السلام عليكم ورحمة الله وبركاته
اخوانى الاعضاء بتمنى المشاركه منكم بموضوعى هدا لانو مهم بالنسبه لى
بدى احكى قصه وبدى رايكم فيها بكل صراحه
هالقصه هاى هى من واقع الحياة
قصه زوجين وكيف ارادة رب العالمين كانت معهم
هو رجال متعلم ومثقف مقتدر ناضج متزوج شاءت ظروف بلده ان تجعله يسافر لاكمال حياته بعيد عن اهله
بعدما تزوج بفترة قلبه مال الى ابنه خالتو وحبها مع العلم انو اكبر منها بالسن وهى قبلت بالزواج منو وبالفعل توجو قصة حبهم بالزواج
طبعا تركت بلدها وانتقلت حتى تعيش معو
هالزواج اثمر عن طفلين بنت وولد وكانو بمنتهى السعادة
الاب طبعا فلسطينى نازح ما بيقدر يفوت بلدو الا بتصريح لكن الام معها هويه وتقدر تفوت وتطلع مندون تصريح من اليهود ولهالسبب لازم الام تضيف اطفالها معها بهويتها حتى ما يكونوا نازحين
رجعت على فلسطين هى والاب لكن اجراءات الاضافه اخدت وقت كبير والاب وراه مسؤوليات وشغل عشان هيك ترك مرتو وولادو لغايه ما تنتهى اجراءات اضافه اولاده وبعد هيك يرجعو لعندو
رح اعتبر الشى المهم بقصتلى رح يبدا من هنا
الاب راح لامو وشو حكى لها امى ديرى بالك على مرتى وولادى لانى مسافر
امو طبعا ست كبيرة بالسن جاهله غير متعلمه يعنى اميه شو ردت عليه بكل طيبة نفس ((كيف ما رح دير بالى على مرتك ؟؟هاى بنتى والله انها رضعت منى لما شبعت مع اخوك فلان ))هدا كان ردها بالحرف الواحد
الاب انصدم شو يعنى؟؟؟؟ اعاد الاسئله على امو حتى يتاكد ومع الاسف امو اكدتلو هالشى بس مندون ما تعرف انها رح تخرب بيت ابنها بحكيها
المهم ارجال راح لخالتو اللى هى بتكون حماتو وسالها برضو اكدتلو انو هو كمان رضع منها
سافر مندون ما يودع لا مرتو ولا ولادو لانو ما قدر
راح لاكبر العلماء وسال
الكل اجابو انو مرتو محرمه عليه لانو اختو بالرضاعه
وبالفعل تم الانفصال
انا كتبت هالقصه حتى اعرف ارائكم ؟؟؟هل ممكن انو تكون حقيقيه؟؟
يعنى انتو بتصدقو هالقصه ؟؟
هل ممكن انها تصير ؟؟