Change your hairstyle 2024

:

اكيد كلنا نحب نغير ونجدد في طلتنا ونبعد عن الروتين اللي تعودنا عليه ..
والحلو اننا بلمسات بسيطه نقدر نغير وتكون طلتنا حلوه نعومه وانيقه ..
بس احيان مع العجله تروح الافكار ونرجع للي تعودنا عليه !!
ومن هالمنطلق جاتني فكرة هالموضوع .. ..
نتشارك فيه افكارنا اللي تميزنا ..واكييد الموضوع ماراح يكمل الا بمشاركتكم لنا بأفكاركم الخاصه..
يعني لو عندك حركه تميزك وتحبين تسوينها اطرحيها هنا .. وبكذا تكونين اثريتي الموضوع اكثر ..

ويصير بأول فكره ..

بنحتاج ربطه او طوق اللي يكون خيطين ،يجي جلد او ساتان او خرز ويكون بمطاط من تحت او يكون حديد او بلاستك كله على بعضه وبدون مطاط ..

ايضا راح نحتاج مشابك الي تستخدم للتسريحات وتكون مخفيه ولا تبين عالشعر ..

بالاول لبست الربطه ، استخدمت نوعيه جلد حلوه ومريحه في اللبس ..
وبعدها اجمع نص الشعر من ورى واثبته بالمشابك واحاول اني انفخ الشعر مع الرفع ..
عن نفسي تعجبني النفخه الناعمه ولو حبيتيها تكون اكبر مشطي شعرك من داخل بالعكس لين تنفخين الشعر وعليها بخة سبراي للتثبيت ..

وهذي صور مقاربه لكن الفرق انه الشعر مرفوع كله من ورى ..

{ ثاني فكره ..

نبدأ بتقسيم الشعر لثلاث اجزاء ..

الجزء الامامي ويكون مفروق من النص ..
والجزء الأوسط ارفعيه .. والجزء السفلي اتركيه نازل ..

بنحتاج مشابك صغيره تقريبا اربع مشابك .. مشبكين لكل جهه ..

خوذي الجزء الامامي (الجانب الايمن) وابرميه على فوق وثبتيه داخل الشعر ..
ونفس الشي للجانب الايسر ..

افتحي الجزء الاوسط ونزليه بحيث يغطي المشابك ..

وهذي صوره مشابهه ..

واحب احيانا ازيد عليها ببرم الشعر النازل من الجوانب ورفعه للخلف مع مشبك حلو او فيونكه صغنونه..

وهذي صورةة المذيعه نادين بنفس اللوك ..

واحيانا بكل بساطه اربطه من ورى وخلصنا

{ ثالث حركه ..

اسهل منها ماافي ..

البعض يسوونها بس بطريقه مختلفه ماتعطي نفس النتيجه اللي احبها ..

لذلك حبيت اوريكم طريقتي فيها ..

بنحتاج مثل هالمشابك للشعر ..

نقسم الشعر لجزئين فوق وتحت ..

نأخذ الجزء اللي فوق ونرفعه ولو في خصل ودها تنزل خليها.. احلى ويعطي منظر بسيط نعوم وغير متكلف..

بكل بساطه ارفعي الجزء الثاني وثبتي المساكه عكس اتجاه الاولى ..

وهذي صوره مماثله من قدام ، عاد مدري هي ايش مستخدمه من ورى !! المهم انه نفس النتيجه