كيف الحال شباب وبنات
انشاء طيبين
……………………………………………….
اليكم
القصه:
كان موسم القنص (صيد الطيور) وكنا جالسين انا ملك المجنون وثلاثه من الربع وكان يوم عطله
الاسبوع
عاد قلنا ليش مانطلع نتصيد ونجرب حظنا اتفقنا على الطلعه وكل واحد جهز عزبته وبعد صلاه
الفجرمشينا
انا السواق وملك المجنون على اليمين والثلاثه راكبين ورا ومعنا من الاسله (شوزن . وسكتون )
مطلعينها مع الدرايش يعني قناصه (والله من جنبها )
وطلعنا بر وابعدنا مسافه عن الزفلت واحنا نمشي بالطريق الصحيح والاملك المجنون يدربل
على شي
بعيد وقعدنا (نتحكك)نبي نعرف وشو هالشي انا اقول بسياره وملك المجنون يقول رجال المهم
انا انحرفت عن طريقنا رايح بتجاه الشي
هذا وابعدنا مسافه عن طريقنا واخيرا وصلنا الشي هذا والا تطلع
شجره (سدره)هههههههههه
واحنا نمشي يمين يسار يالربع وين طريقنا والا والله اللي ضعنا ونقعد ندور ساعه واحنا نوقف
ويركب ملك المجنون فوق غماره السيارة يدربل والا والله هذا الزفلت جنبا (يمال الوجع )
رجعنا من جديد ونقعد نتهاوش شوي كل واحد يقول لثاني انت اللي ضيعتنا المهم مالكم
بالطويل وصلنا مكان القنص عاد قلنا خلي ندور لنا مكان نسوي فيه الغدا (جوعانين الدببه )
واول ماوقفنا
والا واحد من الربع قال شوفوا يعيال حصني حصني !!! (حنا جايين ندور صقور والا حصاني )
المهم قلنا وينه واناظر يالله شفة غبرته والا مكيم الحصني يركض واشغل السيارة وراه طرد
وجلسنا ربع ساعه نطرده بالسياره لين تعب وننزل عليه بالحصى والاملك المجنون يرنه
بالراس الا هو جاي على خشته
ونمسكه ونركب الكلبشات بيديه وهو دايخ المسكين ورجعنا محلنا وسوينا الكبيسه (استانس
نادر الوجود)هههههههههه
والحصني مربوط واحنا قاعدين ناكل (كن الحصني يقول كولو الحين وانا اوريكم بعد الاكل )
والا الحصني يطالع لنا يكسر الخاطر( ماندري انه غدار ) قلنا خلى نعطيه ماء ولحم وعطيناه
ولا اكل
(الظاهر مااعجبه اكلنا ) هههههههههههههااي
قلنا خلى نفك الرباط حرام يمكن ياكل وفكينا الرباط ورحنا نغسل بعد الكبسه واول ماجلسنا
والا والله ماشوف الا غبره الحصني هرب مسكله خط
(كنه يدري اننا مكثرين من الاكل ولا نقدر نركض كثير )
ويتناقزون وراه العيال انا معبي الكرش ولا قدرت اتحرك ههههههههه وهم طولوا مارجعوا بعد
ماشربت البيبسي ودخنت واشغل السياره واروح وراهم والا هم متسدحين من التعب
وملك المجنون للحينه يركض ورا الحصني
( بس يركضون بالحركه البطيئه من التعب) خخخخخخخخخخخخخ
واطرد الحصني بالسياره شوي وياقف واطرحه ونرجع محلنا ونحكم علي الحصني بالاعدام
وياخذ ملك المجنون السكتون ويخرم اذان الحصني تعذب المسكين قلنا خلص عليه والله ويصوب
عليه وينتفه بالجبهه
والا الحصني ميت عاد قلت انا ليش ما اخذ الحصني واحنطه (مسوي اعرف ) واخليه تذكار
قالو
لا خذ ذنبه بس تعرف تحنط انت قلت ايه افا عليكم اعرف ونص ليش اللي حنطو احسن مني
هات السكين بس (والله من جنبها )
واقطع ذنب الحصني واخذه معي ناوي احنطه واعلقه بالسياره المهم غابت الشمس وجعنا
وحنا نشيل عفشنا ورجعنا الديره
وارجع للبيت والا الاهل هاه وين الصقور قلت هذا بدي السياره معبينه فل والباقيات طيرناهم
مالهم
محل معنا من الزحمه <======== يتطنز
المهم رقعتها عند اهلي قلت تعطلت معنا السياره واقعد اكذب عليهم
وذنب الحصني معي مخبيه
محد يدري فيه من الاهل وباليل وانا اجيب مويه وملح وفلفل واقعد اخلط <=== مسوي فاهم
واسدح الذنب عشر دقايق فيه واطلعه واعلقه عشان ينشف مع طلوع الصبح والا هو مضبوط وانا
انام واقعد الصبح والا الاهل مسوين حاله طوارى في البيت من الريحه <======راح فيها
وانا والذنب مع الباب هههههههه (قال محنط قال )
<========= مارجع للبيت الا بعد يومين خخخخخخخخخخخ
وهذي سالفتنا اللي اسمها (الذيب ابو الحصيني )خخخخخخخخخخخخخخخخخخخاااي
اتمنا ماطولت عليكم واعجبتكم القصه
تقبلووووو تحياتي
اخوكم……………………………حاشر البنات بقوطي
.gif)
مرره حلوه الله يعطيك العافيه.gif)
الله يعطيك العافيه على مرووورك حبيبي
تقبلوووووووووو تحياتي
اخوكم…………………………………حاشر البنات بقوطي
