صوت حبيبي وقبل اقول ياعونك
شكى جروحه ورحت اشكي له طعوني
يقول مقدر اعيش اليوم من دونك
واقول حتى ولو ماعشت من دوني
يمكن انا اكون اعز انسان ف عيونك
بس انت والله كل الناس ف عيوني
لاصرت ربعي وداري فية جفونك
وش دخل الناس خل الناس يجفوني
يكفيني ان انت لامن قلت وشلونك
تطيب كل الجروح ويختلف لوني
وان كان منتب مصدقني على هونك
تعال وطالع دروبي وين ودوني
اصبحت اجامل عداي اللي يحبونك
واكره مشاهد عداك اللي يحبوني
ومن كثر مااحب واكره عنك واصونك
اصبحت دفتر مشاعر وانت مضموني
ان غبت عني شعرت بلذة طعونك
وان شفت زولك شعرت بقيمة عيوني
