الوسم: الشاني

مرحباا الف

مشتاقتلكم من زماان عن المدونة يمكن سنه او اكثر

اخباركم انشاء الله بخير

اولا

كل عام وانتم بخير ومبارك عليكم الشهر رمضان قبل الزحمه
والله الله في الاعمال وطاعة الرحمان

ثانيا

تجهزو واربطو الاحزمه للقصه وتراي انا الي كتبتها مانقلتها

كان يامكان في قديم الزمان يمكن قبل 4 سنوات

يوم اخوي محمد في ثاني ابتدائي
وعلى مضن انه اول سنه صار رمضان في الاجازه المهم حنا اول يوم من رمضان نزلنا على مكه واخذنا العمره
ومن بكرى طلعنا العصر من الفندق قلنا نبي نروح نفطر في الحرم

المهم ونمر البقاله ألي جنب الفندق ونشتري عصيرات عشان نفطر
إلامحمد قال مابي عصير ابي شاني

ونقوله يامحمد شاني وأنت صايم مايجي ويقعد يبتسي —> يصيح
باالبقاله ابي شاني قالت أمي خذه لاتفضحنا كل بو الناس يشفون
تقل اول مره يشفون ام تهوش ولده

المهم وياخذ الشاني ونروح للحررم ونجلس بتوسعه طبعا زحمه واول ماأذن فكينا العصيرات وزلطناهن
محمد طبعامعه الشاني على مضن انه جغم جغمه وترك الباقي مليان

وتعرفون بالحرم مافي وقت كثير بين الأذان والاقامه حنا على طول ضفينا عفشنا وربطناهن إلا محمد معي يترك الشاني

وبما تعرفون بالحرم خلطي نصلي رجال مع حريم وخاصه بتوسعه صف رجال يتوسطه حريم خلفهم رجال

ونرجع لموضوعنا الاوهو الشاني طبعا بسرعه الناس صفو ومحمد ترك الشاني في الأرض المهم جت وحده تكرونيه جلست جنبي تصلي طلع الشاني تحتها يوم كبر للركعه مير التكرونيه تطخه برجلها ويبداء الشاني يصبصب وتسجد ولا الشاني تحت منطقه حساسه جدا

وكانت تسجد وتصلي وهي مفحجه رجل بااليمين والثانيه بشمال والشاني يخرخر (ينقط) منها

حسبوها الناس تنزف التكرونيه ويبدون الناس يصلاة وخرو فحزو لاتنجسنا لارجال ولا حريم ماحد صلى زين المره تنزف اطلبو الإسعاف وألي يقول أكيد انها حامل وجتها الولاده وكلن يطلع اشاعه من راسه
على كيفهم

والشاني وصل الى اخر التوسعه ولا التكرونيه يحول رحمتها كلها تنقط احمر وعلى طول أول ماقال السلام عليكم تتلثم وتركض للحمامات

هههههههه الله يهديك ياخوي عنيد ودايم يحطنا في مواقف محرجه