المقادير :
4 _ كاسات دقيق ابيض طبعا ( البعض يسميه طحين )
1و1,5ماء دافئ ( كاس ونصف ماء )
4 _ملاعق جبن سائل بوك ( ممكن اي جبن سائل تفضلينه )
2_ ملعقة خميرة فورية مو بكنج بودر .( طبعا ملعقة كبيرة حقت اكل)
فنجان سكر + فنجان زيت . + بيضة واحدة + شوي ملح .
4 _ ملاعق حليب بودرة .
تعليمات :
نبدأ بالسوائل أولا
الموية الدافية + الخميرة ونحركها شوي .
نضيف البيضة + الزيت + السكر + الملح + الجبن ( جميع المقادير ما عدا الدقيق )
وبعدها نضيف الدقيق بالتدريج ونحرك العجينة لحد ماتتماسك.
ونغطيها ونتركها تتخمر لمدة سااعة ( مهم الوقت لنجاح الطريقة )
وبعدها بنلاحظ العجينة تخمرت ناخذها اجزاء .
ونحضر شي نفردها عليه حسب الموجود .
ونفردها بالشكل هذا
وبتلاحظون الفرد يكون وسط لا سميك ولاخفيف
ونقطعها كما بالشكل ( او حسب الرغبة )
ونكون مجهزين الزيت لقليها ولا يكون حااااار مرة نخلي النار وسط .
نقلي الجبنيه بكميات مناسبه مو مرة وحده مع الاستمرار بالتحريك .
وبتكون بالنهاية بالشكل هذا.
اتمنى تعجبكم ياارب جربوها لذيذة حيييييييييل
مع خالص حبي لعبير
ملاحظة : يوضع عليها شيرة بالأخير ( يسمونه قطر بعضهم )
وبالعاااااافية عليكم
على فكرة كل الصعوبات اللي واجهتني والظروف الصعبه اللي مريت فيها وانا اسوي الطبق اكلناه كله ولا شي زاد وهذي الصورة لعيونك
تسلمين حبيبتي على الطبق اللذيذ تحياتي لك
تسلمين فرحة يتيمة جربيها وراح تعجبك غلاتي مشكورة لطلتك الجميلة