السلام عليكم خواتي شحالكم
فديتكم يبت لكم اليوم درس يديد وفريش وحلووو
بلونه وبصاااحبته اللي اهي كاتبه الموضووع والحقوق ترجع لها طبعا
مع بعض التعديلات اللي سويتهااا انا في الشرح ,,
مكياج باللون الأحمر للجريئين فقط .. ترى هاللون يباله قلب وجرأة عشان الوحدة تحطه .. وبهالدرس بنحتاج لون بيج كأساس .. لونين أصفر (واحد مائي والثاني بودرة) + لون نحاسي (كريمي) + 4 درجات من الأحمر (فاتح مائي – درجة أغمق شوي مائي – أحمر قاني شدو عادي – غامق مائل للماروني عادي) + لونين قلتر (أبيض وخمري) + آي لاينر بلون عنابي + كحل باللون الذهبي …
معااااي ؟؟ يالله ,,
ما بطول عليكم .. ببدأ باسم الله
بعد كريم الأساس والبودرة .. نبدأ خطوة بخطوة .. والخطوات هي كالتالي:
بللي الفرشاه بالماي وحطي طرفها على ورقة كلينكس عشان تشفط الزيادة منها .. وعقب مرريها على اللون البيج ولوني فيه كامل الجفن وصولا إلى حدود الحاجب….
بفرشاه ثانية حطي اللون النحاسي على كامل الجفن المتحرك…
نفس الخطوة رقم (1 ) لكن هالمرة للون الأحمر الفاتح .. حطي اللون على الجفن المتحرك وشوي عند الثنية بين الجفن المتحرك وركزي اللون على الجفن المتحرك.. لازم تمدين الظل على بره بحيث يكون متدرج…
الحين حطي الدرجة الثانية الأغمق شوي من اللون الأحمر على الثنية بشكل هلال….
الحين باللون الماروني عيدي على نفس الخط السابق لكن هالمرة بتركيز أكثر .. وادمجي الألوان مع بعضها…
الحين حطي الآي لاينر فوق وتحت .. لاحظي رسمة الآي لاينر مفتوحة عند بداية العين ونهايتها…
على خط الآي لاينر التحتاني حطي الشادو الأحمر العادي وموهي عشان ما يبين الخط محدد وايد .. وحطي اللون الأصفر المائي على عظمة الحاجب وخليه يجف…
عقبها حطي اللون الأصفر البودرة على عظمة الحاجب مع التمويه والدمج … وحطي عند بداية العين لون أصفر مائي عشان تبين العين أوسع .. ولا تنسين الفتحة اللي عند نهاية العين وحطي فيها نفس اللون. ..
حطي الجلايتر (اللمعه)الخمري على المكان اللي فيه الشدو الأحمر .. والجلايتر الأبيض على عظمة الحاجب….
رتبي الحاجب واملي الفراغات بلون حاجبج وحطي الجل الخاص بالحواجب إذا عندج…
قوسي الرموش وحطي ماسكارا طبقة أولى .. عقب كحلي العين من الداخل بلون ذهبي. …
وأخبرا وليس آخرا .. استخدمي لون ظل ذهبي مع فرشاه ضعيفة وحطي خط من نهاية العين وسحبيه على برا .. وعقبها حطي طبقة الماسكارا الثانية وثبتي مكياجج بمثبت المكياج….
.
.
دمت بود
,,
,,
بس ولآ صوره طالعااالي
لكن يسلمواا
,,
,,
بانتضاار جديدك
تحياتي لج .
عموما يسلمو حبوبه
