يارقيق المشاعر وين راح الحنان
ليه ماشلت قلب طاح قدام عينك
ليه ماشلت قلب طاح قدام عينك
الزمن هو زمانك والمكان المكان
واخر الشعر كلمه تسألك عنك وينك
من تقهويت صوتك سولف الزعفران
عاد وشلون فنجالن تمده يمينك
تذكر شلون كنا والغلا كيف كان
يوم لاغبت عنك مااسمع الا ونينك
اشعر بخوف مدري كنت احس بامان
يكفي ان جيت يمك طار فيني حنينك
وشكثر كنت وافي واقرب الناس خان
بس اثق فيك حتى لو عيوني تدينك
راحت سنين من عمري وعمرك ثمان
يوم شحت سنيني عوضتني سنينك
زان عمري بقربك يعني الوقت زان
حتى جرد القصايد ربعت في يدينك
طول عمري وانا لاوي ذراع الهوان
شفت يومك بعيني منهو يقدر يهينك ؟
مذكر اني نسيتك واذكرك من زمان
واذكر اني ضحيه بين قلبي وبينك
الشاعر : عطاالله فرحان
يعطيك العافيه عاالنقل الطيب
تحيتي
الله يعافيك يامزون شمرمشكوره على مرورك الجميل
