بمفهومي تميز بشر عن بشر بحسب اللون اوالعرق
اولطبقه الاجتماعيه اوالجنس
وانا اشوف ان معظم العرب وخصوصا الخليجين وبالاخص السعودين عنصرين: بدون زعل انا ماقلت الكل
بتقولون كيف يعني!
انا اقولكم بالله كم مره تتكرر عليك هذي الكلمات
(تكارنه،عبيد،لحوج،سودانيين،مصاريه،……الخ)
ياخي اكثر شي يقهرني كلمة(عبيد) ياخي كلنا عبيد الله وشو له التكبر؟!
ترى مردنا في النهايه قبر وكلنا بياكلن الدود ماراح يقول هذا سعودي ولا غيره!
وقال تعالى(اكرمك عند الله اتقاكم)
ياما في تكروني يجيب عشره من السعودين ولا الخليجين ولا البيض بشك عام
ياخي تبي تتكبر روح تكبر بشي انت سويته مو شي طلعت من بطن امك وهو فيك
ونقطه تقهرني دايما حتى في المدونة
سوداني ولا سودانيه ياخي انا مدري وش سو لكم ع فكره انا عاشرت سودانين ماشالله عليهم شعب ولا اروع اخلاق وكرم وكل شي
بس اسمحولي اذا انتم من النوع اللي يهمه الشكل فا أنتم(مريضين نفسيا) بكل صرآحه ولآزم تتعالجو
مثلا اذا كنت طفشآن افتح قناة السودآن سلآمات وش فيه تلفيزون السودان ياخي بكيفهم عاجبهم محد ضربك على يدك وقالك افتحه!
ليه ماتفتح القناة الاولى ؟! ترى نفس الشي مافي فرق!
مثال ثاني(مصري مصري يامسخره امك راجل وابوك مره)
وربي لو اعرف من مطلعها لاقطع كشته!
بعدين وش فيها اذا الانوثه كستها رجوله انا مااشوفها غلط دامها ماتتعدى حدود الدين!
هذا كله كوم واغنية(نورت مصر) شي ثاني صرآحه عيب ع شباب وكر العصفور وقآحه لابعد حد!
ولا هذا شي وانو بعض الحريم مايتغطون من الاجانب>>>مع اني مااحب هذي الكلمه
طيب اللحين الهندي مو رجال ولا ماملى عيونكم؟!
اتقو الله بس ترى مردنا قبر وبعده ياجنه يانار
لما يجيك سعودي يتكبر على سعودي!
مثلا دايم يستهبل ع اهل الحجاز سلامات على وش تشوف نفسك تراه سعودي زيك
ويكفيهم فخر انهم في الاراضي المقدسه! ارفع راسك انت حجأزي
ولا القصيمين ياحليلهم فديتهم بس مدري ليش بعض الناس ينقهر
ولا يوم يجيك الاستهبال على الحاره اللي انت ساكن فيها
وش فيها الحين المنفوحه!
كذا بكتفي في العنصريه
والباقي عليكم فكرو فيها وعينو وعاانو للتخلص من الافه ذي
وشكرآ
و منه ارفع راسك انت قصيمي
وبكذا راح نرجع للحوادث وزحمة الطرق والمطاقات من صباح الله خيير
عزيزي المداوم سواء كنت طالب او موظف سنعطيك موجز عن ماسيحدث خلال الاسبوع :
1 اذا كنت انت من تسوق السياره ننصحك بارتداء سماعات وشغل القرأن=لانك راح تسمع معزوفه من الشتائم والكلام البذيء والجارح واللعن والقذف وقد تصل لحد التفل
2 اذا كنت طالب/ة ننصحكم بالتادب في الطريق وعدم رفع الصوت او التصرف بشكل غير لائق=لان سيارات الهيئه وسيعه
3اذا كنت شرطي مرور ننصحك بشراء احتياطيك من كريمات العضلات لانها ستنفذ من السوق عند الساعه8 صباحا
4 اذا كنت معلم ننصحك بشراء كفرات ضد الطلاب!
وانا ماكتبته الا وانا مقتنعه فيه!
لذلك لاداعي لان تحرج نفسك وتناقشني في اللي اكتبه انا بكتبه واللي عجبه عجبه واللي ماعجبه يطق راسه بالجدار
وسلامتكم^_^
يعني انا عائلتي كذا(…………) ياي من قدك تمشي معك الامور تمام وتشوف الناس من طرف خشمك وماتتزوج من عائلة كذا(………..)! مع انهم متأدبين وقمه ولاعشره زيك يجبون شعره من شعرهم!
يعني الى متى التخلف هآ الحركات هذي يمكن ايام الجاهليه بس بعد مانزل الاسلام محى التفاهات هذي!
انت ماتدري من انا انا فلان آل(……..) ارحمنا ياشيخ!
لآتكف عن الابتسام حتى عندما تكون حزينا فأنت لاتعلم من يعشق ابتسآمتك
