وأحيانا بعضها مايحتاج لمقدمه…>>بدأت تتفلسف 
وأحيانا يوم ابا اكتب موضووع لازم افكر بمقدمه تناسب الموضوع .. بذمتكم ماتصير ويااكم مثل هالمواقف
تحتاسوون عسب تكتبون المقدمه احسها اصعب من الموضوع نفسه
وأحيانا.. عيبتها السالفه ..خلووني اكمل 
ومحد يقاطعني المهم وين وصلناا؟ هيه صحيح وصلنا عندأحيانا
وأحيانا ما اكتب الموضووع والسبب اللي ذكرته مسبقاا
المهم موضووعي >> واخييرن ما بغيتي تخلصيين
عن الطفوله 
وحركات اليهاال الله يرحم هاييج الاياام نسوي فعايل وعمايل ومحد يشره عليك مثلا ..تكفخ 
عيال الفريج ومحد يقولك شي تخيس ثياابك وبعد محد يقولك شي وتتصل ع الشرطه وتقوللهم
بوحموود جارنا تاجر مخدرات
بعد محد يقولك شي او بالاحرى محد يعطيك ويه .. طبعا هذي هب
حركااتي انا
كنت طفله هااديه …>> هيه بس الناس تتبلى عليها
و راعيه مبدأ مثلا احن خلصنا من أحيانا نرد لمثلا .. المهم .. مثلا في الضرابات يوم ادخلها
مايهمني اضرب ولا انضرب اهم شي عندي اتم للنهايه بغض النظر عن النتيجه.>روحها رياضيه
تذكرت احد المواقف اللي صار لي في المدرسه وانا بالصف الاول ….وكان وقت استلام الشهاايد والعلامات
وتوزعت ع الكل وطبعا انا خذيت شهادتي لكن الامر الغريب اللي فيها كانت مترووسه دواويير حمرا ما عرف شووو
هي ..>>علا نياتها 
وفي الطرف الاخر من الشهاده كانت في شخييطه يتيمه شرات هالرقم( 1) عاد انا انشقيت من الفرحه
طلعت الاولى
وزفيت الخبر السعيد للاهل .. والوالد والوالده تظهر علا وجووههم علامات الدهشه والصدمه 
كل هاه دواوييح وبعد انا مستانسه اقووللهم متى الحفله 
اللي بتسوونها لي تراني الاولى
وبعد محاولات مستمرة ومستميته لاقناعي بانه الشخييطه هذي هب الترتيب وانما هي عدد ايام الغيااب وبعدمن
دوون عذر مقبوول رضخت للامر الوااقع ورضيت به
وبعد التهديدات بحرماني من الحفله المنشودةقررت اني اشدالهمه وانجح>>فيج الخير وتقرريين بعد
وبعد مرور ايام واسابيع وحان موعد قطاف النتايج واستلام الشهايد طبعا كان شكلها متغير هالمره مافيها الا دويحه
وحده ..>>صارت عندي خبره في الدووايح مره اقولهم يبت لكم طماط ومره تفااح ماشاءالله كنت اترس
البيت فواكه وخضرا بس كنت مستانسه ليش ؟ لنه الشخيطه بعدها موجوده >>يافرحه قليب امج
واخيرن تمت لي دويحه وحده لماده ال امم نسيت اسمها شو يسمونها لحظه افكر ..هيه تذكرت العنقليزي
ومع التطور التكنولوجي صارت انقلش المهم ورديت البيت انا والشهاده وملامح الحزن تعلو وجهي 
والفرحه مقطعه قلبي بس جدامهم اراويهم اني متاثره واقوول امايا ترا معلمه العنقليزي حاطه راسها
براسي تبا ترسبني ماادري لييش >>ولج عين بعدد تتبلين ع الحرمه
وبعد نقاشات وقرارات صار عندي مدرس خصوصي للماده وبشكل يومي يدرسني ومع ذلك الدويحه بعدها
موجووده ياترى الخلل من منو بالضبط انا والا المدرسين
ولذلك قرر ابوي انه ايي المدرسه 
ويكتشف السبب الخفي في رسووبي المستمر في ماده ال E وبعد
حوراته مع المعلمه ..تم استدعائي عندهم الصراحه احرجتني يوم قالت لي سمعي لنا a b c d………..عاد انا استانست وعدلت القذله وكشخت عمري 
……… ترا ابووي مووجوود وقلت a b c d انكسرت ايدي ودوني مستشفى الجيمي >>..
الباقي تم حذفه من قبل الرقابه لانه يحتوي علا مشاهد عنيفه>>
النهاايه
والسموحه ع الاطاله
روووووووووووووووووووووووووووووعه والله انج انتي المبدعه ياعشقيه
قصه ولا اروع تسلم اناملج يالغالييه
بانتظار يديدج
تحياااتي لج…ربيعتج
عشق العين
ع مروورج الطررررررررررر
ارق التحاايا
عشقيه تراب العين
موضوع طيب مميز وجميل
يعطيكي العافيه على الموضوع الراااااااائع
سحر الليالي
مشكووره ع مروورج الغااوي
ارق التحايا
عشقيه تراب العين
للك جزيل الشكر علا مرورك المميز واطرائك الجميل >>> عشاان إنك ثبت موضووعي
وأحلى شي كلمه إبدااع والله عيبتني
إن شااء الله اكوون عند حسن الظن
.
.
.
.
.
.
.
.
.
واخييرن تثبت موضووعي
كلمه مبدعه في الكتابه
وانا ثبت الموضوع ليطلع عليه الاخوه
حتى نستفيد من طريقه الكتابه والسرد الجمل للموضوع
وسيبقى التثبيت مده اسبوع او حسب الاقبال ليطلع عليه اكبر عدد ممكن من الأخوه
جزاكي الله خيرا وزادكي علما ومعرفه
يا عشيقه
بصراحه وااااااااااايد عجبني اسلوبج
يالله نتريا كل يديدج
انشالله
بالتوفيق
وتستاهلين التثبيت
حبووووووووووبه
تسلميين الغلااا ع مروورج النااايس
ارق التحااياا
عشقيه تراب العين
