الوسم: الممات

دي بدايتي في عالم الروايات

اممم ما اعرف للمقدمات كثير عشان كدا بدخل في الروايه على طول

اتمنى تعجبكم

و بسم الله

من بين دموعها وهيا في حضنو: أنا طفشت أب متوفي و مراتو كل همها الفلوس سارت تعرضني على رجال عشان الفلوس
قعد يمسح عليها بس جوا قلبو قهر عليها الود ودو لو يقتل مرات أبوها : خلاص حبيبي أهدي *ؤمسك خدها* يلا اضحكي الوجه ذا مو حلوه عليه الدموع
ريناد مازالت تبكي
فارس: عشان خاطر أخوكي ولا مالي خاطر عندك
ريناد مبتسمه : يلا رجعني البيت عشان لا اكلها
فارس في قلبو *ااه لو أقدر إبعدها عنهم * : طيب

ريناد بنت يتيمه عمرها 18 بيضا و عيونها واسعه شعرها حرير ل نهايه الظهر مرات أبوها تعذبها دائما نعومه مرره و هاديه
أتعرفت على فارس في آلبي بي و اتفقو من البداية انهم ما يخبو شيء عن بعض وسار هوا كل شيء بالنسبه لها أم أب أخ اخت صديقه

فارس 24 سنه من المدينه أبيض و طويل ونحيف بس جسمو حلو عيونو حاده اللي يشوفو يقول عصبي بس مافي أحن من قلبو كان يعرف بنات كثير بس من بعد ريناد بطل يكلم بنات تعرف عنو كل شيء ما يحب يخبي عنها شيء
لها مكانه في قلبو و مكانه كبيره بس هوا ما يعرف إذا كان يحبها ؤلا لا

عند البيت
فارس يلا ي حلوه أنزلي و كلي عشان ترجع صحتك
ريناد : إن شاء الله آمممم إنتا لازم ترجع المدينه اليوم
فارس : للأسف
ريناد : طيب انتبه ل نفسك ؤلا تسرع
فارس : من عيوني

ريناد قفلت باب السياره
استودعتك الله

ريناد *وهيا تفتح الباب* لله يستر إن شاء الله تكون ما رجعت
جمعه : شرفتي ي ست
ريناد بدون نفس : أش تبغي
جمعه : أتكلمي ب أدب لأرجع أربيكي ي وسخه
ريناد : أنا متربيه الحمدلله بس الدور و الباقي على ولدك اللي ما تدري عنو
جمعه مسكت ريناد من شعرها أنا أوريكي ي وسخه ولدي اللي مو متربي ي ***** أصلا الغلط مو عليكي الغلط عليا اللي سايبتك تروحي و تجي بس مافي طلعه بعد كذا ي بنت آل ******** ورمتها على الأرض
ريناد : ماما أشرف منك و راحت تجري على غرفتها تبكي

جمعه مرات أبوها متزوجها قبل أمها تحب الفلوس بشكل فضيع تبيع أهلها عشان الفلوس عندها ولد عمرو 25 ؤما تدري مين أصحابو إش يحب واش يكره بس تعطيه فلوس وتصرف عليه بالهبل

جمعه : أنا أوريكي ي بنت آل ****** مسكت الجوال و اتصلت على رقم
جمعه : هلا فيصل وينك ي القاطع
فيصل : أهللللين كيفك ي حرمه و كيف المزز اللي عندك
جمعه : بخير الحمدلله طمنا عنك
فيصل : تمام التمام بس والله ودنا ب اللي بالي بالك
جمعه : طلبك عندي و بنت طازه كمان
فيصل بفرح : حلوو بس كم السعر
جمعه : 15 بس عشانك
فيصل : لا كثير كذا
جمعه : إنتا لو شفتها بتدفع أكثر
فيصل : يلا يسير خير
جمعه : خلاص تعال وأنا بيدي بجهزلك أحسن جو
فيصل : تسلم الأيادي ولكي اللي يرضيكي مسافه السكه بس
جمعه : يلا سلاام وقفلت قبل لا تسمع رد منو ؤراحت الغرفه في نهايه البيت اللي مجهزتها لحفلاتها

فيصل تاجر معروف عمرو 26 بس همو مزاجو و الحريم متزوج بس مراتو مو مكفيتو

فيصل يدق الباب
جمعه بفستان قصير يوصل ل نص الفخذ : اهلن نورت ي باشا
فيصل يبوس يدها : أش الحلاوه وغمز لها لا يكون إنتي بس
جمعه : لاا أنا فين بس الحته فوق تروح عندها ؤلا هيا تجيك
فيصل : مدام هيإ حلوه نطلع ما نقول لا
جمعه تمسك عبايتها : الغرفه اللي على اليسار و خليك رجال
فيصل : آفا عليك بس
فيصل طلع ل غرفه ريناد
فتح الباب بشويش كانت الغرفه ثلج

ريناد نايمه و شعرها منثور على المخده كأنها ملاك قرب فيصل منها و مرر يدو على خدها بأسو و نزل ل رقبتها ريناد حست ب حركه فتحت عينها شافت رجال غريب قامت تصرخ و ترفس برجلها فيصل ماسك يداتها وهيا تحاول تقاول قام و قعد فوق السرير و خلا ريناد بين رجولو و قطع قميصها ريناد رفستو و أخذت الجوال و راحت تحري للحمام "الله يكرمكم " و اتصلت على آخر رقم

دي البدايه اتمنى تعجبكمم

في السياره
بعد سكووووت
فارس مو عارف كيف يفتح الموضوع معاها يبغا يعرف الرجال سوا لها شيء ؤلا لا بس مو قادر يتكلم
فآرس بالقوه قدر يتكلم : عملك شي
ريناد باين على صوتها البكي : لا
فارس: طيب ليش البكي فكيهااا
ريناد و الدمعه على خدها : خفت ي فارس
فارس : خلاص أنسي اللي سار أنسي مرات أبوكي و أخوكي امحيهم من حياتك
ريناد : ،،،،،،
فارس مسك يدها بكل حنيه : أميرتي ما تليق عليها الدموع
ريناد ابتسمت على كلمتو : فارس على فين
فارس : المدينه
ريناد مفجوعه : لييش لا أنا فين بقعد
فارس : رنودا أهدي بتعيشي معانا في البيت
ريناد : و اهلك إش بتقلهم أكيد بيرفضو أنا ما أبغا أسبب مشاكل بينك و بين اهلك
فارس : لا تخافي مابتسير مشاكل ،،، المهم دحين أكلتي زي ما قلتلك !
ريناد : لا هوا أحد لو نفس يأكل بعد ما يشوف جمعه
فارس بعصبيه مصتنعه : ليش !
ريناد : هوا أحد لو نفس ياكل بعد ما يشوف جمعه
فارس : ههههههههههههههههههههههههههه

في مكان ثاني
دخلت شافتو في الارض مغمى عليه نادت الشغالات بس محد رد عليها راحت تشوف اش فيه
جمعه: فيصل فيصل قوم إش سار
فيصل : فين أناا !!
جمعه : اش سار ليش انتا طايح هنا
فيصل يتذكر : اااه دخلت و قفلت على نفسها قعدت ادق الباب وما حسيت على نفسي إلا و أنا في الارض
جمعه : مين ضربك
فصيل يحس مكان الضربه : ما أعرف ،،، لالا فارس هيا قالت فارس
جمعه : فارس مين
فيصل ؛ ما أدري عن آل****** اللي جايبتها
جمعه : يا ويلي فين راحت البنت الله يستر لا تبلغ عليا
فيصل : إش فيها البنت مو من بناتك !
جمعه بكذب : لا لا دي جديده
فيصل و ريناد داخله مزاجو: آممم كويس كويسس

فارس و ريناد وصلو المدينه وراحو اكلو
عند البيت
فارس فتح باب السياره : يلا أنزلي
ريناد تعدل طرحتها : خايفه
فارس بحزم :بلاش ددلع أمي ما تعض
ريناد : مجنون إنتا بتروح تقول ل أمك دي البنت بتعيش معانا و هيإ بتوافق على طول إحنا مو برا ي أخ
فارس نزل من السياره و راح ل جهتها و مسك يدها بيدخلها البيت بالغصب
كان راجع من المسجد و شاف سياره فارس وهوا يحاول يخرج أحد من السياره …. : ي ولد اش قاعد تسوي و مين دي
فارس : أهدى أهدى ي أبويا دحين بتفهم كل شيء
أبوه بحزمم : إش أفهم و مين دي !
فارس : خلينا ندخل جوا و نرتاح جاي من طريق سفر و تعبان وباس راس أبوه
أبو فارس : الله يستر
ريناد كانت ساكته طول الوقت وما قالت ولا كلمه
فتحو باب البيت و استأذن فارس و دخل ريناد غرفة المجلس
فارس : يلا ارتاحي أنا بكلمو
ريناد مسكت يد فارس : خايفه ي فارس لو ما رضي لو عصب عليك
فارس يحاول يهديها : ما راح اخليكي أبدن وبعدين أنا فارس مو حيا الله أكيد باقنعو
ريناد سابت يدو : الله معاك
ريناد قعدت و تهز رجولها من الخوف
فارس نزل ل أبوه اللي كان منتظر
فارس دخل على ابوه و باس رأسو و قعد : كيفك ي ابو أحمد
أبوه : أخلص من ذي !
فارس : دي ي طوبل العمر حبيبتي
أبوه بصدمه كان بيضرب فارس : وجاي تقولها في وجهي ي كلب
فارس عدل جلستو بسرعة : أمزح أمزح أهدى ي أبويا آتعوذ من إبليس
أبوه : أعود بالله من الشيطان الرجيم
فارس بين ضحكاتو : دي البنت ..،،، وحكى قصه ريناد
أبوه : استغفر الله دي الحرمه ما تستحي الرجال ساب أمانه عندها تروح تويدها لل،،،، استغفر الله طيب هيا مالها أحد أخ أو عم أو خال
فارس : أخوها مدمن مخدرات و ما تعرف عنو شيء
و لها خال في لبنان بس ما تعرف فين أراضيه و أبوها كان وحيد مالو اخوان
أبوه : طيب انتا كيف عرفتها
فارس باحراج : ض ض ضحكت عليها أني بنت و كنت أكلمها بالبي بي بعد سنه اعترفت لها أني ولد
أبوه : ما تستحي على وجهك رجال و تتكلم على انك بنت
فارس : آفا ي أبو فارس ،،، بس على العموم البنت بنت ناس و مؤدبه و واللي شافتو مو قليل
أبوه : بتقعد معانا ل متى
فارس : لما أحصل خالها
أبوه : إن شاء الله خير ،،، أنا بروح أجيب أمك من بيت خالتك
فارس : طيب و انا طالع ارتاح
أبوه : فين طالع !!! من اليوم تنام في الغرفه اللي برا
فارس : بس ي ابويا
ابوه : لا بس ولا شيء البنت مو محرم عليك
فارس بمزح: يعني محرمه عليك !
أبو فارس : استح ي ولد دي أصغر من بنتي
خرج أبو فارس و فارس وطلع أخذ لحاف و قعد في الصاله
أبو فاارس : عبدالرحمن : 52 سنه بس لسا ب حيلو متقاعد و طيب و حنون ويحب عيالو ،،،،،،

بعد نص ساعه

ريناد : اوووف ليش اتأخر ابغا أعرف اش سار لا لا أبوه في …. شافت الجوال و راحت ل محادثه فارس

Rooda ♥
PING!!!
Rooda ♥
PING!!!
Rooda ♥
PING!!!
Rooda ♥
PING!!!
Rooda ♥
أش سار
Rooda ♥
PING!!!
Rooda ♥
PING!!!
Fares ♔
خلاااص حرقتي الجوال
Rooda ♥
فينك إش سار
Rooda ♥
أش قال أبوك
Fares ♔
تحت كنت نايم بس جزاكي الله صحيتيني
Fares ♔
تعالي مافي الا أنا
Rooda ♥
ناااايم !!!!!
Rooda ♥
أنا على أعصابي و إنتا نايم
Fares ♔
ذا اللي صار و يلا تعالي
فارس سمع صوت خطواتها : أبويا قال مالو قعده في البيت دام إنتي موجوده
ريناد مصدومه كانت خايفه إن أهل فارس يخاصموه بس مو أبوه يخرج من البيت : أشششش فارس ليش كذا ! أنا قلتلك بروح أي مكان
فأرس: ذا اللي صار و اخذ اغراضو و طلع
ريناد و الدموع في عيونها : انا ما ابغا كذا خربت بيتك ي فارس أمك بتكرهني
فارس ما قدر يكمل : ههههههههههههههههههههههههههههههههههه
ريناد : تمزح صح !!!!
فارس : ههههههههههههههههههههههههههههههههههههههه
ريناد ؛ أنا أوريك ي كلب
وسارو بيجرو ورا بعض وقف فارس و سحبها ل حضنو
ريناد و هيا تضربو على صدرو : والله انك حيوان طيحت قلبي
فارس : ههههههههههههههههههههه سلامتك والله ،،،،، بعد يداتها و حضنها و سمع صوت أحد يفتح الباب دف ريناد على الكنب و راح يسلم على أمو
أمو : هلا ب قلبي نور البيت والله
فارس : منور فيكي ي ست الكل
أمو ؛ كيفك ي ولدي
فارس : بخير دامك بخير
أبو فارس : عرفها على الضيفه
فارس : ريناد تعالي
أم فارس ما قالت شيء بس طالعت في فارس و ريناد ب استغراب : !!!
فارس : مراتي
ريناد و أم فارس في نفس الوقت
ريناد ب انكار ؛ لااا كذاب
أم فارس ب فجعه : اتزوجت !!!!
فارس و أبو فارس : هههههههههههههههههههههههههههههههه
أم فارس : ليش تضحكو !! ومين دي !!
فارس ما حب يتكلم قدام ريناد : دي ريناد اللي بتعيش معانا
أم فارس : بتعيش معنا
أبو فارس فهم ولدو : فارس أخذت ملابسك من غرفتك
فارس : لا والله لسا
أبوه : قم يلاا الليله آخر ليله لك بالبيت و انتي ي بنتي روحي معاه عشان ترتبي أغراضك
ريناد : إن شاء الله
أم فارس : فهموني منهي دي !!!
أبو فارس : أصبري ي مره الحين بتفهمين
ريناد و فارس طالعين
أبو فارس : أصبري ي بنتي
ريناد التفتت له و هوا اتوجه ل صندوق و اخذ شرشف صلاه
أبو فارس : ذا ما بنزل من راسك دام ذا البزر موجود
ريناد و وجهها أحمر : إن شاء الله
فارس : مو قدام البنت يبه
أبو فارس : لا تتأخر و خلي الضيفه تاخذ راحتها

طلع فارس و ريناد للغرفه وحكى أبو فارس ل إم فارس قصه ريناد
أبو فارس : البنت مالها أحد في الدنيا و لسا صغيره اللي بعمرها بين أهلهم و عايشين أحسن عيشه
أم فارس : ومافي الا إحنا تروح مع واحد من اللي تعرفهم
أبو فآرس : ي مره ولدك يعرف البنت من سنتين مو شهر ولا اثنين
أم فارس بعدم اقتناع : ولو الناس إش بيقولو عننا
أبو فارس : من سألك مين بنته قولي بنت عم فارس جايه من جده تكمل دراسه
أم فارس بقهر: مخططين لكل شيء
أبو فآرس : البنت يتيمه حرام نخليها
أم فارس ب ياس : و كم يوم بتقعد
ابو فارس ؛ الله اعلم لما فارس يحصل خالها
أم فارس باستسلام ؛ أمري لله

أم فارس ؛ سلوئ ؛ 47 سنه طيبه ؤ حنونه بس تغار على عيالها و بالذات فارس لأنو آخر العنقود تخاف عليهم من أي شيء يضرهم

عند فارس و ريناد
قاعده تقفل سنطه فارس و هوا قاعد يتفرج عليها
ريناد : حسيتها ما حبتني
فارس : أمي عسل بس شويه على بال ما تتعود عليكي
ريناد : فارس لو أخذتلي غرفتين كان أحسن من المشاكل اللي بتسير.
فارس أشر ب اصباعو على رأسها :انتي بنتت
ريناد تبعد يدو : ويعني
فارس : خلاص اقفلي الموضوع البنت اللي تدخل عندنا مالها طلعه إلا ل بيت زوجها
ريناد ؛ على أساس اني بتزوج
فارس ؛ ليش إش ناقصك
ريناد : خلاص اسكت
فارس حب يحرجها ؛ يكفي انك رنودتي و الف اللي يتمنوكي
ريناد حطت عينها ب عينو : فاارس
فارس : ي عيون فارس
ريناد ؛ اعتقد اخذت اغراضك
فارس : طرده دي !
ريناد : الحمدلله فهمت
فارس : لا باقي شيء
ريناد حطت يدها على وسطها ؛ إش هوا
فارس بهدوء قرب منها و ومسك خدها و باسو ؛ أحبك
ريناد مصدومه : ء ء ء فءرس إش سويت
فارس : ما سويت شيء بست حبيبتي وي
ريناد : اطلع برا
فارس عجبو شكلها خجلانه أول مره يشوف وجهها أحمر ل دي آلدرجه : طيب وحده تانيه و بطلع
ريناد بحزم : فارس براا
قرب منها و لصقها في الدولاب و سند يد على الدولاب و التانيه قعد يلمس خدها : إيوه أحبك ي ريناد تعرفي إش يعني و أشر على قلبو إنتي اللي هنا إنتي اللي سكنتيه
ريناد : فارس برااا
فارس حط يدو على فمها : آاوشش و قرب منها و بإسها في شفتها
هيا : ما كنت حابه يسير كذا قرب مني خفت أرفع صوتي و يجو آهلوو قال إنو يحبني و صدمني ما كنت متوقعه إنو يحبني زي ما أحبو قلتلو يطلع بس سكتني و قرب أكثر غمضت عيني ما أبغا عيني تجي في عينو حسيت بشي يلمس شفتي و بعدها حسيت ب ألم في بطني بس ألم شعورو حلو
هوا : اعترفت ب حبي لها ما كنت حاب أبوسها قالتلي اطلع بس ما رضيت قربت منها أخوفها غمضت عيونها ما قدرت أقاوم ما حسيت ب نفسي إلا و أنا أبوسها

فارس يحك رأسو : يلا نامي و لما تصحي رتبي أغراضك
ريناد بإحراج : طيب
نزل ومعاه شنطه فيها ملابسو
أم فارس بخوف؛ على وين
فارس : الغرفه اللي برا
أم فارس : حسبي الله بتفرقني عن ولدي
فارس : حرام يمه البنت ما سوت شيء بعدين أنا من زمان أنام هناك ما آتغير شيء
أم فارس : ساحرتكم
أبو فارس : وش هالكلام،،،، وانت اي احد يسألك مين قول بنت عمي جبتها معي من جده
فارس : إن شاء الله ههههههههههههههههههههه يلا تصبحون على خير
أمو و أبوه : وانت من أهله
ريناد انسدحت على السرير تفكر ب فارس و اللي سواه

فارس خرج مبتسم و الدنيا مو سايعتو باللي سواه
طلع من خيالو ب رنه جؤالو
،،،،، : ي كلب تروح جده و ترجع وأنا آخر من يعلم
فارس : ما الكلب غيرك ي حيوان ،،، كان عندي شغله و خلصتها
عمر ؛ شغله آهااا ،،، أش هيإ ي ابن الكلب من ورايا تقابل ترا أنا أخوك قبل لا أكون ولد خالتك
فارس : أقابل إش يلعن وجهك
عمر : عليناااا ي شيخ أنا عاجنك
فارس : هههههههههههههههههههههههههههه
عمر : شف شف يضحك
فارس: خلاص هههههههههههههههههههههههههههههههههه
عمر : شفتها !
فارس: وجبتها
عمر: كيف جبتها !
فارس : بتعيش معانا
عمر: العب غيرها
فارس: هههههههههههههههههههههههههههه ؤالله جبتها
عمر ؛ الكلام ما ينفع كذا اليوم وأنا عندك
فارس : طيب

عمر : 23 ولد خالة فارس صديق الطفوله واخوان بالرضاعه ما يستغنو عن بعض أبدن ؤما يخبو شيء عن بعض يكلم بنات بس ما يلعب عليهم مثلو في الحياة كما تدين تدان و فيه شبه من فارس

في الليل
كانو قاعدين يشربو القهوه كالعاده لوحدهم
أبو فارس ؛ روحي شوفي البنت محتاجه شيء
أم فارس : ما جابها اشتغل خدامه عندها
أبو فارس : الله يهديك أحد قال كذا
أم فارس : أجل إش تقصد ب أقوم إشوفها محتاجه شيء
أبو فارس : البنت من وقت ما جات و هيا فوق وما نزلت أكيد مستحيه في بيت ناس ما تعرفهم و بعدين هيا ضيفه و أكرام الضيف واجب
أم فارس : أي ضيفه و هي بتعيش معانا
أبو فارس : حرام عليك روحي شوفيها
أم فارس بعد اقتناع : طيب طيب

عند ريناد **من وقت ما طلع فارس وهيا تبكي على حالها
كيف بتتأقلم معاهم و أم فارس مو متقبلتها ومالها أحد
احتاجت لحضن أمها و حنان أبوها هيا صغيره على حياة العذاب دي سمعت صوت الباب مسحت دموعها**
أم فارس باستغراب : تبكي!
ريناد **بإنكار ؤتمسح دموعها** : لا لا خالتي تبغي شيء أساعدك فيه
أم فارس *قعدت على السرير* : ليش تبكي
ريناد : مافي شيء* ورجعت تبكي *
أم فارس *قلبها حن على ريناد* :ما عجبتك القعده هنا
ريناد *هزت رأسها ب لا *
أم فارس : طيب قوليلي اش في قلبك اعتبريني أمك
ريناد براحه : أنا ما ابغا اثقل عليكم كلام الناس بيجي عليكم وعلى فارس
أم فارس بحزن : ي بنتي إش الكلام ذا لا ثقل ولا شيء و كلام الناس مابيطلع مدام بنقول للناس انك بنت عم فارس و لا عاد أسمعك تقولي ذا الكلام
ريناد : إن شاء الله
أم فارس : يلا انزلي تحت انا و عمك قاعدين لحالنا و ملينا من وجوه بعض
ريناد بابتسامه ؛ طيب

……

ريناد نزلت و أم فارس تمسح على ظهرها
أبو فارس كان جالس بتفرج و لما سمع صوت أحد نازل طالع وراه و قال باستغراب من أم فارس قبل لا تزلع كانت مو حابتها : طمنيني ي بنتي نمتي زين
ريناد بآيتسامه : إيؤه إلحمدلله
أم فارس : جيعانه
ريناد ؛ لا خالتي تسلمي
أم فارس : لو شفتي الأكل بتأكلين
أبو فارس: قوليلي ي بنتي إنتي مين بنته
ريناد : محمد آل
أبو فارس ؛ ونعم ؤالله …. فين كان يشتغل أبوك
ريناد : بابا كان عندو شركات بس لما آتوفى محد اهتم فيها
أبو فارس : آهاا … طيب دحين مين يشتغل فيها
ريناد : ؤالله ي عمي ما أعرف شيء المحامي يسوي كل شيء
أم فارس ؛ قومي كلي ي بنتي
ريناد ما حبت تكسر كلمتها و راحت تآكل

وفي نفس الوقت ب مكان تأني
فارس منسدح على الأرض و يطالع في السقف و يحكي ل عمر اللي سار
عمر بقهر على بنت ما يعرف عنها غير اللي قالو فارس؛ من جدها دي الحرمه الله ينتقم منها
فارس : الود وي اذبحها ي عمر كان أقدر ادبح الرجال بس المشاكل بتجي على راسها و هيا مو ناقصه ابغا اعيشها هنا أحسن حياه بنسيها الثلاث سنين اللي عيشتها بدون أبوها
عمر : تحبها !
فارس جلس و انتهد : أكذب لو قلت لا ،،، لما قالت ان الرجال عندها حسيت نفسي بموت في مكاني خفت يكون سوالها شيء
عمر : الله ي حبيييب
فارس : سكر فمك بس
عمر : هههههههههههههههههههههه طيب هيا كيفها دحين
فارس أذكر اللي سار و ابتسم : ما أدري ما شف
عمر قاطع فارس : دقيقه دقيقه ليش الابتسامه
فارس ما قدر يكتم الضحكه : ههههههههههههههههههه مافي شيء
عمر : أكذب على غيري
فارس : هههههههههههههههههههههههههههههههههههه
عمر : اخلصص !
فارس : قلتلها اني أحبها والبنت استحت وطردتني ؤبس
عمر : اش قبل و بس
فارس : ولا شيء ،،،* وقام يصرف*،،،، أنا ما ضيفتك
عمر : مصيري أعرف ي حيوان و قوم عشيني
فارس : طيب يلاا خرجنا بس بروح اخذ غرض من جوا
عمر : صدقتك قال غرض روح شوفها و بوسها ليا
فارس فصخ آلشبشب " الله يكرمكم " ورماه على عمر : عيدها و شوف إش يسير
عمر بعد راسو : يا معفن

فارس دخل و شافهم قاعدين و يتكلمو

أبو فارس : قعذت ثلاث أيام كل ما اشوفه اضربه
ريناد ضحكت ضحكه فقدتها من ثلاث سنين من وقت ما كانت تقعد مع أبوها : هههههههههههههههههههههههههههههه
فارس : أنا حاس أنكم تتكلمو عني
أم فارس : هلا بولدي
أبو فارس : حكيتها على لما كنت تسوي نفسك ساجد
ريناد نزلت رأسها للأكل
فارس يطالع في ريناد: خيانه ؤالله أني جيعان
أم فارس : أجلس و أنا بروح اجبلك ملعقه
فارس قعد قبال ريناد : تسلمي يمه
أبو فارس : فارس كلم عيال خالك و خالتك بكره العشا هنا
فارس : أبشر
إم فارس تمد الملقعه ل فارس : بالعافيه
فارس ؛ الله يعافيك …… * عينو ما نزلت من ريناد و بهمس * وحشتيني
ريناد وجهها حمر وما ردت عليه
فارس بهمس : ريناد
ريناد رفعت عينها في عينو بدون ما تتكلم
فارس : تحبيني ولا لا !
ريناد * عينها في عينو و وجهها أحمر * صح تحبو بس صعبه تقولها : فارس اهلك هنا
فارس : قولي ولا بارفع صوتي
ريناد : فارس جوالك في أحد بيتصل
فارس شاف المتصل و خطرت ببالو فكره : ما عليا منو المهم قولي

ريناد حطت الملعقه عشان تبعد عن فارس : تسلمي ي خالتي
فارس : بيه ريناد ،،،
ريناد تطالع في فارس ب رجاء
فارس يكمل : و أنا و بنات خالي بنروح نتمشى
أبو فارس : طيب بس لا تطولو
فارس : خمس دقايق لو ما نزلتي بروح
ريناد : طيب
فارس خرج ل عمر

عمر طالع في فارس بحقد : يلعن اصلك ذا كلو تشوفها
فارس : ههههههههههههههههههههههههههه نسيتك والله
عمر : امشي امشي لا احط حرتي فيك
فارس : اتصل على اخواتك يجهزو بنروح مع بعض
عمر : ليش ما اصدق اطلع من البيت و اتفك منهم
فارس : رنودتي جايه معانا
عمر بقهر : حلوو بدايتها مسك
فارس : ههههههههههههههههههههههههههههه
عمر : دحين إش يخلصني من اخواتك !
فارس : صرف نفسكك ،، يلا سلام نتقابل في النور
عمر : ب اكرهك و اكرهها
فارس و هوا رايح يشغل السياره : إنتا حر ههههههههههههههههه

كانو قاعدين و يتاففو من الطفش نفس الروتين كل يوم دق جوال وحده فيهم وردت
….. : خير إش تبغا
عمر : ههههههههههههه خلاص البسو أنا جاي أخذكم و بمشيكم
ريم : انقلع
عمر : والله من جد اتكلم
ريم بتكديب : صدقتك في الأولى و مستحيل أصدقك في التانيه
عمر : كيفك يلا باي * قفل في وجهها *
ريم : واا قفل في وجهي الكلب
ليان : ههههههههههههههههههههه أهو يتصل عليا
عمر : ليونه يلا احهزو عشر دقايق وأنا عندكم
ليان ؛ مع نفسك شكلو فارس سحب عليك جاي تقلنا
عمر : والله ما سحب بنروح مع بعض
ليان : العب غيرها و قفلت في وجهو
عمر : اشبهم دول مالي غير جود
جود : هههههههههههههههههههههههههههههههههه أهو يتصل عليا
رريم و ليان : طنشيه
عمر : اوووف الولد يستنا ،،،، واتصل على فارس
فارس : مسرع وصلت أنا لسا ما حركت
عمر : البنات ما يبغو يخرجو
فارس ؛ الله و اكبر سجلها في التاريخ اخواتك يرفضو طلعه
عمر : قلتلهم أمس بطلعكم و سحبت عليهم
فارس : إنتا ما تبطل حركاتك دي ي كلب على العموم وفرتو خليني أعيش جو رومنسي
عمر : على جثتي ي شيخ رجلي على رجلك
فارس : ي سلام أنا و انت و ريناد هاهاهااي مع نفسك ي حبيبي * وشاف ريناد جايه * يلا يلا الحب جا * قفل قبل لا يسمع رد
عمر : الو الو … قفل انا اوريه الحيوان

ريناد ركبت السيارة بهدوء
بعد دقيقتين
فارس: اشبك ساكته في العاده أنا أسكتك
ريناد حست نفسها غريبه عن فارس و شويه تدخل في المقعده : مافي شيء
فارس : طيب تحبيني ولا لا أنا قلتلك أحبك و ما عرفت ردك
ريناد بخجل :فارس خلاص
فارس *يقلد صوتها *؛ فارس خلاص ،. اهرجي يلاا
ريناد : لا تتريق
فارس : طيب قولي تحبيني ولا لا
ريناد : لو قلت لا اش حتسوي
فارس : نفس اللي سويتو من كم ساعه
ريناد ووجهها أحمر : فااارس خلااص
فارس: هههههههههههههههههههههههههههههههههه
ريناد : أصلك حيوان
فارس: أبغا تانيه
ريناد : في أحلامك
فارس : متأكده
ريناد : إيؤه
فارس طلع جوالو
ريناد : أش حتسوي
فارس اتصل على ليان

في نفس الوقت
قاعدين نفس المكان و كل وحده قاعده تلعب في جوالها
جود حطت الجوال بجنبها و قالت بطفش: يمكن يكون صح كلامو
ريم طالعت فيها : خليه ينقلع * ورجعت تطالع في الجوال
جود : حرام حزني لو مو من جد ماكان اتصل علينا
ليان ؛ تبغية يضحك عليكي اتصلي
سمعو صوت الباب
ريم : شرف الاخ
عمر : أمشو قدامي كلكم لا اسحبكم من شعوركم
ليان تسوي نفسها خايفه ؛ ي ماما خفت أقوول طير
عمر : اقسم برب العباد إذا ما خرجتو دحين ماعاد موديكم ولا مكان
ريم بهدوء غير معتاد: أش غير رأيك
جود قامت من مكانها: أنا بلبس والله طفشانه و أبغا آخرج
عمر : أمشو أنتو الاثنين
ليان رجعت تلعب بجوالها : اسفه
ريم قامت من مكانها : ؤالله لو طلعت كذاب ما يسير خير
عمر : أخلصي
ليان قامت تجري ورا ريم : واا حيوانات بتروحو وتخلوني طيب استنوني يجي معاكم

في غرفه البنات
ليان : فارس يتصل غريبه يمكن يسال فين واصلين لأنو جاي معانا
ليان : هلا فارس
فارس : حبيبي كيفك
ليان : حبيبي !! أخلص إش عندك
فارس : آفاا ي روحي
ليان بملل: ي ليل فارس أخلص علينا
فارس : والله حتى انتي وحشتيني
ليان : أش قاعد تخبص
فارس : إيوه والله جايين من جده
ليان : خيير !!!
فارس : ههههههههههههههه من عيوني
ليان بطول صبر : الحمدلله و الشكر
فارس : خلاص اليوم اجيكي كذا على 12
ليان : فين تجي
فارس : الوضع اامن !
ليان : هيئيئيي اش تخبص
فارس : هههههه وانا كمان احبك * وقفل في وجهها *
ليان : بنات ولد خالتكم اتجنن
ريم و جود : هههههههههههههههههههههههههههههههههههه
ريم : اش يبغا !
ليان : مدري يقول وحشتيني و بجيكم 12
سمعو صوت عمر يستعجلهم كل وجده سابت اللي في يدها و راحو يلبسو عباياتهم

ليان 20 اجتماعيه وتحب الموضه داخله قسم تصميم أزياء تخاف على وزنها شعرها ل نهايه ظهرها مخطوبه ل ولد خالها و مرره تحبو من وقت ما كانو صغار
ريم 18 فيها شويه غرور ما يعجبها اي شيء نحيفه و قاصه شعرها فيكتوريا تحب تكشخ ب فارس بين صحباتها لسانها طويل و هيا أكثر وحده مرجوجه فيهم تحب الأفلام
جود 16 دلوعه و تحب فارس أكثر من اخوها و كل ما تقول شيء فارس ينفذو تحب تكتب و تقراء روايات حساسه و من أي كلمه تزعل

عند فارس
سكر من ليان و بعد المكالمه ب 10 دقايق

ريناد ووجهها للشباك و الدمعه في خدها : فارس مين دي
فارس : حبيبتي
ريناد : فارس مين دي اتكلم من جد
فارس قعد يغني : يا قلب بشويش على العين ما عاد اشوف أنا قدامي
ريناد : من متى تعرفها
فارس وفيه ضحكه : من قبل لا أعرفك
ريناد أخذت نفس : آهاا طيب أبغا أرجع البيت
فارس : أسف وصلنا و بنات خالي بستنوني
ريناد : خلاص انزل شوفهم و أنا استناك هنا
فارس : ي شيخه
ريناد : كيفي ما أبغا أنزل بالقوه يعني
فارس : إيوه بالقوه
ريناد : مع نفسك
فارس : ريناد
ريناد سااكته
فارس : ريناد
ريناد : ،،،،،،
فارس : ريناد أنا أتكلم
ريناد : ،،،،،،،
فارس ب عصبيه مصتنعه : رينااااد أناااا أنااديكي ردددي
ريناد طالعت فيه : خير
فارس : احبك
ريناد رجعت وجهها ل الشباك : واا من جد !!
فارس : طالعي
ريناد : ما ابغا
فارس لف رأسها عليه : رنوو تبكي !
ريناد بعدت يدو : خليني في حالي
فارس وقف السياره : رنو حبيبي اشبك
ريناد : ما فيا شيء
فارس : وليش البكي
ريناد : خليني في حالي و روح
فارس مسك يدها : عشانها تبكي !!!
ريناد بعصبيه بعدت يدها : فارس خليني في حاليي
فارس : طيب بس لا ترفعي صوتك *
نزل من السياره واتصل على عمر
عمر : اهو احنا عند المواقف
فارس : طيب ابغا ليان في موضوع خليها تجي موقف 5a
عمر : إوك *وجه كلامو ل ليان* روحي مواقف 5a فارس يبغاكي
فارس : يلا نتقابل فوق قفل من عمر و ولع سجاره وشاف ليان تمشي اشرلها
ليان : اشبك !
فارس : ولا شيء اطلعي السياره
ليان : ليش
فارس و السجاره في يدو : اطلعي و انتي تفهمي
طلع فارس وليان راحت ل الجهه التانيه و ما انتبهت انو في احد لأن السياره مظلله كامل فتحت الباب شافت ريناد
ليان : سوري * و قفلت الباب و رجعت ورا *
فارس : ليان مين إنتي
ليان باستغراب : ليان
فارس : هبله إش تقربيلي
ليان : بنت خالك و أختك بالرضاعه
فارس : مين اتصل عليكي من نص ساعه
ليان و هيا مو فاهمه شيء : إنتا
فارس. : إش كنت أقلك !!
ليان : قلت وحشتيني و انك جايي من جده و نتقابل اليوم
فارس يوجهه كلامو ل ريناد : خلاص ارتحتي
ريناد : ……
فارس : أول مره أعرف انك غيوره
ريناد : ………
فارس : رنو خلاص فكيها ولا ؤالله لاعيد الحكايه ديك وقدام ليان
ريناد : نجوم السما
فارس سحب يدها : ترا ما يهمني وجود ليان
ليان بعد طول صبر : هييي إش في ومين دي و ليش اتصلت
فارس : دي حبيبتي
ليان بصدمه: أيشششش !!!
فارس : نقصي صوتك دي بنت عمي من جده و جايه تكمل دراستها هنا و
ليان بفضول : تحبو بعض !!!
فارس : بالنسبه ليا اموت فيها
ليان تطالع في ريناد : و إنتي !!
ريناد : لا
ليان : اماا
فارس : طنشيكي منها الكذابه دي لما اتصلت عليكي و قلت بشوفك بكيت
ليان : هههههههههههههههههههههههه
ريناد : ،،،،،،
فارس بأس يدها : خلاص رنوده
ليان : ي رومنسيي
فارس : أعجبك
ريناد سحبت يدها من يد فارس و أخذت منديل تمسح دموعها
ليان : بنطول هنا ! * و نزلت من السياره *
فارس نزل و راح ل جهه ريناد و فتح الباب و نزل ل مستواها : أحبك ؤمستحيل اشوف غيرك *ونزلها من السياره*
ليان : الله الله طيب راعو مشاعر العزابيه
فارس : عيب ي بت غضي البصر
ليان : لا لا خليني اتفرج والله محرومه
فارس شاف ولد عمرو 11 : ي ولد
الولد : إيوه
فارس : أش اسمك
الولد : أش دخلك
فارس : إيوه صح إش دخلني …. بس إنتا متزوج
الولد : لا
فارس سحب يد ليان و أعطاها الولد : خذ اتزوج دي و انا أصرف عليكم
ليان و ريناد : هههههههههههههههههههههههههههههه
الولد ؛ لا أبغا دي * واشر على ريناد *
ريناد : ي حياااتي
فارس ؛ امشي من قدامي لاعطيك كف
الولد ؛ والله مزاا
فارس : هيي أنا مو مالي عينك
الولد : انتا قلت تزوجني دي انا ابغا دي لأنها أحلى
فارس بعصبيه : هيييييي احترم نفسك
الولد : ليش عصبت لو تبغاها خدها في غيرها ألف
فارس ؛ روح للألف و خلي دي ليا * وسحب ريناد وراه *
ليان : الله باعني الكلب
الولد : تعالي معايا و أنا أبسطك * وغمزلها *
ليان بفرح : بتلعبني بلايشتين معاك !!
الولد : لا بنروح البيت
فارس : ليش البيت
الولد : نسوي زيكم
فارس : اش زينا
الولد : لا تحسبني غبي أنا أعرف كل شيء
ليان و ريناد : ههههههههههههههههههههههههههههههههه
فارس : يلا أمشي من قدامي لا انهيك
الولد : روح روح بس عندك انفصام تناديني و بعدين تقول روح *و وجهه كلامو ل ريناد * الله يعينك عليه
فارس : امشي من هنا أحسن لك
ريناد ;هههههههههههههههههههههههههههههههه
فارس : أمشو قدامي إشوف

في النور
ريناد أتعرفت على ريم و جود و قعدو يتسوقو و كل واحد رجع لبيتو

……