الوسم: الفيلم

الموضوع دة هو الاجابه المناسبه على السؤال اللى بيقول :

ازاى اعرف ان دة فيلم عربى ؟

ويارب يعجبكم ..

والاجابه على طول
بتقولك :

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟

المفاجأه انة يرد عليها :
الحمد لله بقيت احسن
(كدة بالسهولة دي تقولش واخد حبه البركه )

—————————-

عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )

—————————–

عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )

—————————–

عندما تقول البطله للبطل انها حامل فيرد البطل على طول ..
اللي في بطنك ده لازم ينزل
( غالبا بيكون يوسف شعبان )

—————————–

عندما تفاجئ باغنيه مالهاش أي لزمه في نص الفيلم مش عارفة اية العلاقه بين الاغنية والفيلم

—————————–

عندما يكون من المستحيل ان تجد الهاتف مشغول
—————————–
العبارة الساذجة الشهيرة التي تصطحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )

—————————–

عندما يسكر البطل فتجدة يصب كوب ممتلئ علي اخره
( بيسكر بعصير قصب او عرقسوس )

—————————–

عندما يكتشف الزوج الخيانه مصادفه لانه نسي شيئا فعاد الي البيت

وفي الدقائق القليلة يكون العشيق قد وصل للمنزل وقلع هدومه واصبح في الفراش مستعد لتصوير الفضيحه

—————————–

عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس مش هتقدروا تشوفوه دلوقتي )

—————————–

عندما يجلس البطل والبطله في نفس الكازينو بتاع كل فيلم اللي في وش ماسبيرو

ويطلبوا نفس العصير اللي في كل الافلام

( تانج او ميراندا )

ويخلص المشهد من غير ما حد يشرب حاجة علشان هيتصور بالمشاريب دى فيلم تاني

—————————–

عندما يصاب البطل بطلق ناري في كتفه,(واخدبن بالكم من كتفه دى ) وتنزف الدماء من بطنه زي صلصلة الكشري
ويظل يتحدث بطلاقه وتركيز لمدة خمس دقائق

يقوم خلالها بفك لغز الفيلم والاعلان عن القاتل الحقيقي او البطل يبقي ابن مين

—————————–

عندما تسمع صرير احتكاك كاوتش العربيات اللي بتطارد بعض
وتقريبا بتبقي عربيات 128 وماشية حوالي 30 كليو

—————————–

عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس

تقولها لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء

—————————–

عندما تغير حرب اكتوبر اخلاق كل المنحرفين الموظف المرتشي والراقصه والجاره اللعوب والبلطجي والمجرم بطبعه

—————————–

عندما تجد مقر العصابة ملئ بالقش والبراميل الخشبية

التي تستخدم لاحقا في المعركة بين افراد العصابة مع البطل وصديقه الذين جائوا لانقاذ البطلة

—————————–

عندما تشاهد فيلم اغراء بطولة ممثلة فوق الستين
( تقريبا نادية الجندي )

—————————–

عندما ينجح الفيلم دة وينتصر الحب وتتزوج البطلة بنت العائلة الكريمة من البطل البيئة

ويعيشوا في تبات ونبات ويخلفوا صبيان وبنات

وطبعا ما ننساش بوسة اخر كل فيلم
لازم طبعا البطل يبوس البطلة وبعدين البطلة تقفل الباب أو تنزل الستارة
بتتكسف يعني

—————————–
أول البطل ماينزل من العمارة ويشاور للتاكسي طبعا لازم يقف (تقولش هو مستنيه ومظبط معاه من سنة ونص)
وأول ماينزل من التاكسي يمشي من غير طبعا دفع فلوس (ماهو مظبط معاه من سنة ونص)

السيناريو منقول مع بعض التعديل ……

ويارب يكون خلاكوا تضحكوا

واللى عنده اضافه ياريت يضيفها ..

مستني رأيكم فى الفيلم دة

__________________

اشكرك اخى على الموضوع الرائع

اتمنى تفاعلكم معناا

الله يعطيك العاافيه..