الوسم: العملاق

حسين الساعدي

مشاعرنا رهيبه إبرقه ماتنقاس
من عدنه الورد يتعلم الرقه!

أريد اختار الك كلمه فلا تنقاس
لأن كلمة أحبك حيل منطرقه!


الشاعر
حسين الساعدي
منقوول

تعبني سرابك!!

ساعه اتخايلك تفديني بالروح
وساعه اتضحي بيه إويه القرابين!

وساعات الوفه بس منك ايفوح
وساعه ابركبتي اتحد السجا جين

مجنون اني اشوفك لمن اتروح
ونصير اثنينه ابجيتك مجانين!!

علي فصلتك إباهاتي والنوح
ويحسدوني اعله ممشاك المحبين

مايدرون كلبي امترس اجروح
ودموع الفرح ما زارت العين

بس دمع الحزن وبدمعي مفضوح
جمر ويخلي بخدودي النياشين!!

أمد ايدي واظنها الأيدك اتلوح
وتطلع وهم ما اعرفك رحت وين!!

سرابك تعباني إوفحط الروح
كافي وهذا حدي اوياك يازين!

حسين الساعدي

راق لي

اهلا وسهلا بكم اخوتي الشعراء الاعزاء
كما وعدناكم حيث تتم المساجلة من الشعراء في الابوذية
على صفحة الشاعر حسين الساعدي
(https://www.facebook.com/profile.php?id=100004937287056)
حيث يطرح الابوذية وانتم بدوركم تكتبون كل ما هو جديد ومباشر وهو كذلك يرد عليكم بالجديد والمباشر خلال شهر رمضان المبارك .. وشكرا لكم من القلب — مع ‏الشاعر حسين الساعدي‏ و ‏‏95‏ آخرين‏.

أعجبني · · المشاركة