موت غيابك سوالف ..
ما يخوفني زماني
بس من فرقاك خايف ..
فجأه أصحى وما أشوفك ..
لا تهددني … ظروفك
إعتبرني .. حلم واقع
وإلا ظل ما يطوفك
ظامي عطشان .. جيتك
لا يعشمني سرابك ..
تسمح بكلمه بغيتك
قبل لا تبدي غيابك ..
/
يعني :
أسوء شي شفته طول عمري
تبدي ضحكاتي هلابك
وفي وداعك
ما ينام الجرح بدري
وإنت كيفك
شوف وش ناوي عليه
هاك قلبي وهاك سيفك
وسو فيني اللي تبيه
لا تحاتي
صفح بكيفك جروحي
وإشطب آمالي وطموحي
وإعتبر قلبي كتابك
/
مركب بداخل شعوري
من نسى قلبك .. حضوره
قلبي ما واجه شعوره
عندي ما به شي ضروري
فاقد إحساس الأماني
لا مراسي لا مواني
وصارت الدنيا قسى
وصار دوري..
أعشق أنواع الأرق ..
وألفظ أنفاس الغرق
وصوت معناه الخطر
وقلب ميت يحتضر
من غيابك السلامه
فيها قلبي ما رسى
لا صباحي هو صباحي
ولا مسا قلبي مسا
يا حبيبي في .. غيابك
إختلف شكلي ولوني
صرت أنا إنسان ثاني
والسهر تعب عيوني
والسؤال اللي ذبحني :
– صج اهو فعلا نسى ؟
راح وأهداني الأسى!
وما وصلت إلا ل حقيقه :
الجفا أسهل طريقه
للقسى..
/
بس أبسأل وين كنت؟
وين رحت بغيبتي؟
وبسأله عن وضع قلبك!
هنت عنده أو ما هنت؟
ياللي من غيرك حياتي
ما لها داعي ومعنى
صار قلبي ما يحاتي:
بعد ما تخليت عنه
إيه كل الناس عندي
بس مابيهم بدونك ..
تدري يا عمري بأنك..
عندي كل الناس إنت
ومهما تجرحني مسامح
وكل طعناتي عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت
علي الدنيا خنت.
/
تحياتي
منقول
صح الله الساان الشااعر احمد الصانع
ويعطيك العافيه عاالنقل
بس ياليت حبيبتي
تكتبي منقوول مرة ثانيه
الله يعطيك العافيه على النقله الرائعه
وصح لسان الشاعرتقبلي مروري ولكي
خااااااااالص تحيااااااااااااااااااااااااااتي
يسلمك ربي
تحياتي الكم
وماقصريتي
اتمنى لك المزيد من التميز و الابداع
تقبلي فائق تقديري و احترامى
لا نملك إلا ان نغمض العيون ،،،
ونترك العنان للدموع ،،،
ونبدأ بالكتابة ،،،
كلمات ولا اروع ،،،
ونقل موفق،،
يسلمووو
تحياتي
