تخطى إلى المحتوى

Time to change ~ حـان وقت التغييـر اذا مازلتي تحسين انج إنسانة إدخلـي

الجيريا

الجيريااضغطي هنا لمشاهدة الصورة بحجمها الأصلي
الجيريا

تحذيـــــر:-
اذا كنتي غاليتي من المحبطات السلبيات
ترغبين بالتغيير في حياتك
فـ رجاءا أحضري دفتر وقلم خاص بك
تكتبين به ما تريدين تغييره في حياتك وشخصيتك
وتبدأي بتنفيذه
و استمتعي معي برحلة التغيير

السلام عليكم ورحمة الله وبركاته
بسم الله الرحمن الرحيم

تدرين ليش لازم تبدأين التغيير ؟

لأنج إنسـانة
مسلمـة
لج قلب .. ولج روح
ولـج اماني
ولـج احلام ..

كلنا محتاجين نغير جوانب من حياتنا
جانب ديني
شخصي ..
اجتماعي..
مهنـي..
عاطفـي ..
تجميلي ..
هالتغيير راح يكون لوجه الله .. ثم بحق انفسنا
اللي أهملناها و اتعبناها
و العذر دايم : هموم الدنيـا

مع انه لو تفائلتي
ولو تقربتي من الله
ولو غيرتي نفسج قبل ما تطلبين تغيير اللي حولج
كنتي راح تستانسين .. ولو ما عندج الا الصحة و العافية .. بس والله كنتي راح تستانسين ..

موضوعـي .. عبارة عن قرار
قررته انا .. وانتي .. وانتي .. انه نتغير
للأحسن
للإيجابي
للأروع
للإنجاز
وللنشاط
لاننا نستحق ..
فـ لم يخلقنا الله عبثا
واذا عصيتي
وغلطتي
و سويتي اشياء ما تنقال ..
لا تنسين
ان الله غفور رحيم
صفحتي هاذي
للتحرر
من كل همومنا و أوهامنا
وسلبيتنا .. وضغوطنا
علشان نعلن انه .. حـان وقت التغييـر

الجيريااضغطي هنا لمشاهدة الصورة بحجمها الأصلي
الجيريا
راح اكلمج بصراحة .. واعطيج خطوات عملية
الباقي والدور كله عليج انتي
قرري اذا كنتي تبين التغيير ولا لأ =)

أول جانب .. وأهم جانب
لو غيرناه .. بتتغير حياتنا
للأجمل وللأنقى و للأروع
جانب علاقتنا بالرحمن الكريم ..رب العباد الرحيم
اليوم وبسنة 2022
فقدنا اشياء وايد .. كانت تحسسنا بلذة القرب من الله
اندفعنا ورى اشياء وايد
تعصي ربنا .. بس اهو رحيم و يظل يسامحنا
بس لين متى ؟
سؤالي اهو نفس سؤال احمد الشقيري في برنامج خواطر
شنو راح نسوي لو كنا بعصر الرسول صلى الله عليه وسلم
اكيد كنا بنكون في قمة السعادة .. شعور عمره عمره عمره ماراح نقدر نوصفه =)
اندفعنا وصرنا نركض ورى ملذات الحياة ..
عفية .. علشان ربنا و رسولنا و امهاتنا وابونا
والاهم لانفسنا
خل نرجع للحجاب اللي يغطي كل الشعر
خل نرجع للبس اللي مايبين شي من ملامح انثويتنا
خل نغار على جسدنا .. وجمالنا
( بعدين بقولكم على نقطة شلون نهتم بجمالنا )
خل نترك الأغاني
ونلازم القرآن
نصلي قيـام الليل
ونرطب لسانا باستغفار الرحمن و تسبيحه وحمده على كل نعمة من النعم الصغيرة لي الكبيرة وأهمها الصحة و العافية ..
قلوبنا تعبااااانة
بعضنا غصبا عنه صارت قلوبهم سودة .. مو منهم من اللي شافوه و عانوه
علشان جذي .. اليوم بركعتين في جووف الليل
قولي يارب .. ودي بالتوبة اعني عليها يارب وابعدني عن كل مايعصيك .. ونور قلبي بنور هدايتك
وكلمي ربج .. سامعج و يدري باللي تحسينه .. سبحانه عز وجل .. كلميه فضفضيله .. " هو ربك أحن من الناس عليك ".. يبيج تتوبين له اكثر من شوقتج للتوبة ..
حاولي
هدي الأغاني
حرام الملايكة تكون قاعده بعيد عنج لانج تسمعين اغاني .. مو حرام علينا ؟؟
تدرون ان الملائكة .. ساعات تحمينا .. مثلا لو قدامج شي و اتعثرتي فيه و فجأه الله حماج .. وتقولين الله عطاني عمر يديد .. ترى هذا أمر من الله للملائكة علشان تمسكج وماتطيحين او يصير فيج شي ..
وعندي معلومة بعد
اي بيت يكون في شخص يقوم الليل
يكون هو البيت منور ونوره واصل للسما عند الله الكريم و الملائكة
ولو في ليلة تعبتي وماقدرتي تقومين قيام الليل
النور ينطفأ .. ف الله عز وجل يسأل ملايكته .. ليش هالبيت اليوم مو منور ؟ .. يردون عليه بالسبب انج مريضة او تعبانة او اي شي .. ف يستغفرون لج
سبحان الله الكريم ..
الجيريا

اذا حابة التغيير الديني :-
لابد من ترك الأغاني لوجه الله وابتغاء رضاه =)
لابد من الالتزام بالحجاب الشرعي =)
لابد من صلاة الفروض الخمس في وقتها على أتم وجه ( لازم نحاول نهد السرحان في الصلاة ونركز و نتذكر ان صلواتنا معروضة على الله عز وجل )
لابد من قراءة اذكار الصباح و المساء =)
لابد من قراءة ولو صفحة من القران الكريم ( حرام يشهد علينا يوم القيامة ويقول هجرتني ) =)
رطبي لسانك دائما بذكر الله ( استغفار وتسبيح وحمد و تكبير وتهليل .. إلخ )
اذا قدرتي و الأجر مضاعف ان شاء الله :-
السنن و النوافل
صيام الإثنين و الخميس

و الأهم من كل هذا وذاك .. النية الصافية الخالصة لوجه الله تعالى .. مو لعبادة له وحده لا اله الا هو عز وجل =)
الجيريا

وفي المرتبة الثانية بعد الناحية الدينية

هي ناحيتنا وزاويتنا الشخصية :-

كل وحده فينا تستاهل انها تكون أفضل وأفضل
تستاهلين تكونين إنسانة مميزة ولج بصمة في حياة كل إنسان تمرين عليه ..

علشان جذي

اول خطوة .. كتبي ورقة .. كتبي فيها كل عيوبج بصدق و أمانة .. ومو مشكلة اسألي أقرب الناس لج الصريحين ويحبونج .. قوليلهم انا شنو عيوبي

اكتبي كل شي تعرفينه بورقة كل شي بمعنى كل شي بأمانة
بعد ماتقرينها

رسمي على ورقة عيوبج علامة X تغطي كل الكلام الموجود في الورقة
وقولي باذن الله انا راح اتغير
وشيلي هالورقة وارميها من الشباك
وخلاص انسيها .. لانج اذا نويتي التغيير باذن الله راح تصيرين انسانة ما تمتلك هاذي العيوب اللي كانت عندج

هاتي الورقة الثانية
وكتبي
رفيها انتي شنو تبين تصيرين بكلمات واضحة جدا ومختصرة

ك مثال :-

انا راح اصير ان شاء الله انسانة ابتسم لكل بنت و سيدة تيي عينها بعيني .. راح اغير كل فكرة سلبية في مخي إلى فكرة إيجابية .. راح اشد حيلي بدراستي علشان اصير ناجحة ..
راح اتخلص من العصبية خطوة بخطوة
راح اقلل من الثرثرة
راح ابتعد نهائيا عن الغيبة والنميمة خطوة بخطوة
…. إلخ

و اكتبي كل شي بخاطرج ..

تذكري ان التخيل مجانا .. وهو أغلى هدية مجانية
علشان جذي لا تبخلين على نفسج بالتخيل
تخيلي كل صفة ودج تكون عندج .. وكتبيها

لا تبخليـن على نفسـج .. وتذكري مافـي شي مستحييييل

وبعدها امسكي كل صفة .. و اكتبي كيف امتلك هذي الصفة .. شلون امتلكها .. شلون ابدأ وشنو الخطوات ..

وبـ جذي بنهايةالمطاف .. تصيرين انتي افضل دايما و صرتي احسن و أحسن =)

تذكري : تستاهلين انج تصيرين أحسن إنسانة الجيريا

الجيريااضغطي هنا لمشاهدة الصورة بحجمها الأصلي
الجيريا

الحين النقطة المهمة جدا

حالتنا الإجتماعية ..

شوفي أختي وغاليتي وحبيبة قلبي ..
تستاهلين انج تمتلكين أجمل العلاقات

علشان جذي .. اذا ما عندج صديقات وأخوات دنيا
ابحثي ثم ابحثي ثم ابحثي .. وراح تلقين

واذا عندج =)

لاتقطعينهم ولا تنسينهم .. تذكري انج تمتلكين اطهر العلاقات وهي علاقة الصداقة =)
اضحكي واستانسي وسولفي مع صديقاتج
ولا تزعلين منهم سامحيهم على كل زلة
لان كل انسان فينا يغلط .. حتى احنا نغلط =)
اما الحين

ف احنا لابد ولازم
نغير علاقتنا
بأطهر واغلى وأجمل شخصين
ممكن قلوبنا تتعلق فيهم في يوم

وهم =) الأم .. و الأب

عسى الله يحفظ والدينا
ويرحم الأموات منهم

اذا كانوا أحد والدينج او الاثنين متوفين

ف لا تنسينهم بالـ :-

الدعاء في كل لحظة
وتسوين اللي كانوا يوصونج عليه
و تزورين وتبرين اصدقائهم
وتسوين لهم اللي تقدرين عليه من ( صدقة .. و تخصيص ورد من القرآن ك صدقة لهم .. او توزيع مصاحف باسمهم … و الاختيارات واسعة) بس امانة لا تنسينهم مثل ما هم عمرهم مانسونا ولا لحظة بصغرنا .. مانبي ننساهم بكبرنا

اما اللي والدينهم احياء
ف لابد ابدا معاكم بجملـة
وهي:
يارب لك الحمد والشكر

والله ان نعمة الوالدين أجمل نعمة
وابتسامة الوالدين اصدق بسمة
و محبة الوالدين اوفى محبـة

الأم

احنا حرق بسيط في صبعنا ما نتحمله .. او شرخ بسيط في ايدنا ما نتحمله .

شلون ألم الحمل و الولادة و الطلق
شلون ألم وتعب اني اوقف طول اليوم في المطبخ
وايدها تنحرق بالفرن واحنا ناكل ونقوم

الام.. انسانة ارخصت حياتها علشان حياة اطفالها

اما الأب

فهو افضل قدوة بعد الرسول صلى الله عليه وسلم
شاف الذل والعنا
و انهان من فلان وفلان
علشان بس ناكل
ومثله دايم لجل عين تكرم مدينة
وهالعين هي احنا عياله
والمدينة تكون صحته وكرامته

والله عمرنا ماراح نوفي قدرهم
والله عمرنا ماراح نوفي قدرهم

علشان جذي استغلوا وجودهم
ثم استغلوا وجودهم
ثم استغلوا وجودهم

شلون يكون استغلال وجود الوالدين الله يحفظهم ؟

– ماتقولين لهم اف ابدا ونهائيا ومطلقا
– تخدمينهم بيدينج ورجولج
– عندج كريم فراولة قومي مسحي ايدين امج قوليلها يمة تعالي اسويلج من هالكريم ريحته حلوة
– عندج كريم عناية للرجول قولي لأبوج : يبه هات ايدك خل اسويلك من هالكريم لرجولك

طلعتي مول وعندج فلوس لا تنسينهم حتى لو بوجبة عشا او سلطة او عطر او اي شي ممكن يفرح قلب امج وابوج

اذا انتي في المدرسة او الجامعة .. شدي حيلج شدي حيلج شدي حيلج .. علشان تقدرين تردين لهم ولو نص الجميل

اما لو انتي مقبلة على الزواج

فـ ثقي تماما كما تعاملين والدينج .. يعاملونج فلذات أكبادج =)

الجيريا

اما الحين ف هي زاويتنا المفضلة :-

زاوية الجمال

اهتمي بنفسج أول بـ أول
من حقج تصيرين قمر
مهما كنتي
بيضا .. سمرا
طويلة .. قصيرة
مليانة .. ضعيفة

فـ تأكدي انج جميلة
مافي ولا امرأة ماهي جميلة
بس المهم انج تعرفين وين نقاط جمالج وابرزيها
طبعا مو نبرزها في المول
لا لأهلج ل صديقاتج لـ زوجج =)
والاهم لنفسج .. الجيريا
مادري اذا انتوا عندكم نظام للاهتمام بالجمال ولا لا .. بس ان شاء الله هذا يفيدكم .. وعندكم قسم الجمال والعناية في خلطات قمة في الروعة ..
شرب الماء على الأقل 7 اكواب يوميا
اكل طبق سلطة يوميا
اكل نوع او اكثر من الفواكه يوميا
شرب عصير برتقال طازج في الفطور ( ينعش البشرة )
تمارين رياضة ( حتى لو مجرد ركض خفيف في غرفتج المهم نبي نشاط وحيوية )
اختاريلج خلطتين من قسم العناية والجمال
( خلطة تكون ثلاث ايام في الاسبوع .. وخلطة يومين في الاسبوع ) او على راحتج حتى لو حابة خلطة صباحا وخلطة مساءا

هاذي الأساسيات عاد انتي وشطارتج علشان تكونين أنثى جميلة .. واللـه جميل يحب الجمال =)

غاليتي تذكري

ان جمال المرأة بحيائها وعفتها
وابتسامتها الصداقة
وطيبة قلبها =)
و ان التقرب من الله وحسن الظن والتفاؤل ثم التفاؤل ثم التفاؤل هم اساس الحياة السعيدة =)
لا تحزني
فإن الله لكريم
ولا تقلقي
فإن الله يدبر امورنا
ولا تبتعدي عن الله
فـ إن في بعده سبب لشقاء حياتنا

ولا تخافي من التغيير
لانه اساس في الحياة
ف لابد لأن يكون تغييرنا للأفضل
وتذكري وتأكدي وثقي
ما دمنا مسلمين .. ف لا وجود للمستحيل =)

شدي حيلج وكوني طموحه
مهما كنتي ومهما كان عمرج
زيدي في تمنية مواهبج
او حتى ضيفي لنفسج مواهب
صيري مصورة .. مصممة .. اي عادي شفيها ؟
صيري اي شي تبينه

مدام الشي يرضي الله ثم والدينج ثم ضميرج
ف ماعليج من الباقي =)

اتعلمي لغات =)
العبي مع اليهال =)

عيـــشي حيـــاتج
وقرري التغيـيــــــر

=)
الجيريا

والحين .. خلصت .. و الباقي والدور عليج انتي =)

انتي سيدة حياتج .. وانتي ملكة في عالمج

علشان جذي لا تبخليـن على نفسج ابدا ومطلقا

لا تنسونـي بالدعاء .. ادعولي باللي تبونه لأنفسكم علشان تقول لكم الملائكة ( ولك مثله =) )

عسى الله يحقق امانيكم .. ويحفظ ويرحم والديكم
و عسى الله يرزقكم حياة كلها حب وسعادة و إنجاز

اذا حبيتوا الموضوع =) انقلوه بإيميلاتكم او مدونةكم
بس اطلبولي الدعاء =)

م/ن

السلام عليكم ورحمة الله وبركاتهه ..
الموضوع آكثر من رائع ..
شسما أقول بس مفيد حلو يعطي الثقة بالنفس .. الصراااحة حيل جاء بوقته .. 🙂
مع انو منقول بس تستاهلين التثبيت مدى الحياة .. الجيريا الجيريا

عشان البنوتات يستفيدون منو .. الجيريا
شكثر حبيتش الجيريا الجيريا الجيريا الجيريا
ودي

نقل موفق غاليتي
جزاك الله خير …ويستحق التثبيت وبجدارة
تحيتي لك
ربي يسعدك ع هيك موضوع

يالغلا كنت باثبته بس رغوده سبقتني

يعطيكي آلف عآآفيهـ يآقلبي 🙂

سلام عليكم

ايش اقوال لك اختي

بس قريت كلامك حرف حرف

كثبر اثر فيني حيل

والله يجزالك الف خير يارب. ويسعدك
في حياتك يارب

وانشا الله. يصير تغيير في حياتي.
والف شكر لك اختي

جزاك الله خير.
جزاك الله ألف خير على هالمعلومات القيمة والثمين ةفي ‏ ميزان حسناتك يعتبر كتنبيه وتذكير في زمن ندرة فيه الموعظة الحسنة والأعمال االصالحة تقبلي مروري ‏

يسلموووووووووووووووووووووووووووا

اعجاب

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.