهم من النوم …وينغسل شراعي بقوه من اللي يسوى ,,,,,واللي مايسوى ..
بسم الله علي كلوني وهم شبعانيين وانا بعدي ماتغديت
انتي مجنونه تبين تحرقين البيت!!
انتي صاحيه تسوين تسذا؟؟
وش بتستفيدين لو ان المويه الحاره حارقتس؟؟
لاصرتي مشوهه وش بيفيدتس البيبسي فيه؟؟
والله دلع بنات ماعرف اكل الا بعصير .. خل احد فيكم يشتري لها بيبسي ..
هاهاهاه يالهبله والله لاعلم صديقاتي عليتس بكره…
ليتني شفتس وانتي تهربين…
المهم أكلت تمسخر علي ورحت نمت وأنا جايعه.. سدوا نفسي
ومابقى احد من قرايبنا إلا ودرا بالسالفه
اسلم عليهم يقولون ها وش اخبارتس مع البيبسي هههها ,,,عاد مايحبون الشماته
بدل ماينادوني باسمي صاروا يقولون ياراعية البيبسي …
عشان كذا حبيت اوجه لكم نصيحه اذا كنتو جايعين والبيبسي مثلج لااااااتسخنونه عالنار … سوو عصير برتقال اوعصير ليمون ,,,هذي نصيحه للصبايا
الشباب بسيطه شوصار شباب متل النار…. قومو يامال العجز اللي يشيل أباليسكم ورحوا اشتروا بيبسي غيرو.. في حد بيقولكم لاتطلعون الحين ..
الله يستر
تسلم اخوي ويعطيك العافيه
سلامات وماتشوفين شر عسى مافيه كسوور شي
وبعدين مره ثانيه لاتشتري بيبسي
اشتري ميريندا فراوله
اخوك / سياف
تسلم اخوي سياف بس انا احب البيبسي
تحياتي لك
