الوسم: الإنجليزي

من خلال دراستنا للغة الإنجليزية أكيد تعرضنا لمواقف مضحكة وبقيت في ذاكرتنا

طبعا عارفين أنه في ناس ماتحب تتعلم اللغة الإنجليزية اعتقادا منهم إنها صعبة
وأنه مهما حاول ماراح يتعلم ولا يفهم شي
لكن اللي عنده رغبة لتعلمها راح يكتشف إنها سهله بس يكون عنده إرادة

أذكر لكم موقف حصل لإحدى الزميلات ( الله يذكرها بالخير )

خلال دراستي في الكلية كانت المواد كلها باللغة الإنجليزية وكانو هيئة التدريس أغلبهم
أجانب ( مايتكلمون عربي ) يعني التخاطب معهم لازم يكون بالإنجليزي ..

كانت زميلتي ماتحب تتكلم أبد إنجليزي ولا تحاول إنها تتكلم فكانت تجد مشكلة بالتخاطب مع المدرسات

في كل مره إذا بغت تستأذن تطلب مني أكلم لها المدرسة ..وكنت أقول لها ليش ماتحاولين تتكلمين وهي مطنشة
المهم في يوم من الأيام وقفت تبي تستأذن من دون ماتطلب مني أستاذن لها
وانا استغربت وقلت في نفسي ماشاء الله بتعتمد على نفسها

طبعا لازم تقول ( ? Can I go out ) قامت البنت وهي متحمسة وقالت :

(؟Can you go out )

المدرسة تفاجأت وقالت واااااات

أنا ماقدرت أتكلم من الضحك وبعدها صححو لها البنات الغلط والمدرسة ضحكت وفهمت قصدها

هذا الموقف اللي عندي .. ياليت تشاركوني بمواقفكم مع الإنجليزي وشكرا