الوسم: الاتيكيت

واحنا نولد مانعرف شيء بس نتعلم من المشاهده والقراءه والانطباع..والاحتكاك بالغير..واكتساب الخبرات ..
ودائما يوجد هناك ما ينقصنا لنتعلمه…

لذا حبيت ادون بعض ملاحظاتي وارشادات نابعه من قلب محب..لتزويدالكائنات اللطيفه بما يزيد من حسن تصرفهم وردات فعلهم..ومايجب ان يكونوا عليه كسيدات مجتمع ..وليدز عن حق وحقيق

تعالو نسلط الضؤ على بعض التصرفات والارشادات..
=============================
العلك :
====

اسوأ منظر ممكن تشوف عليه البنت وهي تعلك العلكه..(جغ ..جغ ..جغ) يعني الملامح تتعفج..والانوثه تروح في خبر كان…والتفال يطشر مع كل كلمه..فيا عزيزتي..اتجنبي العلكه في اي مكان عام تتواجدين فيه…وطبعا ماهي ممنوعه..بس في البيت..مع صديقتي الكلوز…بس مع الناس وفي المناسبات الاجتماعيه..بليززز لا تعلكي…فتراه ينافي اتيكيت المرأه الراقيه…
وخاصه في الزواجات..تجيك البنت ضاربة بعمرها الشيطان الرجيم من الكشخه والمكياج ورزة العمر…بس للاسف قاعدة تعلك بضراوه …تقل بينها وبين العلك ثار قديم..واللي يزيد الطين بله..لاجت ترقص..مدري كيف توازن بين عملية العلك وبين هز ياوز

يعني منتهى البشاعه…مهما كنتي متشيكه..تروح الشخصيه في خبر كان والسبه..العلك ابو نص ريال..يعني كشخه مكلفه كم الف ..يطيرها علك ابو نص..
————————————————-

الصوت العالي.وسرعة الكلام:
===================
الصوت العالي اسوأ صفه تتصف بها بنت…لان الصوت العالي من سمات الرجال..اما البنت لازم صوتها يكون منخفض..وكلامها مرتب…وحكيها مترابط وبدون عجله..فعلى ايش الصراخ والسرعه في الكلام..؟؟؟.منتي ملحوقه بعصا..خاصه ان السرعه في الكلام من اهم اسباب حدوث السعابيل وطشار التفال في وجيه من يقابلك

ولو كان هاذي طبيعة فيك..فالتمرين هو احسن طريقه لك…اتدربي على ضبط التون حق صوتك..وحاولي كلما فلت منك الزمام انك تتمالكين نفسك مره ثانيه وتتكلمين بصوت رايق ..وبدون سرعة في الكلام..لان البنت تزداد جمالا وجاذبيه بالصوت المنخفض والكلام الرايق…فلا تلومين الناس ان شفتيهم يكرهون التعاطي بالكلام معاك او حتى تشوفينهم يضحكون عليك او يعلقون على طريقتك..لانها فعلا غلط
————————————–

بكم شريتي هذا؟؟
=============
كثير من الجنس اللطيف..يحبون اللقافه…واسوأ انواع اللقافه..سؤال بطلت موضته وصار اولد فاشن..اللي هو( بكم شريتي هذا)
اكثر شيء ممكن ينفر الناس منك..ويعطي انطباع بأنك قرويه او مشفوحه..لما تشوفين شيء عاجبك وتسألين صاحبته بكم شريتيه؟؟؟
طبعا حلو ومن اصول الاتيكيت انك تثنين على شيء عاجبك امام صاحبته مع ذكر الله..بس حذار من السؤال الشعبي بكم خذيتيه..؟
لانك تحرجين نفسك وتحرجين المسؤله..وهذا يتنافى مع قواعد الاتيكيت..واصول التعامل الرفيع مع الناس…
——————————————–
ترقبوا الجزء الثاني

يستخدم ألفاظ مناسبه في الوقت المناسب
وكلامه يكون واضح و مفهوم ..
الرجال الدفش ,,
يدخل السوالف في بعضها وما تعرف وش
يبي بالضبط وعن مين يتكلم ..**

الرجال الأتيكيت ,,

يوم يشوف وحده في أي مكان يخليها
(laidies First ) تمر قبله من باب الأحترام ..

الرجال الدفش ,,
حتى لو كانت البنت واقفه قبله يحاول
أن يسبقها ويمكن يدزها بعد ..
**

الرجال الأتيكيت,,

يوم يكشخ بجزمته وغترته (طبعا نفس اللون)
ويتعطر بعطر رجالي هادي ..

الرجال الدفش ,,

الجزمه في جهه والغتره في جهه والنعال(أكرمكم الله)
في جهه ويتعطر بعطر حريمي بعد ..
**

الرجال الأتيكيت ,,

بعد ما يتغدى أو يتعشى يقوم يغسل ايديه
بالمويه والصابون ..

الرجال الدفش ,,

ما يكلف على عمره حتى يآخذ كلينكس
أقرب شي(يمسح فيه) هذا اذا ما كان في الجدار
ههههههههههههههههههههه
**

الرجال الأتيكيت ,,

يوم يعزم ربعه يعزمهم في مكان راقي
أو في مجلس بيتهم ..

الرجال الدفش ,,

يعزمهم على شبس وعصير وشاهي (الوزه)
أجل ليش تعزمهم ههههههاي ..
**

الرجال الأتيكيت ,,
يوم يتواعد مع حبيبته طبعا السياره مخفيه
ويبخر السياره وأغاني هاديه ويأخذ لها هديه بسيطه وحلوه ..

الرجال الدفش ,,
السياره مو مخفيه وأغاني انجليزيه والناس
كلها تدري انه متواعد وريحة السياره سجاير
لا ويدخن قدامها بعد ..
**

الرجال الأتيكيت ,,
لو أعجب بوحده في السوق يقعد يطالعها
ويسوي روحه ما يشوفها ومو مهتم لها
وفي خاطره يحط الرقم في ايدها وطبعا
ما يسويها ..

الرجال الدفش ,,
يقعد يطاردها تقولون دورية شرطه وراها
من مكان لمكان ويرقمها ويرقم وحده
غيرها في نفس المول ..
**

ممممم يلا شبااب كل واحد فيكم يقول هو من اي نوع اتيكيت والا دفش ؟؟
**

(((( منقووووووووووووووووول))

اختكم.. $$ لحظه شموخ $$

روعه والله
يديكي الف عافيه

ودي غاليتي

توووته
اهلا وسهلا بالناس الطيبة
الاتيكيت والبروتوكول
احنا ناخذ الحاجات السلبية ونترك الايجابيات من اي تقدم حضاري
يعني احنا ما شاء الله علينا يا العرب كل امورنا صح
وبقيش عندنا الا انه نتعلم الايتيكيت والبروتوكول …..
يا ريت انه نتعلم الحاجات الكويسة
مشكورة ع الموضوع الرائع كعادتك
بانتظار جديدك يا ست الكل
تحيتي لك
الن البلد

جميل أن يهتم الإنسان بمظهره وتصرفاته .. والأجمل أن تكون فعلا صورته التي نراه عليها هي نفسها التي بداخله .