الوسم: المزيون

قصيدة جميلة

ياخي الواحد لا حط أصبعه على الكيبورد قامت تقوطر سعبولته وده يكتب موضوع ولا يدري وش السالفه حتى إني كاتب العنوان قبل ما أفكر في الموضوع زي الي وده يتعشى واقف عند المطعم ويسآل الهندي يقول وش رايك أطلب شورما ولا عش البلبل وعاد الهندي بكل بثاره يرد عليك ( إنتا مزاج ) عاد تزق الأخلاق وتقوله خلاص انقلع أصلا الي بيتعشى أنا ولا أنت والله عالم ما تستحي ..!!

لا أنت الي تعشيت ولا أنت الي كتبت لنا موضوع وشكل المقدمه بطول ها المره ..

xx الزبده xx

على أيام المتوسطه في شهر رمضان توني متعلم اشخص (بنت البكار ) عاد ها الشخصيه تجلس ساعه عند المرايه تزين فيها يعني إذا صرت محترف نص ساعه وإذا أنت عليمي يرحون أهلك لعزيمه ويرجعون وأنت باقي راز عمرك عند المرايه تزين في ها الشخصيه عاد وقتها كان قوايل وتعرفون الظهر أول محد يرقد أنواع السربته في الشوارع يا معك نبيطه وجالس تكسر لمبات جيرانكم ولا قاط أنت وأخوياك ومشترين بكت دخان وزابنين حديقه أنواع التحدي أكثر وأحد يطلع الدخان مع خشمه يصير رجال ..!!

وفي أحدى القوايل المشهوده عند أهل الحي كان سيكلي مكسر وملعون أبو خامسه يبغاله بواجي وسمكره ولا فيه أستبنه ومبنشر يعني مالك أمل تزينه والشله عندهم غزوا للحاره الي جنبنا بعد صلاة التراويح وكان ريسنا الامبراطور العمده وحلاوه يخطط على سرقة سيكل علشان يشهد هذا الغزو مع عيال الحاره رحت مع الامبراطور لعزبة هنود بعيده عن حارتنا نبي نجلد هندي ونسرق سيكله بس ماش سياكلهم كبار من الي نظام قير عادي ورجليك ما تلحق الدعاسات يبغالك تجيب سلم معك علشان تركب فوق ظهر السيكل هههههه

وش السواه يا حلاوه أخبر فيه وأحد نظام ( كيوت ) مدلعته أمه ومشتريه له سيكل من الي هواا حتى سيكله لا مسكت فيه خط ما يدخل الهواء مع القزاز ههههههه قلت ما به إلا ذاك الورع أسوي فيها قوي قدامه وأصطره وأخذ السيكل شجعني الامبراطور قال ياخي أنت أنسان حقير وما تربيت وقليل أدب قلت هذي تربياتك يا معلمي < شف التشجيع ههههههه

لقينا ها الوغيد جالس يلمع الجنوط حق السيكل عند باب بيتهم شف عاد خشت العرابجه
أنت يا ورع ما تسمع ..!! عاد حنا تونا ما بلغنا بس صوت الواحد منا كانه شايب قال هو ( سقها ) قووووووووويه < هذا الامبراطور يقولها عاد أخذتني العزه بالأثم وفكيت رجلي كانك شايف توم متفلت على جيري عند باب الجحر حقه جيت الورع ( طابن محيفره ) يوم شافني ناصيه دخل حوشهم يحسبني مانيب داخل ( خاب ضنك ) والله لو تدخل في الثلاجه أنت وسيكلك لأخذه ههههههه انقضيت على جيري بكل ما أوتيت من قوه وما هي إلا لحضات إلا والامبراطور يركض في الحاره وأنا جايه موحف بسيكل ( عرفتوا الفارس إذا صار يركض وجنبه خيل ويوم يقترب الخيل من الخيال يطمر في ظهره ) أبد كانك شايف الامبراطور يوم شطفته وركب معي في السيكل دخلنا حارتنا والحي كله تصفيق وجمهور أحتشد عند باب الحاره <—- يناظر في أبو عصام ويقول بدري عليك هههههههه

وبدأ حركات الأستعراض في الحاره والتسخين للمعركه قبل أذان المغرب علشان
فطور رمضان أبد ما أمداه يقول الله وكبر إلا العسكري يدق الباب أبوي بكل روح رياضيه وش ذا الزبال الي ما يسير على العالم إلا وقت الأذان أنا قلبي قرصني رحت للدور الثاني إلا أشوف جيب الحكومه طاق السفتي والورع وأبوه وأقفين عند الباب مع العسكري على طول طبيت من الدور الثاني للحوش وأخذت السيكل ورميته في حوش جيرانا وكاني ما سويت شي هههههه

جلس ابوي يهاوش العسكري والي معه وفي نفس الوقت وده يلعن ابو خامسي جاني العسكري والورع يقول وين السيكل ؟ قلت بكل برائه أي سيكل !!؟

السيكل الي سرقته ..!! قلت لأبوي هذا حاقد علي ويبي يوهقني وانا جالس اصرف الموضوع وأطلع أفلام وقصص علشان يقتنع أبوي أني مالي دخل في السالفه طلع ورع جارنا بسيكل الي رميته في حوشهم وهو يضحك كآنه يقول من الكريم الي أكرمني بسيكل بعد الفطور الظاهر أنا يوم نطلت السيكل كانوا أهله يفطرون في الحوش والورع يوم شاف السيكل طاب عليهم ما كمل السبموسه الي في يده ونصا الشارع يبي يستمتع بسيكل من بدري قلت شفو هذا الي سرق سيكلكم هههههه العسكري حقد علينا لاهو الي أفطر والظابط مقروشه إلا تخلص موضوع الرجال قبل الفطور

راح العسكري ومسكت الورع وقال وين أبوك .. جاء جارنا وقال السيكل طاح في الحوش من بيت جارنا أبو حلاوه ههههههه التفتوا يدورون حلاوه يا حبيبي العسكري صار هادي صوعان وهو يركض وراي وانا أقوله في أمك خير الحقني والى كتابت هذا الموضوع والعسكري وراي يلحقني

هههههههههههههههههههههههههههههههه

xx ما يستفاد من الموضوع xx

تبون اقولكم ليش عاصفه مشغوله

اقولكم بعدين لاني مشغوله >>>ياكثر المشغولين في المدونة