صابر و راضى
عايشها عادى
و جيبي فاضى
لا عندى فيللا فى حي شبرا
و لا حتى عشة فى المعادى
كل اللى حيلتي
صادى و ضادى
هاعيش و اموت
صابر و راضى
و بردو عادى
هاستحمل الظلم اللى واقع
عشان ولادى
بياكلوا فول و يقولوا يابا
و لا عمرهم قالوا يا دادى
فى ولاد ذوات
أهلهم حاكمين بلادى
بينطقوا بسهولة مامى
يقولوا بابي .. يروحوا نادى
كرههم ساكن فؤادى
بس هاستحمل و هاصبر
مش عشانى .. عشان ولادى
اللى ورثوا منى أصلي
ورثوا فخري أنى مصري .. مصري عادى
ورثوا منى كبريائي .. ورثوا حتى من عنادى
ورثوا صبري .. ورثوا طيبتي
ورثوا صادى .. ورثوا ضادى
و الليلادى
أقروا فى شهادة ميلادى
عشت صابر … مت راضى
عشت و الصاد هى صمتى
مت و الضاد ضعف منى
عشت رافع بردو هامتى
كنت راجل أه .. لكنى
ما أملكش فى الدنيا غيرهم
كانوا جوا عيوني نني
صاد و ضاد
عمرهم من عمر سني
عاشوا جنبي مالبداية
و دعيتك يا رب عينني
هي دي شهادة ميلادى
عشت صابر .. مت راضى
ورثوا فخري أنى مصري .. مصري عادى
ورثوا منى كبريائي .. ورثوا حتى من عنادى
ورثوا صبري .. ورثوا طيبتي
ورثوا صادى .. ورثوا ضادى
ورثوا الاصاله وورثوا الحضاره
وورثوا التاريخ العظيم
المشاكس
كلمات ثائره على زمن غادر
لالالالالا ليس الزمن بل الناس
وهنيئا لك صبرك ورضاك
وجعله الله لك مفتاح لكل فرج وضيق
تقبل مرورى المتواضع
عروس النيل
حبيت ابقى بين جوانب صفاتك