سلام مني لك يالسحاب الضافي
………………..سلام ومعه تحية مقرونه
نسمع رزيز الرعد والبرق طافي
………………جاك العلم وخذ منه مضمونه (هذه تكون ثابته)
جيت والله جابك
………………………….
يامرحبا في ضيفنا الجديد اللافي
…………………ترحيبة اللي للورد يشمونه
عطنا ماعندك من مكشوف وخافي
…………………جاك العلم وخذ منه مضمونه
وشرايكم تخلونها رباعيه احسن على قاف واحد
يعنى انا وساري ضد المجهوووووول ومشعل
و اذا بغيتوا فزعة … ترانا نعين و انعاون
والله يهديك ياصارم وشلون نخليها رباعيه
ليش .طاولة تنس .والا بالوت
هههههههههههههههههههه
تقبلوا تحياتي
ماعندي لك الا كل علم صافي
………………………لكن انت أحيانا نيتك ملعونه
قالها اللي عاشرك بعد ماشافي
…………………….جاك العلم وخذ منه مضمونه
أنته جيت بسرعة والنور طافي
…………………..ليش مامريت اللي يصلحونه
تبي لك وزن أذرعه وفيك انحرافي
…………………..جاك العلم وخذ منه مضمونه
يالسحاب انتبه ترا الخط فيه انعطافي
…………………اباشيلك ومن شافوه عنك يسألونه
لاتحسب انك بها الحاله ممتلك كل الفياضي
………………….جاك العلم وخذ منه مضمونه