الساعه عشره الليل كنت بالمستشفى ..على اساس وقت الولاده راح من اسبوعين ..ودخلت العاشر اكثر من اسبوع …معايا
طبعا مافي الم .الدكتور قلي:بكره الصباح تجي..يا عمليه؟!!!يا طلق صناعي!!!
انتي روحي استخيري وشوفي..خرجت ..مريت على امي واقولها:بكره اجيكي واجيب النونو معايا؟!وهرج كثييييييير
جيت بيتي ماشاءالله عليا نمت((ودوبي استغربت من نفسي كيف جاني النوم)))الساعه 3الليل صحيت ..قمت
وصحيت زوجي للفجر…وتمشكلنا…والله مشكله@@يقولي طلق صناعي@@وانا رااااااااااافضه الامر ابغى عمليه
((سمعت ان الطلق مو زين))ويحاول يقنعني؟؟وعدني الساعه عشره اكون جاهزه!للمستشفى..
وامي تتصل "يابت مري عليا عشان اروح معاكي؟وانا اقولها ::لا ياماما انا اروح اسوي العمليه وبكره اجيكم انا والنونو
….والله بكل ثقه اقول كذا….وانا لا ياامي ماتروحي!وهيا متردده!تقول طيب وشويه ترجع تتصل تقول ::لالالا امانه مري عليا..
وقمت غسلت الاواني..واستعديت ..وعملت كم شغله كذا
ومافي الم ,,استنى شى يجيني..يحسسني باالولاده…ابغى احس باالخوف ..والله مااااااافي؟؟؟!وعلى الساعه تسعه قمت والله قاعده احط حمام زيت بشعري وقاعده اتصور
((ولو ادري انو هذا الي بيجيني ماكان.حطيت……..)))زيت شعري وعلى الساعه تسعه ونص قلت بريح شويه بنااااااااااااااااااااام…والله فاكرته زين زين
وانامعايره المنبه على عشره..عشان العمليه.
والساعه عشره الا ربع****
قمتالم فضيييييييييييييييييييييع ..ولله جسمي كش وانا اكتب^^الحمدللهماادري اش هذااااااا؟؟اتصلت اختي:زوجك جاء؟؟وانا صوتي متغير…اقولها فيني الممممممممممممم,,
وقالت والله امي تصلي وتدعيلك..خليني اروح ابشرهاا؟!!!
اه اه اااااااااااه اتصلت على زوجي::الحقني الحقني
طيب طيب انا جاي بالطريق وطبعا يابنات اشتغل الطلق والله كل دقيقتين..واسمع صوت السياره..بس ارجع اتصل..ويقولي خلاص انا تحت اجهزي..
ودخل زوجي وانا بغرفة النوم ((طبعا مكركبه))لاني قلت ح ارتبها لما اصحى,,ودخل وانا معرقه ومحمره من اللالم
وماشا الله عليه((بلبسني العبايه))وانا اقله لالابا اتحمم**شعري مزيت**
وتحميمه وطلقه..ويالله ياالله بسرعه وبا الم ملابس النونو..احط في الشنطه^^واضغط با المخده.. انا اجي اجيبها
ولبسني العبايه,,واتصل على اختي ::خلي امي تخرج؟؟امي من زمان عندالباب..من الساعه عشره..والله تعبت.
هذا الكلام الساعه عشره ونص تقريبا…
وخذ امي وانا الالم والله يزيييييد..ومستشفى بخش بعيد ..يارب متى اوصل..وصلنا..وقفنابالطوارى ورجل الامن يقول لزوجي وقف السياره هناك!!!بس مسكين لما شافني والله جاب العربيه على طول..
السستربكل برود:في الم؟؟ايوووووووووووووه
وكشفت ..
واه اه من غرفه الولاده..مدخلين امي زوجي عندي $$وكل شويه تكشف يادكتوره,,كم؟ترد::شويه شويه,’ماتقولي كم سم؟؟
وانا اصرخ ابغى عمليه؟مافي الا انا والله باالقسم!!ويجي الدكتور لالالال{{{{يادكتور الله يخليك سويلي عمليه؟؟لا اصبري؛؛؛
ويزييييييييد الالم وزجي…وامي عندي ..
المهم لا اطول عليكم…وجات الدكتوره
معصبة ولبست السفره النايلون..وجهزت وانا ناديت امي((يا امي ادعيلي خلاص ولاده)))واستنى استنى
؟؟؟والدكتوره خلص دوامها,,وراحت فكه
ونقلوني من سرير ال سرير "ومن سرير ال سرير""الين غرفه العمليات ودخلت …………………………….اااههه اه اه الم والله ماينسي ,,وجات الدكتوره بسرعه بسرعه..وتقول:هيا مابتصوتش؟؟
وكشفت..ودخل الدكتور وكشف قال عمليه …وال
والدكتوره الله يسعدها قالت لا يادكتور انشاالله ح اولدها طبيعي..وزاد الدف,,,والدكتوره ::دفي دفي..والنونو ماشاءالله
ماقصر…واسمعهم يقولو((شاطره شاطره شاطره))يالله يالله واحد اتنين ثلاثه ويسفقون___والله شجعوني واسمعهم
يقولو مبروك مبرووك ..وانا؟؟؟اسئل دكتوره التخدير""على ايش مبروك"""ترد"""انتي ولدتي؟؟؟وحمدت ربي
وتقولي انتي ربي بيحبك ولدتي طبيعي^^انا شفتك اليوم الصبح بطنك كانت فوووووووق …هيا سوريه كلامها يرد الروح^^^الله يحفضها
والبنت خرجت ماصاحت&&&وراحو يبشرو امي وزوجي<<<تقلهم السستر<<<<الحمد الله ولدت طبيعي
والله سواليفي كثيره بس مشغوله ورايا الغسيل وبنتي شبعت نوم الله يحفضها@@تبغوني اكمل؟؟؟؟
لحظات عالم ثااااااااااااااااااااااااني/////الحمد لله ؛؛؛
واللي تعرف دكتور عضام بمكه تقولي عشان هذي بنتي>>>الله يشفيها..معاها خلع بالحوض؟وشكر
سبحان الله الإستخاره والدعاء لها دور كبير في حياتنا وفي مثل هالمواقف .,’
والحمدلله ولدتي طبيعي ,,, مو عمليه .,’
حبيبتي اللي صار لك كله طبيعي وفي أمهات يسير لهم أكثر من اللي قلتيه ..
شوفي أمهاتنا وجداتنا لا مستشفيات ولا دكاتره ولا حتى عنايه …
وفوق هذا ينجبوا .. العشره وفوق العشره من الأطفال .,’
سبحان الله .,’
والحين زمنا مستشفيات وعنايه ووووو الخ .,’
الحمدلله رعايشين في نعمه ….. فعلا الحمدلله .,’
وكل طلقه بأجرها .,’
والله من قلبي ادعيلها…بس ماقلتولي على دكتور العضام
من عيوني أدورلك وأسألك .,’
سلامات للاموره وربي يشافيها لك.,’
الإستشاريين :
1- د . عظام: سالم باجعيفر مستشفى النور التخصصي.,’
2- د . عظام: عبدالمنعم مستشفى الاهلي .,’
3- استشاري العظام في مستشفى علوي تونسي بس مااعرف اسمه لكن جنسيته افريقيه اما تنزاني او غيني المهم انه ماهو عربي وهو فعلا ممتاز.,’
بس حابه الفت انتباهك انه اذا احد مدحلك دكتور مو شرط ينفع معاك
فانت استخيري الله قبل ماتروحين عشان ربي يوجهك للخير.,’
واي خدمة ثانيه حبيبتي انا حاضره ولاتنسي الدعاااااااااء وانت ام ودعائك باذن الله مستجاب .,’
وتسلمين يااختي والله ماقصرتي
خليتيني ادش بالموقف
يعتيكي العافيه ع الطرح
تحياتي
يعطيك العافية والحمد لله على سلامتك
والله يشافيك النونو تبعك …
موضوع جميل لانه من تجربه
سلمت
ولا تسمي غلا … اسم النونو اللي تعبني….الله يحفظها ليا يارب …ويعافيها
