السلام عليكم ورحمة الله وبركاته
خواتي الحلوات في عبير ….بينكم بنوتة عسل نزلت لنا طبخة (شي الدجاج بتتبيلة خاصة )ومن المقادير باين انها جنان
طبقتها وطلعت روعة ولأن (رغوووووودة العسل)نزلتها بدون صور صورتها وقلت احطها حتى تشوفونها
وهذا رابط الموضوع:
http://v.3bir.net/288660/
المقادير:
8 أجنحة دجاج مقطعة إلى نصفين (ماعندي اجنحة كاملة بس الجزء العلوي من الأجنحة )
3 ملاعق زيت زيتون
1 حبة فلفل أخضر حار (ما حطيت لأن وريداتي ما يحبون الحار )
نصف كوب عصير ليمون
ملعقة ثوم مطحون (حطيت طازج مبشور افضل واطعم )
2 ملعقة كزبرة خضراء
نصف ملعقة ملح
ربع ملعقة فلفل أبيض
وزيدت عليهم :ملعقة وسط بهارات بحرينية مخلوطة +ملعقة كبيرة روب(زبادي)
الطريقة
1.تخلط جميع المقادير ما عدا الأجنحة
2.تتبل الأجنحة بالخليط السابق و يترك جانبا لمدة ساعة واحدة
3تشوى الاجنحه وممكن نشوي البصل والبندوره والفلفل بجانبه ….وتقدم بطبق واحد مشكل بشرائح البندوره او البطاطا والجزر…….
وكنت حابة نشوي في الحوش او التهوية او الحديقة (كل وحدة تختار المسمى اللي يستخدمونه في منطقتهم )لكن ما شاء الله عندنا امطار غزيرة صار لها ثلاث ايام حالت دون تنفيذ خطتي ولا الشوي واجوائه روعة ولا تتفوت
المهم استسلمت وشكيتهم في اعواد الخشب وشويتهم على شواية الفرن
وهذا شكلهم قبل الشوي
وهذا بعد الشوي
وهذا تصوير جوي للطبق
.
وصحتين……. اتمنى يعجبكم وتجربونه
ليش أنتين كله تحرجيني مثلا
تسلمي فديتش ماهنا عسولة غيرش في المدونة
مآ توقعت شكلها كذا .. آنا بيكون , تحمضت أسمن
تعرفي معناتها ؟! 
لك مني هذي الوردة
+ وتثبيت وراها 
ليش أنتين كله تحرجيني مثلا
تسلمي فديتش ماهنا عسولة غيرش في المدونة
مآ توقعت شكلها كذا .. آنا بيكون , تحمضت أسمن
تعرفي معناتها ؟!
لك مني هذي الوردة
+ وتثبيت وراها هلا وغلا ….وحيا الله هالطلة …ليش احرجش؟؟؟ انتي
لا …والله حلفت انتي العسولة و
ياويل اللي يقول غير هالكلام ياعمري باين من مقاديرها انها شي
وهذا دليل على الذوق اللي عندش 
اي ياقلبي اعرف …..منكم تعلمت (الحمد لله)الله يعافيك ….متحمسة بالزاااااف
ع قولة ساندرا 
مشكورة غناتي ع الوردة ….وعلى التثبيت …الله يعطيش الف عافية
كماعودتيناابداعاآت ماشاءالله 
تسلم يدينك كلك ذوق
يمممي شكلهآ بيشهي حييل ’
يعطيك العآفيةة يالغلآ
دمتي مبدعةة ’
كماعودتيناابداعاآت ماشاءالله
تسلم يدينك كلك ذوق
هذا من ذوقك غناتي
الله يسلمك …نورتيني
يمممي شكلهآ بيشهي حييل ’
يعطيك العآفيةة يالغلآ
دمتي مبدعةة ’
الله يعافيك …
اسعدني مرورك بمتصفحي وردك
شهيتيني حيل باذن الله بجربه
اذا صار فيني حيل
رغوده يعطيك العافيه اطباق سهله وخفيفه
تستاهلين احلى تقييم سجود بس اذا سمح سمعات
ربي يسعدك
طيب هاتي حته
ههههه
ودي
