الوسم: الـصـور

الأمطار هذه الأيام ولله الحمد على المملكة, والذي نسأل الله عز وجل أن يزيدنا خيرا على خير
" مطرنا بفضل الله ورحمته "
مشاء الله من أمس في الليل الساعه 2 الى الوقت الحالي الساعه 2 الظهر الامطار ماوقفت على منطقة القصيم ( عنيزه ) يوم الثلاثاء
1445-2016هـ

وكأي عائله سعوديه مجرد هطول الأمطار نتوجه للبرا
سبحان الله نحن على ماضينا .. صح الحين مانعيش في الصحراء بس نشتاق كثير للبر والكشتات .

الأسبوع الماضي هطل امطار علينا وكان يوم خميس وضفينا عفشنا ورحنا للغضى ..

وعلى فكره الغضى مايوجد في العالم ألا في عنيزه وحياكم الله عندنا .. وفي الأجازه بلدية عنيزه راح تسوي مهرجان الغضى 1445هـ .. فحياكم الله جميعا.

اترككم مع الأستمتاع في الصور .

طلعنا من الساعه 7 صباحا .
أكثر شي ينرفز في البر ونهاوش على المكان الي بنجلس فيه .
الولده : لا تبعدون خلونا جنب السكه لويصير لنا شي لقد الله مين يساعدنا ..
الوالد لا تبين الناس يكشفونا .
الاطفال : يوبه نبي نفود .
البنات : جبتو الرواق عشان نفتش .
والأخوان الكبار : لا تبون يشفونا أخوينا لزم ندخل وسط البر.

عزيزي الأخ الكبر .. تراك طالع مع اهلك .
مستحيل يرضى الجميع لزم يزعل طرف عشان نرضي طرف ثاني .
المهم على مالقينا المكان الي تقريبا الي شبه مناسب الساعه 9 ونص واضنها حول 10 .
….. لو حنا ماسكين خط الرياض وصلنا .

على اساس بنوصل مبكرين نفطر هناك . فاول ماوصلنا افطرنا .

مير يمر قطيع من الأبل يرعن ..

يوم اذن الظهر وصلنا شبينا على الغداء ..

كبسه ودجاج مشوي .

عاد جلست العصريه ماتحلى الإ في حليب مخدر على الفحم ..

يوم روقنا جاء وقت الأبداع في الصور ..

ومعاي عطر وسويت دعايه له ..

..

وهذي بعض الشخصيات الزعله ..

ليش مانستاجر له دباب ..

تقريبا هذا أكثر مابرز في الكشته ..

وتابعوني في تقرير قادمه أن شاء الله .