اتابع فيك مفرود القصايد – اعجبتني 2024

انا لو جيت لك مجنون قولي فلسفة عقال

ابغير مفاهيم النحو والصرف والاهمال

اباخلق نون للنسوة،وبافتح باب للإحلال

ابانصب مبتداك بكاف وامسح منه حرف الدال

ابالعن خامس الفاعل، وأغير صيغة الأفعال

ابالغي سيبويه ابحرف، واضع بالنقاط اجيال

ابيك انتي اجابة من، وعطف الواو،واسم الحال

ابيك انتي قواعد صرف، وحزم الجد واستهبال

اباعقد مؤتمر قمة،وبافرض حظر للتجوال

ابادعي قلبي وعقلي، وكل احساس صال وجال

بما ان الظروف الآن، لاتسمح بأية حال

عليه الآن، فليعلن طوارئ والحمول اثقال

أبي كف، وهدب عين، ونقاوة قلب واستبسال

أبي وقفة من عيونك تكفى عن مية رجال

وانا اخترتك لأن اسمك، يسري بي شجون طال

لأنك رحمة الكافل، بعين ايتام وام عيال

ولأني كل ماشفتك، عطيت الحمل والحمال

اناظر عينك اليمنى، واشوف الليل والموال

واضيع هناك مابين الرموش وبين حبة خال

انا جيتك ولع عاشق، يدور فيك راحت بال

انا الدمعه وهي دمعه، اذا طاحت وهي اذلال

واخلي رمش يحظنها، ورمش الها يصير اظلال

وبعد هذا تجين انتي، تسوقين الجروح اشكال

أما تخشين ان يهلك، بفعلك شاعر قد آل

الا ويح القلوب اللي، تهد ابصد صم اجبال

تحياااااااتي لكم آمل ان تعجبكم 000